Josué 2:24 - CHUYA QELLQA La Biblia en Quechua de Ayacucho 2012

²⁴ Paykunam Josueyman kaynata nirqaku: Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.

Quechua Ayacucho Bible 1987

²⁴ Paykunamá nirqaku: —Tayta Diosmi lliw allpata entregaykuwanchik chaynataqmi llapallan yachaqkunapas manchakuymanta wañusqa hinaña kachkanku —nispa.

Chuya Qellqa 1992

²⁴ Paykunam Josueyman kaynata nirqaku: Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.

Josué 2:24 Iomraidhean Croise

Éxodo 15:15

Edom nacionpi kamachikuqkunam hukmanyanqaku, Moab nacionpi kamachikuqkunam katkatatanqaku, Canaán allpapi yachaqkunam hukmanyanqaku.

Éxodo 23:31

Qanman qosqay nacionpa linderonmi kanqa Puka lamar qochamanta qallarispa filisteokunapa lamar qochankama chaynataq chunniqmanta qallarispa Eufrates mayukama. Chay nacionpi runakunatam makikiman churani qayllaykimanta wischunaykichikpaq.

Proverbios 25:13

Rupay tiempopi ritipa chiriykuynin hinam willakuyta apachikunapaq runaqa, chayna runaqa kamachiqninpa sonqontam kusichin.

Josué 1:8

Kay libropi kamachikuykunatam rimanki, hinaspam tuta punchaw yuyay-mananki, waqaychaspayki kay libropa nisqanman hina ruwaspa kasukunaykipaq. Hinaspaqa imatapas allintam ruwanki, ima ruwasqaykipas allinmi lloqsinqa.

Josué 2:23

Hinaptinmi chay iskaynin wateqaqkuna, orqomanta uraykamuspanku, Jordán mayuta chimparuspa, Nunpa churin Josueypa kasqanman kutiruspanku paykunata tukuy imakuna pasamusqanta willakurqaku.

Josué 5:1

Jordán mayupa intipa seqaykunan lawninpi yachaq amorreokuna reyninkunawan Mediterráneo lamar qochapa hichpanpi yachaq cananeokunapa reyninkunam yacharurqaku, imaynam Israelpa mirayninkuna chimpay tukunankukama Jordán mayuta Tayta Dios chakirachisqanta. Chayraykum pasaypaqta hukmanyaruspanku manaña Israelpa contranpi peleayta munarqakuñachu.

Josué 6:2

Ichaqa Josueytam Tayta Dios nirqa: Kunanmi Jericó llaqtata, reyninta chaynataq soldadonkunatapas makikiman churani.

Josué 8:1

Josueytam Tayta Dios nirqa: Ama manchakuychu nitaq hukmanyaychu. Guerrapaq llapallan solda-dokunata pusaspayki Hai llaqtaman qespiy. Ñoqam Hai llaqtata, reyninta, runankunata chaynataq allpantapas qanman qosqayki.

Jueces 1:2

Hinaptinmi Tayta Dios nirqa: Judá ayllum puntataqa rinqa, ñoqam chay allpata paykunaman qosaq, nispa.

Jueces 18:10

Rispaykichikmi hawka yachakuq runakunata hinaspa mana imapa pisinan hatun allpata tarimunkichik. Chay allpataqa Diosmi qoykusunkichik, nispa.

Jueces 7:9

Chay tutam Gedeonta Tayta Dios nirqa: Hatarispa madianitakunapa campamentonman uraykuy, paykunatam makikiman churasaq.