Josué 18:1 - CHUYA QELLQA La Biblia en Quechua de Ayacucho 2012

¹ Israelpa mirayninkunam allpata munaychakuruspanku, Silo llaqtapi huñunakuspa Diosman asuykuna carpata sayachirqaku.

Quechua Ayacucho Bible 1987

¹ Israelpa llapallan mirayninkunam allpataqa dueñochakururqakuña chaymi Silo llaqtapi huñunakuspa sayachirqaku Diosman asuykuna karpata.

Chuya Qellqa 1992

¹ Israelpa mirayninkunam allpata munaychakuruspanku, Silo llaqtapi huñunakuspa Diosman asuykuna carpata sayachirqaku.

Josué 18:1 Iomraidhean Croise

2~Samuel 7:6

Egipto nacionmanta Israelpa mirayninkunata hurqomusqay punchawmantam kunankama templopiqa mana yacharqanichu, aswanqa carpallapi yachastinmi purirqani.

1~Reyes 14:2

chaymi warminta Jeroboam nirqa: Huk pachakunawan pachakuy ñoqapa warmiy kasqaykita mana pipas reqsisunaykipaq hinaspa Silo llaqtaman riruy, chaypim kachkan profeta Ahías, paymi niwarqa kay nacionpi rey kanaypaq.

1~Reyes 14:4

Chaymi Jeroboampa warminqa chaynata ruwaspan Silo llaqtapi profeta Ahiaspa wasinman chayarurqa. Ahiasqa llumpay yuyaqña kasqanraykum manaña rikukurqañachu.

1~Reyes 2:27

Chaynatam Tayta Diospa sacerdoten Abiatarta rey Salomón qarqorurqa, chaynapim Eliypa mirayninpa contranpi Silo llaqtapi Diospa rimasqan cumplikurqa.

Nehemías 9:24

Paykunam Canaán allpaman yaykuspanku hapikuykurqaku, chay allpapi yachaqkunatam paykunapa qayllanpi uchuycharqanki, reyninkunatawan runankunatam paykunapa makinman churarqanki, chaynapi paykunawan munasqankuta ruwanankupaq.

Jeremías 26:6

Silo llaqtapi ruwasqayta hinam kay templotapas purmarachisaq. Kay Jerusalén llaqtatapas llapallan nacionkuna qawananpaqmi ñakasaq, nispa.

Jeremías 26:9

¿Imanasqataq Tayta Diospa sutinpi rimaspa ninki: Silo llaqtapi hinam kay templopas purmachisqa kanqa, kay Jerusalén llaqtapas mana runayuqñam purmanqa nispaykiqa? nispanku. Hinaspankum Jeremiasta llapa runakuna templo ukupi muyururqaku.

Jeremías 41:5

Siquemmanta, Silo-manta hinaspa Samariamanta pusaq chunka runakuna chayaramurqaku, barbankupas rutukusqa, pachankupas llikipasqa chaynataq cuerponkupas kuchupasqa. Paykunam apamurqaku kawsaykunatawan inciensota Tayta Diospa templonpi ofrecenankupaq.

Números 32:22

Chay allpakunata Tayta Dios qoykusuptikichikñam kuti-kamunkichik, chaynapim kay prometekusqaykichikmanta Tayta Diospaqpas chaynataq Israel miraykunapaqpas libreña kankichik, hinaptinmi kay allpaqa qamkunapaña kanqa imaynam Tayta Diospa nisqanman hina.

Hechos 7:45

Kay carpatam ñawpaq taytanchikkuna herenciata hina chaskirqaku, hinaspam Josueywan hamuspanku, huk casta runakunata allpanmanta qarqoruspanku, kay allpanchikman apamurqaku. Diosmi qayllanmanta chay runakunata qarqorqa, kay allpata ñawpaq taytanchikkunaman qonanpaq. Chaypim karqa rey Davidpa tiemponkama.

Josué 18:2

Ichaqa Israelpa mirayninkunamantam qanchis ayllukunaraq tupaqninku allpata manaraq chaskirqakuchu.

Josué 18:8

Hinaptinmi chay runakuna rinankupaq allichakuptinku Josué nirqa: Rispayá chay allpata qawamuspa rakinaramuychik. Rakiyta tukuramuspañataqmi imayna ruwamusqaykichikta kutimuspa willawankichik, kay Silo llaqtapi Tayta Diospa qayllanpi sorteanaypaq, nispa.

Josué 19:51

Kay allpakunatam sacerdote Eleazar, Nunpa churin Josué chaynataq llapa kamachikuqkuna sorteaspanku Israelpa mirayninkunaman qorqaku. Sortearqakuqa Silo llaqtapim Tayta Diosman asuykuna carpapa punkunpi. Chaynatam allpa rakinakuyta tuku-rurqaku.

Josué 21:2

Canaán law Silo llaqtapi kachkaptinku, hinaspam nirqaku: Tayta Diosmi Moisesman kamachirqa yachanaykupaq llaqtakunata chaynataq animalniykupaqpas echaderokunata qowanaykikupaq, nispanku.

Josué 22:12

Chay ruwasqankuta yacharuspankum Canaán lawpi kaq Israelpa wakin mirayninkuna, paykunawan peleanankupaq Silo llaqtapi huñunakururqaku.

Josué 22:19

Sichum Tayta Diosta kay allpaykichikpi yupaychayta mana atispaykichikqa, Tayta Diosman asuykuna carpapa kasqanman hamuspa chaypi yupaychaychik hinaspa ñoqaykuwan kuska yachaychik, ichaqa ama kay sapaq altarkunata hatarichispaykichik Tayta Diospa contranpi nitaq ñoqaykupa contraykupipas hatariychikchu.

Josué 22:9

Chaynatam Manasespa wakin ayllu-manta, Rubén ayllumanta, Gad ayllumanta kaqkuna, wakin ayllumasinkumanta Canaán lawpi kaq Silo llaqtapi rakikuykuspanku Galaad lawpi allpankuman kutikurqaku. Chaypim paykunapa allpan karqa Moisesman Tayta Diospa kamachisqanman hina.

Jueces 18:31

Diospa santuarion Silo llaqtapi kanankamaqa Micaiapa llaqllachisqan idolokunapas chaypim karqa.

Jueces 21:12

Chaymi Galaad law Jabes llaqtapi tawa pachak manaraq qari reqsiq sipaskunata tariramurqaku, hinaspam Canaán law Silo llaqtapi campamentoman pusamurqaku.

Jueces 21:19

Chaynaqa, sapa watam Tayta Diospaq Silo llaqtapi hatun fiestata ruwanku. (Silo llaqtam tarikun Bet-el llaqtapa norte lawninpi, Siquem llaqtaman riq ñanpa intipa qespimunan lawninpi hinaspa Lebona llaqtapa sur lawninpi).

1~Samuel 1:24

Wawata anukaruspanmi, taksallaraq kachkaptin, Silo llaqtapi Diospa wasinman Samuelta pusarqa, aparqataqmi kimsa watayuq torillotapas, iskay chunka iskayniyuq kilo harinatapas chaynataq huk puyñupi vinotapas.

1~Samuel 1:3

Elcanam watan-watan Silo llaqtaman riq, Tukuy Atiyniyuq Diosta yupaychananpaq chaynataq sacrificiota ofrecemunanpaq. Chaypim sacerdote Elí iskaynin qari churinkunapiwan yacharqa, paykunam karqa Ofniwan Finees. Paykunam karqaku Tayta Diospa sacerdotenkuna.