Josué 20:3 - CHUYA QELLQA La Biblia en Quechua de Ayacucho 2012

³ Chaynapi pipas qonqaymanta runamasinta wañurachispanqa, wañurachisqan runapa ayllun vengakurunanmanta hukkaqnin llaqtaman lluptikunanpaq.

Quechua Ayacucho Bible 1987

³ Mana piensachkaspa qonqaymanta pipas runamasinta wañurachiq runaqa huk kaqnin llaqtaman lluptikuspanmi amparakunqa chaynapi wañuq runapa ayllun reclamaspa vengakunanmanta.

Chuya Qellqa 1992

³ Chaynapi pipas qonqaymanta runamasinta wañurachispanqa, wañurachisqan runapa ayllun vengakurunanmanta hukkaqnin llaqtaman lluptikunanpaq.

Josué 20:3 Iomraidhean Croise

2~Samuel 14:11

Hinaptinmi chay warmi nirqa: Reynilláy, ruegakuykim, ama wawallayta wañurachinanpaqyá yupaychasqayki Tayta Diosta mañakuy, mana chayqa huknin wawallaytawanchá wañurachinqaku, nispa. Reyñataqmi nirqa: Tayta Diosraykum jurani, wawaykipaqa manam umanpi huk chukchallanpas wichinqachu, nispa.

Números 35:12

Chay llaqtakunam kanqa wañuqpa ayllunkuna vengakurunanmanta lluptikunanpaq, chaynapim chay wañurachiq runaqa mana wañunqachu runakuna huñunakuspa wañuchisqanmanta juzganankukama.

Números 35:19

Chay wañuqpa hichpa ayllunmi runa wañuchiqta maypipas tupasqanpi wañuchinqa.

Números 35:22

Sichum pipas mana cheqnikuchkaspan pitapas tanqaykuptinqa otaq mana wateqaspa imatapas qonqaymanta hawanman wichiykachiptinqa

Hebreos 6:18

Kay iskay rimasqankunaqa manam imaraykupas tikrakunmanchu, manataqmi Diospas llullakunmanchu, haykam Diosman hapipakuqkunaqa kallpanchakuytawan waqaychakuynintam chaskinchik, hinaspam confianza qowasqanchikman hapipakunchik.

Josué 20:2

Israelpa mirayninkunata niy, Moisesman kamachisqayman hina amparakuna llaqtakunata akllanankupaq.

Josué 20:4

Chay hukkaqnin llaqtaman ayqekuspam llaqtapa punkunpi ancianokunaman imam ruwaramusqanta willakunqa. Llapa ancianokunañataqmi uyarispanku chaskinqaku wasichakuspa paykunawanña yachananpaq.