Josué 17:18 - CHUYA QELLQA La Biblia en Quechua de Ayacucho 2012

¹⁸ Aswanqa chay montekunapas qamkunapam kanqa, chaynaqa kichamuspaykichik patankunakama hapikamuychik. Cananeokunataqa fierromanta carretayuqkuna kaptinkupas chaynataq kallpasapa kaptinkupas qarqonkichikmi, nispa.

Quechua Ayacucho Bible 1987

¹⁸ Aswanqa chay moqokunam qamkunapaq kanqa, monte kaptinpas sachankunatam kuchunkichik cantonkama chaynapi dueñochakunaykichikpaq. Qamkunaqa qarqonkichikmi Canaan casta runakunataqa fierromanta carretayoqkuna kaptinkupas chaynataq kallpasapa kaptinkupas.

Chuya Qellqa 1992

¹⁸ Aswanqa chay montekunapas qamkunapam kanqa, chaynaqa kichamuspaykichik patankunakama hapikamuychik. Cananeokunataqa fierromanta carretayuqkuna kaptinkupas chaynataq kallpasapa kaptinkupas qarqonkichikmi, nispa.

Josué 17:18 Iomraidhean Croise

Génesis 49:24

Chaywanpas Joseyqa flechanantam allinta takyachin, brazonkunatapas allin niqtam kallpanchan, chaynataqa ruwanqa Jacobpa atiyniyuq Diosninraykum, Israelpa michiqnin Diosninraykum, Israelpa harkaqnin Diosninraykum.

2~Samuel 18:6

Davidpa tropankunam Israel tropakunawan peleaq lloqsirqaku. Chaymi Efraín law montepi peleaptinku,

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

Romanos 8:37

Astawanqa tukuy kaykunatam vencenchik kuyawaqninchik Señorninchik Jesucristontakama.

Deuteronomio 33:17

Joseyqa vacapa punta wawan hina kuyayllapaqmi, payqa búfalo hina kallpasapallañam, waqrankunawanmi llapa nacionkunata kay pachapa patankama waqraparunqa. Chaynam Efrainpa wara-waranqa mirayninkunaqa, chaynam Manasespa waranqantin mirayninkunaqa.

Hebreos 13:6

Chaynaqa, confianzawanmi ninan-chik: “Señormi ñoqapa yanapawaqniyqa manam manchakusaqchu, runapa imapas ruwawanantaqa manam manchakusaqchu”, nispanchik.

Josué 13:6

Israelpa mirayninkunapa qayllanmantam orqokunapi yachaqkunata wischusaq, Libanomanta qallaykuspa Misrefot-maim lawkama. Wischusaqtaqmi Sidón llaqtayuq runakunatapas. Qamñataqmi kamachisqayman hina, Israelpa mirayninkunaman allpata qonki paykunapaña kananpaq.

Josué 15:9

chay orqomantam Neftoa pukyukunapa ñawinkama muyumurqa, hinaspam Efrón orqopi llaqtakunapa kasqankama chayaspan Baala llaqtaman kutimurqa. Baala llaqtapa huknin sutinmi karqa Quiriat-jearim.

Josué 17:17

Chaymi Joseypa miraynin Efraín ayllutawan Manasés aylluta Josué nirqa: Qamkunaqa achkallaña hinaspa kallpasapam kankichik. Chaynaqa, manam huk hawaqllapiqa yachawaqchikchu.

Josué 20:7

Chaynapim Israelpa mirayninkunaqa akllarqaku, Neftalí ayllupa orqonkunapi kaq Galilea lawpi Cedes llaqtata, Efraín ayllupa orqonkunapi kaq Siquem llaqtata hinaspa Judá ayllupa orqonkunapi kaq Quiriat-arba otaq Hebrón llaqtata,

1~Samuel 1:1

Efraín law orqonkunapim, Ramá llaqtapi yacharqa Elcana. Paymi karqa Jerohampa churin, Jerohamñataqmi Eliupa, Eliuñataqmi Tohupa, Tohuñataqmi Zufpa. Zufqa karqa Efratamantam.