Josué 2:9 - CHUYA QELLQA La Biblia en Quechua de Ayacucho 2012

⁹ Yachanim kay allpata Tayta Dios qosusqaykichikta. Qamkunaraykum Tayta Dios hatun manchakuyta sonqoykuman churarun. Chayraykum kay nacionpi yachaqkuna manchakuymanta wañusqa hinaña kachkaniku.

Quechua Ayacucho Bible 1987

⁹ —Yachanim Tayta Dios kay allpa qosunaykichikta. Qamkunaraykutaqmi ancha manchakuyta Tayta Dios sonqoykuman churarun. Kay nacionpi llapallan yachaqkunam qamkunarayku manchakuymanta wañusqa hinaña kachkanku.

Chuya Qellqa 1992

⁹ Yachanim kay allpata Tayta Dios qosusqaykichikta. Qamkunaraykum Tayta Dios hatun manchakuyta sonqoykuman churarun. Chayraykum kay nacionpi yachaqkuna manchakuymanta wañusqa hinaña kachkaniku.

Josué 2:9 Iomraidhean Croise

Génesis 35:5

Chaymanta ripuptinkum muyuriqninku llaqtakunaman Diosmanta hamuq hatun manchakuy yaykururqa, chaynapim Jacobpa churinkunata manaña qatirqakuchu.

2~Samuel 17:10

Hinaptinchá maynaña guerrapi peleaq qaripas, león hina allinnin qari-qari kachkaspapas hukmanyarunqa. Llapallan Israel runakunam yachanku taytaykiqa guerrapi peleaq kasqanta chaynataq paywan kaqkunapas allinnin qari-qari soldadokuna kasqankuta.

2~Reyes 5:15

Chaymantam riqmasinkunapiwan Eliseopa kasqanman kutiruspanku ñawpaqninpi sayaykuspa Naamán nirqa: Kunanmi yachaykuni, manam kay pachapiqa Dios kanchu aswanqa Israel nacionllapim. Ama hina kaspaykiyá kay serviqnikimanta kay regalokuna apamusqayta chaskiykullaway, nispa.

2~Reyes 7:6

Tayta Diosmi Siria tropakunapa campamentonpi uyarirachirqa carretakunapa caballokunapa kallpayninta hinaspa nana-nanaq tropakunapa sinchi qapariyninta. Chayraykum ninakurqaku: Israelpa reyninmi qollqewan contrataramun Het castakunapa reyninkunatawan Egipto lawpi reykunata hamuspa contranchikpi peleanankupaq, nispanku.

Nehemías 6:16

Llapa enemigoykuwan muyuriqniykupi kaq nacionkunapas, chay ruwasqaykuta yacharuspankum llumpayta mancharikurqaku, penqakuymantam uchuychakuspanku Diosniykupa yanapakuyninwan qespichisqa kasqanta chayraq yuyayta hapirqaku.

Ester 8:17

Reypa kamachikusqan decreto chayasqan provinciakunapiwan llaqtakunapim, llapa judiokuna anchallataña kusikuspanku convidokunata hinaspa fiestakunata ruwarqaku. Huklaw llaqtayuq runakunapas judiokunata manchakusqankuraykum judío kaymanña tikrakurqaku.

Jobwan Sutichasqa Libro 19:25

Ñoqaqa yachanim Salvawaqniypa kawsasqanta, payqa wañuyta venceruspanmi mana huchayuq kasqayta niykuwanqa.

Éxodo 18:11

Egipto runakunaqa hatun tukuspam Israel runakunata ñakarichirqaku, chayraykum vencesqa karqaku. Kunanmi yachani Tayta Diosqa llapa dioskunamantapas aswan atiyniyuq kasqanta.

Éxodo 23:27

Ñawpaqnikitam manchakuyta kachasaq, yaykusqayki llaqtakunapi runakunatam sustocharusaq. Enemigoy-kikunapas manchakuymantam ñawpaqnikimanta ayqenqaku.

Eclesiastés 8:12

Kanmi runakuna pachak kutikamaña mana allinta ruwachkaspapas unayta kawsaqkuna, yachanitaqmi Diosta manchakuqkunapas allin kawsakusqankuta.

Isaías 19:1

Isaiasmi Egipto nacionta imam pasananmanta kaynata nirqa: Qawariychik: Puyupi silladam Tayta Diosqa Egipto nacionman utqayllamanña hamuchkan, llapa idolonkupas paypa qayllanpim katkatatanku, Egipto runakunapas mana kallpayuqñam rikurirunku.

Isaías 23:5

Tiro llaqtapa sasachakuyninta Egipto nacionpi runakuna uyarispankum, llakikuymanta waqanqaku.

Jeremías 27:5

Hatu-hatun atiyniywanmi kay pachatapas, chaypi kaq runakunatawan animalkunatapas ruwarqani. Chaynaqa, pimanpas munasqaymanmi qoykuyman.

Nahúm 2:10

Nínive llaqtaqa purmachisqa chunniq mana imayuqmi qeparun. Sonqonkupas manchakuymantam hukmanyarun, moqonkupas pasaypaqtam katkatatarun, lliwmi mana kallpayuqña qeparunku, uyankupas pasaypaqtam ayayarun.

Números 20:14

Cades lawmantam willakuqkunata Moisés kacharqa Edom nacionpa reyninta kaynata nimunankupaq: Castayki Israelpa mirayninkunam kaynata nimusunki: Tukuy ñakariykuna pasasqaykutaqa yachankim.

Números 20:24

Aaronmi wañukuspan Israelpa miray-ninkunaman qosqay allpaman mana yaykunqachu, Meriba yakupa waqtanpi mana kasuwasqaykichikrayku.

Mateo 20:15

¿Manachum qollqeywanqa munasqayta ruwayman? ¿Icha allin runa kasqaywanchu envidiakunki? nispa.

Deuteronomio 11:25

Manam pipas qamkunawan peleaytaqa atinqachu, prometewasqanchikman hinam maylawman riptikichikpas chaypi kaq runakunata Señornikichik Tayta Dios mancharichispan katkatatachinqa.

Deuteronomio 2:25

Kunanmantapunim kay pachapi runakunata mancharichiyta qallarisaq. Qamkunamanta rimaqta uyarispankum mancharikuymanta katkatataspa qewipakunqaku”, nispa.

Deuteronomio 28:10

Chaynapim kay pachapi llaqtakuna yachanqaku Tayta Diospa llaqtanwan sutichasqa kasqaykichikta, hinaspam manchakusunkichik.

Deuteronomio 32:8

Tukuy imapa hawanpi munaychakuq Diosmi nacionkunaman herenciata rakinarqa, chay nacionkunapa linderonkunatam churarqa, Israelpa mirayninkunaman hinam rakirqa.

Hebreos 11:31

Iñiyllawantaqmi Rahab sutiyuq chuchumika warmipas llaqta wateqaq riq runakunata allinllata samaykachirqa, chayraykum mana kasukuq runakunawan kuskaqa mana wañururqachu.

Josué 2:11

Chay uyarisqayku anchata mancharirachiwaptinkum, manaña pi runapipas valor kanñachu qamkunawan peleananpaq. Qamkunapa Diosnikichikqa, hanaq pachapipas kay pachapipas Diosmi.

Josué 2:24

Paykunam Josueyman kaynata nirqaku: Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.

Josué 2:8

Rahabñataqmi, pakasqan runakuna manaraq puñuruchkaptinku, wasi hawanman qespiruspan nirqa:

Josué 5:1

Jordán mayupa intipa seqaykunan lawninpi yachaq amorreokuna reyninkunawan Mediterráneo lamar qochapa hichpanpi yachaq cananeokunapa reyninkunam yacharurqaku, imaynam Israelpa mirayninkuna chimpay tukunankukama Jordán mayuta Tayta Dios chakirachisqanta. Chayraykum pasaypaqta hukmanyaruspanku manaña Israelpa contranpi peleayta munarqakuñachu.

Josué 6:2

Ichaqa Josueytam Tayta Dios nirqa: Kunanmi Jericó llaqtata, reyninta chaynataq soldadonkunatapas makikiman churani.

Josué 9:10

Jordán mayupa waklaw chimpanpi kaq amorreokunapa iskaynin reyninkunata, Hesbonpa reynin Sehontapas chaynataq Basanpa reynin Astarot lawpi yachaq Ogta imatam ruwasqantapas.

Josué 9:24

Chaymi Josueyta nirqaku: Yupaychasqayki Tayta Dios tukuy kay allpata qamkunaman qosunaykichikpaq hinaspa kay allpapi llapallan yachaqkunata wañuchinanpaq serviqnin Moisesman kamachisqanta yacharusqaykuraykum, wañuchiwanaykikumanta manchakuspa chaynataqa ruwarqaniku.

Josué 9:9

Paykunañataqmi nirqaku: Kay serviqnikikunaqa karu llaqtamantaraqmi hamuchkaniku, Diosnikichikpa tukuy ima ruwasqantam yacharurqaniku. Uyarirqanikum Egipto nacionpi tukuy ima ruwasqankunatawan,

Jueces 7:14

Chaymi soldadomasinñataq nirqa: Chay mosqoyqa Israel casta Joaspa churin Gedeonpa guerrapi ganananmanta willakuymi. Diosmi madianitakunata llapallan campamentontinta Gedeonman qoykunqa, nispa.