Josué 18:12 - CHUYA QELLQA La Biblia en Quechua de Ayacucho 2012

¹² Norte lawmanmi karqa Jordán mayumanta qallarispa wichayman Jericó llaqtapa norte lawninkama. Chaymantam orqonkunatakama intipa seqaykunan lawman rispa Bet-avén chunniqkama chayarqa.

Quechua Ayacucho Bible 1987

¹² Norte lawpi linderonkuqa qallarirqa Jordan Mayumantam hinaspam pasarqa Jerico llaqta lawninta. Chaymantam pasarqa Orqokunaman intipa seqaykunan lawninta hinaspam Bet-aven chunniqpi tukurqa.

Chuya Qellqa 1992

¹² Norte lawmanmi karqa Jordán mayumanta qallarispa wichayman Jericó llaqtapa norte lawninkama. Chaymantam orqonkunatakama intipa seqaykunan lawman rispa Bet-avén chunniqkama chayarqa.

Josué 18:12 Iomraidhean Croise

Oseas 10:5

Bet-avenpi yupaychasqanku qori torillo idolota chinkarachisqankumantam Samaria law runakuna chaynallataq sacerdotenkunapas waqachkanku.

Oseas 4:15

Israelpa mirayninkuna, qamkuna waqllikuspa huchallikuptikichikpas, amayá Judá ayllukunaqa huchallikuchunkuchu. Amaña Gilgal llaqtamanpas riychikñachu, nitaq Bet-avén orqomanpas seqaychikñachu, Tayta Diospa sutinpipas amaña juraychikñachu.

Oseas 5:8

Gabaa llaqtapi cornetata tocaychik, Ramá llaqtapi trompetata tocaychik. Bet-avén llaqtapiwan Benjaminpi, ¡guerra! nispa qapariychik.

Josué 16:1

Sorteasqankuman hinam, Joseypa mirayninkunapa allpan karqa intipa qespimunan lawman, Jordán mayu-manta qallarispa Jericó llaqtapa pukyunkunakama, chaymantam chunniqninta rispa Bet-elpa orqonkunakama chayarqa.

Josué 18:11

Sorteasqankuman hinam haykam kasqankuman hina Benjamín aylluman allpa tuparurqa Judá ayllupa allpanwan tupanakuqmanta Joseypa mirayninkunapa allpanwan tupanakuqkama.

Josué 2:1

Nunpa churin Josueymi, Sitim lawmanta mana pipapas yachasqallanta, iskay wateqaqkunata kachaspan kaynata nirqa: Jericó llaqtatawan muyuriqninpi allpakunata qawaramuychik, nispa. Chaymi rispanku Rahab sutiyuq chuchumika warmipa wasinman chayaruspanku chaypi samarurqaku.

Josué 3:16

hanaymanta kallpamuq yakukuna qocharurqa chimpanankumanta allin karu hanaypi, Saretán llaqtapa waqtanpi tarikuq Adam llaqtapa hichpanpi. Arabá lawpi Puchqo lamar qochaman riq yakuñataqmi chakinankama hina kallparqa. Chaynapim mayu hanayman urayman rakikururqa. Hinaptinmi Israelpa mirayninkuna Jericó lawman chimparurqaku.

Josué 6:1

Jericó llaqtapa punkunkunatam Israelpa mirayninkuna mana yayku-nankupaq suma-sumaqta wichqarurqaku. Manam pipas lloqsirqachu nitaq yaykurqachu.

Josué 7:2

Josueymi Jericó llaqtamanta runakunata kacharqa Hai llaqtata wateqamunankupaq. Hai llaqtaqa tarikurqa Bet-avén llaqtapa hichpanpim hinaspa Bet-el llaqtapa intipa qespimunan lawninpim. Chay runakunam pasaspanku Hai llaqtata wateqamurqaku.

Josué 8:15

Josueyñataqmi tropankunawan vencerachikuq tukuspanku paykunamanta chunniq lawman lluptirqaku.

1~Samuel 13:5

Filisteokunapas huñunakururqakum Israel tropakunawan peleanankupaq, kimsa chunka waranqa carretakuna, soqta waranqa silladakuna, chakiwan riq soldadokunañataqmi lamar qocha patanpi aqo hinaña mana yupay atina; hinaspam campamentonkuta sayachirqaku Bet-avenpa intipa qespimunan lawnin Micmas llaqtapi.