Josué 18:10 - CHUYA QELLQA La Biblia en Quechua de Ayacucho 2012

¹⁰ Josueyñataqmi Silo llaqtapi Tayta Diospa qayllanpi sorteaspan Israelpa mirayninkunaman, sapa aylluman qoykarirqa.

Quechua Ayacucho Bible 1987

¹⁰ Silo llaqtapimá Tayta Diospa qayllanpi Josuey suerteaspan Israelpa mirayninkunaman allpata partirqa chaynapi herencianku allpa kananpaq.

Chuya Qellqa 1992

¹⁰ Josueyñataqmi Silo llaqtapi Tayta Diospa qayllanpi sorteaspan Israelpa mirayninkunaman, sapa aylluman qoykarirqa.

Josué 18:10 Iomraidhean Croise

1~Crónicas 24:5

Paykunamantam sorteaspa tupasqanman hina rakinarqaku, chaytaqa ruwarqaku Eleazarpa mirayninmanta chaynataq Itamarpa mirayninmanta kaqkuna santuariopi kamachikuqkuna hinaspa Diospa wasinpi servikuqkuna kasqanraykum.

Nehemías 11:1

Llapa runakunapa kamachiqninkunam Jerusalén llaqtapiña yacharqaku, wakin runakunañataqmi sortearqaku sapa chunka ayllumanta hukta akllanankupaq, chay akllasqa aylluñataq Jerusalén chuya llaqtapi yachananpaq, wakin puchuq isqon ayllukunañataqmi qeparqaku huklaw llaqtakunapi yachanankupaq.

Proverbios 18:18

Piñanakuytaqa Diosllam tanichin, piñanakuqkunatapas payllam rakinan.

Jeremías 7:12

Ñawpaq watakunapi yachasqay Silo llaqtaman riychik, Israel runaykunata mana allin ruwasqankumanta imam ruwasqayta qawamuychik.

Ezequiel 47:22

Kay allpam tupa-suqnikichik herencia kanqa, qonkichiktaqmi chawpikichikpi yachaq huklaw llaqtayuqkunamanpas chaynataq churinkunamanpas. Paykunataqa Israel ukupi naceqta hinam qawankichik. Kay allpata partenakuspaykichikqa paykunamanpas tupaqnintam partenkichik.

Ezequiel 48:29

Chay allpatam Israelpa mirayninkuna herencianku kananpaq chaskinqaku; chaynatam partenakunkichik. Ñoqa Tayta Diosmi chaynata nini.

Miqueas 2:5

Chayraykum Tayta Diospa llaqtan ukupiqa manaña allpaykichikpas kanqañachu.

Números 34:16

Moisestam Tayta Dios nirqa:

Mateo 27:35

Chakataruspankuñataqmi Jesuspa pachankunata rakinakunankupaq sortearqaku,

Juan 17:2

Qanmi atiyta qowarqanki llapallan runapi munaychakunaypaq, chaynapi qowasqayki llapallan runakunaman wiñay kawsayta qonaypaq.

Hechos 13:19

Canaán allpapi qanchis nacionkunata chinkachispam chay allpata ñawpaq taytanchikkunaman qorqa.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Colosenses 1:12

hinaspa kusikuywan Dios Taytanchikman graciasta qonaykichikpaq. Paymi sapakamaman achkirichkaq tupasuqnikichikta qosunkichik.

Josué 14:2

Sorteaspankum tupaqninman hina isqonnintin ayllukunaman chaynataq Manasespa wakin ayllumanpas qorqaku, Moisesman Tayta Diospa kamachisqanman hina.

Josué 14:5

Moisesman Tayta Diospa kamachisqanman hinallam Israelpa mirayninkunaqa allpata rakinakurqaku.

Josué 18:11

Sorteasqankuman hinam haykam kasqankuman hina Benjamín aylluman allpa tuparurqa Judá ayllupa allpanwan tupanakuqmanta Joseypa mirayninkunapa allpanwan tupanakuqkama.

Josué 18:6

Chay allpata qanchisman rakinaruspaykichikmi imaynam kasqanta ñoqaman willawankichik, chaynapi yupaychasqanchik Tayta Diospa qayllanpi sorteanaypaq.

Josué 18:8

Hinaptinmi chay runakuna rinankupaq allichakuptinku Josué nirqa: Rispayá chay allpata qawamuspa rakinaramuychik. Rakiyta tukuramuspañataqmi imayna ruwamusqaykichikta kutimuspa willawankichik, kay Silo llaqtapi Tayta Diospa qayllanpi sorteanaypaq, nispa.

Josué 18:9

Hinaptinmi chay runakuna rispanku chay allpata purimuspanku llaqtan-llaqtan qanchisman rakinaramurqaku. Chaytam qellqaruspanku Josueyman apamurqaku Silo llaqtapi campamentonpi kachkaptin.

Josué 19:51

Kay allpakunatam sacerdote Eleazar, Nunpa churin Josué chaynataq llapa kamachikuqkuna sorteaspanku Israelpa mirayninkunaman qorqaku. Sortearqakuqa Silo llaqtapim Tayta Diosman asuykuna carpapa punkunpi. Chaynatam allpa rakinakuyta tuku-rurqaku.

Josué 23:4

Ñoqam sorteaspay kay allpakunata sapa ayllukunaman qorqaykichik. Manam vencesqanchik kaqkunallatachu qorqaykichikqa aswanqa manaraq vencesqanchik kaqkunatawanmi, Jordán mayumanta qallarispa intipa seqaykunan lawpi Mediterráneo lamar qochakama.