Josué 18:3 - CHUYA QELLQA La Biblia en Quechua de Ayacucho 2012

³ Chayraykum Israelpa mirayninkunata Josué nirqa: ¿Haykapikamataq qellakunkichik ñawpaq taytaykichikman Tayta Diospa qosqan allpata hapimunaykichikpaq?

Quechua Ayacucho Bible 1987

³ Chayraykum Israelpa mirayninkunata Josuey nirqa: —¿Haykapikamataq qellakunkichik abuelonchikkunapa yupaychasqan Tayta Diospa qosusqaykichik allpata mana dueñochakunaykichikpaq?

Chuya Qellqa 1992

³ Chayraykum Israelpa mirayninkunata Josué nirqa: ¿Haykapikamataq qellakunkichik ñawpaq taytaykichikman Tayta Diospa qosqan allpata hapimunaykichikpaq?

Josué 18:3 Iomraidhean Croise

Proverbios 10:4

Qella kayqa wakchayaytam apamun, llamkakuq runam ichaqa apuyanqa.

Proverbios 13:4

Qella runaqa maynata munaspapas manam imatapas tarinchu, llamkakuq runam ichaqa kapuqniyuq kanqa.

Proverbios 15:19

Qella runapa ñanninqa kichkakunapa huntasqan ñan hinam, allin kawsakuq runapa ñanninmi ichaqa hatun ñan hinaraq.

Eclesiastés 9:10

Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.

Sofonías 3:16

Chay tiempopim Jerusalenta ninqaku: “Sión llaqta ama manchakuychu, amayá makikipas hukmanyachunchu.

Mateo 20:6

Pichqa hora tardeykuyta plazaman huktawan kutispanmi, runakunata mana imatapas ruwachkaqta tarirurqa, hinaspam tapuykurqa: ¿Imanasqataq mana imata ruwaspa tukuy punchaw yanqa kaypi kachkankichik? nispa.

Juan 6:27

Amayá llamkaychikqa tukuruqlla mikuyraykuchu, aswanqa wiñay kawsay qokuq mikuypaqyá llamkaychikqa. Chay mikuytaqa runapa Churinmi qosunkichik, paytam Dios Tayta chaypaq akllarqa, nispa.

Josué 1:6

Qarinchakuspayá kallpanchakuy. Qanmi ñawpaq taytankuman prometesqay allpata kay runakunaman herencianku kananpaq partenki.

Josué 13:1

Josueymi llumpaytaña machuyarurqa, chaymi Tayta Dios nirqa: Qamqa llumpay yuyaqñam kanki, ichaqa kachkanraqmi manaraq chayasqaykichik allpakuna.

Josué 18:2

Ichaqa Israelpa mirayninkunamantam qanchis ayllukunaraq tupaqninku allpata manaraq chaskirqakuchu.

Josué 18:4

Chaynaqa, sapa ayllumanta kimsa runakunata akllaychik, paykunata kamachiptiy llapallan allpata qawamuspanku imaynam kasqanta willawanankupaq, chaynapi rakinakunaykichikpaq.

Jueces 18:9

Hinaptinmi paykunañataq nirqaku: Allinmi karamuniku chaynaqa hakuchikyá peleamusunchik. Chay qawamusqayku allpaqa allinsum kasqa, amayá qellakuychikchu, apurawman chay allpata munaychakamusunchik.