Josué 17:7 - CHUYA QELLQA La Biblia en Quechua de Ayacucho 2012

⁷ Manasés ayllupa allpanmi karqa, Aser ayllupa allpanmanta qallarispa Siquem llaqtapa chimpan intipa qespimunan lawpi Micmetat llaqtakama, chaymantam sur lawman chutarikurqa Tapúa lawpi yachaqkunapa kasqankama.

Quechua Ayacucho Bible 1987

⁷ Chaynaqa Manases ayllupa allpanmi karqa Aserpa mirayninkunapa allpanmanta qallarispa Micmetat llaqtakama. Chay Micmetat llaqtam kachkan Siquem llaqtapa chimpan intipa qespimunan lawpi. Chaymantam linderon chutarikurqa surlawman hinaspam chayarqa Tapua Pukyu lawpi *f**yachaqkunapa kasqankama.

Chuya Qellqa 1992

⁷ Manasés ayllupa allpanmi karqa, Aser ayllupa allpanmanta qallarispa Siquem llaqtapa chimpan intipa qespimunan lawpi Micmetat llaqtakama, chaymantam sur lawman chutarikurqa Tapúa lawpi yachaqkunapa kasqankama.

Josué 17:7 Iomraidhean Croise

Génesis 34:2

Hamorpa churin Siquemmi Dinata rikururqa, hinaspam mana munakuchkaqta hapiruspan abusarurqa. Hamorqa chaylawpi kamachikuq Hev casta runam karqa.

Génesis 37:12

Joseypa wawqenkunam taytanpa ovejankunata michiq Siquem lawman rirqaku.

Génesis 37:14

Hinaptinmi Israel nirqa: Rispaykiyá qawaramuy wawqekikunapa chaynallataq ovejakunapa imaynam kasqankuta, kutimuspa willawanaykipaq, nispa. Hebrón qechwamanta kachaptinmi Siquem lawkama José chayarurqa.

1~Reyes 12:1

Israelpa llapallan mirayninkunam Siquem llaqtapi huñunakururqaku reyninkupaq Roboamtaña churanankupaq. Chaymanmi Roboampas rirqa.

1~Reyes 12:25

Jeroboammi Efraín law orqokunapi kaq Siquem llaqtata musoqmanta hatarichispan chaypi yacharqa, chaymantam Penuel llaqtaman rispan chay llaqtatapas hatarichirqa.

1~Crónicas 6:67

Efraín law orqokunapi tarikuq amparakuna Siquem llaqtatapas echaderontintam paykunaman qorqaku. Qorqakutaqmi Gezer,

Josué 17:6

Manasespa warmi churinkunamanpas qari churinkunaman hinam allpata qorqaku. Galaad lawpi kaq allpañataqmi wakin mirayninkunapaq karqa.

Josué 17:8

Tapúa law allpaqa Manasés ayllupam karqa; Manasespa linderonpi kaq Tapúa llaqtam ichaqa Efraín ayllupa karqa.

Josué 20:7

Chaynapim Israelpa mirayninkunaqa akllarqaku, Neftalí ayllupa orqonkunapi kaq Galilea lawpi Cedes llaqtata, Efraín ayllupa orqonkunapi kaq Siquem llaqtata hinaspa Judá ayllupa orqonkunapi kaq Quiriat-arba otaq Hebrón llaqtata,

Josué 21:21

Paykunamanmi Efraín ayllupa orqonkunapi Siquem llaqtata qorqaku, Siquemqa karqa amparakuna llaqtam. Qorqakutaqmi Gezer,

Josué 24:1

Josueymi Israelpa mirayninkunata Siquem llaqtaman qayachispan llapa ancianokunata, kamachikuqkunata, juezkunata chaynataq capitankunatapas Tayta Diospa qayllanman huñururqa.

Josué 24:32

Israelpa mirayninkunam Egipto nacionmanta Joseypa tullunkuna apamusqankuta Siquem llaqtapi Joseyman tupaqnin chakrapi pamparqaku. Chay allpatam Jacob rantirqa Hamorpa churinkunamanta tawa kilo parten qollqewan. Hamorqa karqa Siquem sutiyuq runapa taytanmi. Chay chakram karqa Joseypa mirayninkunapaq herencia.

Jueces 9:1

Jerobaalpa churin Abimelecmi mamanmanta ayllunkunapa kasqan Siquem llaqtaman rispan mamanpa ayllunkunata kaynata nirqa: