Josué 17:11 - CHUYA QELLQA La Biblia en Quechua de Ayacucho 2012

¹¹ Manasés aylluqa, Isacar ayllupa chaynataq Aser ayllupa allpankuna ukupipas kay llaqtakunatam chaskirqa: Bet-seán, Ibleam, Dor, Endor, Taanac hinaspa Meguidota, sapakamata taksa llaqtankunatawan kuskata, chaskirqataqmi kimsa orqokunatapas.

Quechua Ayacucho Bible 1987

¹¹ Manases castakunamanqa tuparqataqmi herencia llaqtakunapas, chay llaqtakunaqa karqa Isacar castakunapa allpanpim, tuparqataqmi Aser castakunapa allpanpipas. Chay llaqtakunam karqa: Bet-sean llaqta llaqtachankunapiwan, Ibleam llaqta llaqtachankunapiwan, Dor llaqtapi *f**yachaqkuna llaqtachankunapiwan, Endor llaqtapi yachaqkuna llaqtachankunapiwan, Taanac llaqtapi yachaqkuna llaqtachankunapiwan Meguido llaqtapi yachaqkuna llaqtachankunapiwan chaynataq kimsantin moqokunapas.

Chuya Qellqa 1992

¹¹ Manasés aylluqa, Isacar ayllupa chaynataq Aser ayllupa allpankuna ukupipas kay llaqtakunatam chaskirqa: Bet-seán, Ibleam, Dor, Endor, Taanac hinaspa Meguidota, sapakamata taksa llaqtankunatawan kuskata, chaskirqataqmi kimsa orqokunatapas.

Josué 17:11 Iomraidhean Croise

2~Samuel 21:12

Saulpa chaynataq Jonatanpa tullunkunata David rispan apamurqa Galaad lawpi Jabes llaqtayuq runakunapa kasqanmanta. Paykunam suwarurqaku Bet-sán llaqtapa plazanmanta Saulpa chaynataq Jonatanpa ayanta, llapa filisteokuna Gilboa moqopi venceruspa warkurusqankuta.

1~Reyes 9:15

Rey Salomonmi runakunata huñuchimurqa hinaspam mana imallapaq llamkachirqa, Tayta Diospa templonta, kikinpa palacionta, llaqtapa pukronkuna huntachiyta, Jerusalén llaqtapa murallankunata, Hazor llaqtata, Meguido llaqtata chaynataq Gezer llaqtatapas.

2~Reyes 9:27

Judá nacionpa reynin Ocoziasñataqmi chaykunata rikuruspan Bet-hagan lawman riq ñanninta lluptikurqa. Jehuñataqmi kaynata nispan qatirqa: Waktawan carretanpi wañuchiychik, nispa. Chaymi Ibleam llaqtapa hichpan Gur sutiyuq wichaypi kirirurqaku. Ocoziasmi ichaqa Meguido llaqtaman lluptiruspan chaypiña wañururqa.

1~Crónicas 6:70

Coatpa wakin mirayninkunamanñataqmi ayllunkunaman hina wakin Manasés ayllupa allpanpi tarikuq Aner llaqtatawan Bileam llaqtata echaderontintakama qorqaku.

1~Crónicas 7:29

Manasespa mirayninkunam munaychakurqaku Bet-seán, Taanac, Meguido hinaspa Dor llaqtakunapi chaynataq taksa llaqtakunapipas. Chay llaqtakunapim Israelpa churin Joseypa mirayninkuna yacharqaku.

2~Crónicas 35:22

Rey Josiasmi ichaqa Necaonintakama Tayta Diospa nisqanta mana kasukuspan pantachikunanpaq huk pachawan churakururqa, hinaspanmi rey Necaowan peleananpaq Meguido qechwaman pasarqa.

Jeremías 49:2

Ñoqa Tayta Diosmi kaynata nini: Hamuchkanmi punchawkuna Amón nacionpi kaq Rabá llaqtapi guerrapaq qapariykunata uyarichinaypaq; pasaypaq tuñichisqam kanqa, llaqtankunapas kañasqam kanqa, Israelmi llaqtankunata kaqllamanta kutichikunqa. Ñoqa Tayta Diosmi chaynata nini.

Zacarías 12:11

Chay punchawmi Jerusalén llaqtapi sinchi waqakuy kanqa, Hadad-rimón sutiyuq idolonkumanta Meguido pampapi waqasqankuta hinam waqanqaku.

Josué 11:2

norte law orqokunapi kaq reykunaman, Cineret qochapa sur lawnin Arabá qechwapi kaqkunaman, intipa seqaykunan Dor llaqta lawpa waqtankunapi, orqonkunapi kaq reykunaman,

Josué 12:21

Taanacpa reynin, Meguidopa reynin,

Josué 12:23

Dor lawpi Dorpa reynin, Gilgal lawpi Goimpa reynin,

Josué 16:9

Manasés ayllupa allpan ukupipas Efraín ayllukunaqa llaqtakunatawan taksa llaqtakunatam chaskirqaku.

Josué 17:10

Wayqopa sur lawninmi Efraín ayllupa karqa, norte lawninñataqmi Manasespa, hinaspam Mediterráneo lamar qochakama chayarqa. Norte lawmanmi Aser ayllupa allpanwan tupanakurqa, intipa qespimunan lawmanñataqmi Isacar ayllupa allpanwan.

Josué 17:16

Chaymi Joseypa mirayninkuna nirqaku: Arí, kay montekunaqa manam haypawankuchu. Pampakunapi yachaq cana-neokunawan Bet-seán llaqtapi hinaspa taksa llaqtankunapi chaynataq Jezreel qechwapi yachaqkunaqa fierromanta carretakunatam hatallinku, nispanku.

Jueces 1:27

Manasés ayllukunapas manam qarqoyta atirqachu Bet-seán llaqtapi, Taanac llaqtapi, Dor llaqtapi, Ibleam llaqtapi, Meguido llaqtapi hinaspa muyuriqninpi kaq taksa llaqtakunapi yachaq runakunatapas. Chaynapim cananeokunaqa hinalla chay llaqtakunapi yachakurqaku.

Jueces 5:19

Reykunam Taanac lawman hamuspa pelearqaku, Canaán allpapi reykunam Meguido yakukunapa hichpanpi pelearqaku, ichaqa manam qollqetapas nitaq imatapas aparqakuchu.

1~Samuel 28:7

Hinaptinmi serviqninkunata Saúl kamachirqa: Maskamuychik wañuqpa alman qayaq warmita, chaynapi payman rispay tapukamunaypaq, nispa. Serviqninkunañataqmi nirqaku: Endor llaqtapim huk warmi kachkan wañuqkunapa alman qayaq, nispa.

1~Samuel 31:10

Saulpa armankunatam Astarot sutiyuq idolonkupa templonpi churarqaku, Saulpa cuerpontañataqmi Bet-sán llaqtapa murallanman warkururqaku.

1~Samuel 31:12

llapallan allinnin qariqari runakuna tukuy tuta pa-saspanku Bet-sán llaqtaman cha-yarurqaku, hinaspam murallan-pi warkurayaq Saulpa cuerponta-wan churinkunapa cuerponta uray-kachispa Jabes llaqtankuman kutikurqaku. Chaypim chay cuerpo-kunata kañarurqaku.