Josué 21:43 - CHUYA QELLQA La Biblia en Quechua de Ayacucho 2012

⁴³ Imaynam ñawpaq taytankuman jurasqanman hinam Israelpa mirayninkunaman llapallan allpata Tayta Dios qorqa. Hinaptinmi paykunaña chaypi yacharqaku.

Quechua Ayacucho Bible 1987

⁴³ Abuelonkunaman juramentasqanman hinamá Israelpa mirayninkunaman llapallan allpata Tayta Dios qorqa. Chaymi paykuna dueñochakuruspanku chaypi *f**yacharqaku.

Chuya Qellqa 1992

⁴³ Imaynam ñawpaq taytankuman jurasqanman hinam Israelpa mirayninkunaman llapallan allpata Tayta Dios qorqa. Hinaptinmi paykunaña chaypi yacharqaku.

Josué 21:43 Iomraidhean Croise

Génesis 12:7

Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 13:15

Kay qawasqayki allpatam qanmanwan miraynikikunaman wiña-wiñaypaq qosqaykichik.

Génesis 28:4

Abrahamman prometesqan bendicionnintayá qanmanwan miraynikikunaman qosunkichik, chaynapi mana llaqtayuq hina yachasqanchik allpa qamkunapaña kananpaq, nispa.

2~Crónicas 20:8

Dios Taytallayku, kay allpapi yachaspankum temploykita ruwaspa nirqaku:

Nehemías 9:24

Paykunam Canaán allpaman yaykuspanku hapikuykurqaku, chay allpapi yachaqkunatam paykunapa qayllanpi uchuycharqanki, reyninkunatawan runankunatam paykunapa makinman churarqanki, chaynapi paykunawan munasqankuta ruwanankupaq.

Nehemías 9:8

Qanmi allin sonqoyuq kasqanta qawaykurqanki, chaymi paywan huk pactota ruwarqanki, Canaán, Het, Amor, Ferez, Jebús hinaspa Gerges runakunapa allpanta, Abrahampa mirayninman qonaykipaq. ¡Huklla rimaq kasqaykiraykum imam nisqaykita cumplirqanki!

Éxodo 3:8

Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Jeremías 32:23

Kay allpaman yaykumuspankum munaychakurqaku, ichaqa kamachikuynikitawan yachachikuynikitam mana kasukurqakuchu, kawsarqakupas manam kamachisqaykiman hinachu, chayraykum tukuy kay sasachakuykunata kachaykamurqanki.

Números 33:53

Chay allpapi runakunata qarqospaykichikmi chaypi yachankichik, chay allpataqa ñoqam qamkunapaña kananpaq qoykichik.

Deuteronomio 11:31

Qamkunam kay Jordán mayuta chimpankichik, chaynapi Señornikichik Tayta Diospa qosusqaykichik allpaman yaykunaykichikpaq. Chay allpaman yaykuspa chaypiña yachaspaykichikqa,

Deuteronomio 12:29

Yaykunaykichik allpapi llaqtaku-nata Señornikichik Tayta Dios chinka-rachiptin paykunapa allpankunapiña yachaspaykichikqa,

Deuteronomio 17:14

Señornikichik Tayta Diospa qosunaykichik allpaman yaykuruspa, chay allpapiña yachaspañataq niwaqchik: “Muyuriqniykupi llapallan nacionkuna hinam ñoqaykupas kamachiwanankupaq reyniyuq kayta munaniku”, nispaykichik.

Deuteronomio 34:4

Hinaspam Moisesta Tayta Dios nirqa: Kay allpatam Abrahamman, Isaacman hinaspa Jacobman jurarqani, chaynapi paykunapa mirayninkunaman qonaypaq. Qawaykunaykitam munarqani, ichaqa manam yaykunkichu, nispa.

Josué 1:6

Qarinchakuspayá kallpanchakuy. Qanmi ñawpaq taytankuman prometesqay allpata kay runakunaman herencianku kananpaq partenki.

Josué 21:42

Chay llaqtakunaqa sapakamam karqa muyuriqninpi echaderoyuqkama.

Jueces 11:24

Quemos diosnikipa qosusqaykiqa, ¿manachum qampaña? Chaynam ñoqaykuman Tayta Diospa qowasqankupas ñoqaykupaña.

1~Samuel 12:8

Jacobmi mirayninkunapiwan Egipto nacionman ripukurqa. Chaypim ñawpaq taytanchikkuna ñakarisqankurayku Diosta qayakurqaku. Hinaptinmi Tayta Dios kacharqa Moisestawan Aaronta, paykunam taytanchikkunata Egipto nacionmanta hurqomuspanku kay allpaman yachanankupaq churarqa.