Josué 15:11 - CHUYA QELLQA La Biblia en Quechua de Ayacucho 2012

¹¹ Chaymantam Ecrón llaqtapa norte lawninta chutarikuspan Sicrón lawman muyurqa. Chaymantam Baala orqonta rispan Jabneel lawman lloqsirqa hinaspam Mediterráneo lamar qochapi tukurqa.

Quechua Ayacucho Bible 1987

¹¹ Chaymantañataqmi norte lawman chutarikurqa Ecron llaqtapa waqtanta hinaspam muyurirqa hina chay Sicron llaqtachaman. Chaymantam rirqa Baala Moqonta Jabneel lawman chayanankama hinaspam Mediterraneo sutiyoq lamar qochapi tukurqa.

Chuya Qellqa 1992

¹¹ Chaymantam Ecrón llaqtapa norte lawninta chutarikuspan Sicrón lawman muyurqa. Chaymantam Baala orqonta rispan Jabneel lawman lloqsirqa hinaspam Mediterráneo lamar qochapi tukurqa.

Josué 15:11 Iomraidhean Croise

2~Reyes 1:16

Chayaruspanmi reyta nirqa: Tayta Diosmi kaynata nin: ¿Manachu Israel nacionpi Dios karqa Ecrón llaqtapi Baal-zebub idolota tapuchimunaykipaq? chayraykum onqosqaykimantaqa manaña hatarinkiñachu aswanqa wañukunkiñam, nispa.

2~Reyes 1:6

Chaymi paykuna nirqaku: Huk runawan tuparuptiykum niwarqaku: “Kachamusuqnikichik reyman kutirispa Tayta Diospa nisqanta kaynata nimuychik: ¿Manachu Israel nacionpi Dios karqa chaynapi Ecrón llaqtapi kaq Baal-zebub idolotaraq tapuchimunaykipaq? chayraykum onqosqaykimantaqa manañas hatarinkiñachu aswanqa wañukunkiñas”, nispanku.

2~Crónicas 26:6

Uziasmi filisteokunawan peleananpaq lloqsispan Gat llaqtapa, Jabnia llaqtapa hinaspa Asdod llaqtapa murallankunata tuñirachirqa; hinaspam Asdod llaqtapiwan filisteokunapa allpanpipas llaqtakunata hatarichirqa.

Números 34:6

Intipa seqaykunan lawmanñataqmi Mediterráneo lamar qochakama chayanqa.

Josué 15:10

Baala llaqtamantam intipa seqaykunan law Seir orqoman muyumuspan Jearim orqopa waqtanta norte lawpi Quesalón llaqtakama rispa Bet-semes llaqtanta uraykuspa Timna llaqtakama chayarqa.

Josué 15:12

Intipa seqaykunan lawmanñataqmi Mediterráneo lamar qochapi tukurqa. Kaykunam karqa Judá ayllupa allpankupa linderonkuna, chaytam ayllunkupi haykam kasqankuman hina partenakurqaku.

Josué 15:45

Paykunapataqmi karqa Ecrón llaqtapas taksa llaqtankunapiwan,

Josué 15:9

chay orqomantam Neftoa pukyukunapa ñawinkama muyumurqa, hinaspam Efrón orqopi llaqtakunapa kasqankama chayaspan Baala llaqtaman kutimurqa. Baala llaqtapa huknin sutinmi karqa Quiriat-jearim.

Jueces 1:18

Judá ayllukunam Gaza llaqtata Ascalón llaqtata, Ecrón llaqtata chaynataq muyuriqninpi allpakunatapas hapikuykurqaku.

1~Samuel 17:52

Israel tropakunawan Judá tropaku-nañataqmi qaparillawanña Filistea tropakunata Gat llaqtakama hinaspa Ecrón llaqtapa punkunkama qatirqaku. Filisteokunapa ayankupas wichi-wichim karqa Saaraim lawmanta qallaykuspa Gatman chaynataq Ecronman rina ñankunakama.

1~Samuel 5:10

Chaymi filisteokunaqa Diospa Arcanta aparachirqaku Ecrón llaqtamanña, ichaqa chayaruptinkum Ecrón runakuna qaparirqaku kaynata: ¡Israel runakunapa Diosninpa Arcantam aparamuwanchik llaqtantinta wañurachiwananchikpaq! nispanku.

1~Samuel 5:8

Chaymi Filisteapi kamachikuqkunata qayachispanku tapurqaku: ¿Imatataq Israelpa Diosninpa Arcanwan ruwasunchik? nispanku. Paykunañataqmi nirqaku: Gat llaqtaman aparuychik, nispanku. Hinaptinmi Israelpa Diosninpa Arcanta Gat llaqtaman aparurqaku.

1~Samuel 7:14

Israel runakunamanmi kutiykurqa filisteokunapa qechusqan llaqtakuna, Ecrón llaqtamanta Gat llaqtakama; chaynapim Israel runakunaqa allpankuta kutiykachikurqaku, chaymi filisteokunaqa manaña munaychakurqakuñachu. Chaynataqmi Israel runakunaqa Amorreo runakunawanpas hawkayaypiña kawsakurqaku.