Josué 14:12 - CHUYA QELLQA La Biblia en Quechua de Ayacucho 2012

¹² Chay punchawpi Tayta Diospa nisqanman hinayá chay orqokunata kunan qoykuway. Yachankim chay orqokunapiqa ñawpaqmantaraq Anacpa mirayninkuna yachasqankutaqa, llaqtankunapas murallasqakama hatun llaqtakuna kasqanta. Tayta Dios yanapawaptinqa, paypa nisqanpi hinam qarqorusaq, nispa.

Quechua Ayacucho Bible 1987

¹² Tayta Diospa chay punchawpi rimasqanta hinayá kunan qoykuway chay moqokunata. Yachankimiki chay tiempopiqa Anac casta runakuna chay moqokunapi yachasqanta chaynataq murallasqa hatun llaqtakunapas chaypi kasqanta. Tayta Dios yanapawaptinqa paypa niwasqanpi hinam qarqoruspay dueñochakurusaq —nispa.

Chuya Qellqa 1992

¹² Chay punchawpi Tayta Diospa nisqanman hinayá chay orqokunata kunan qoykuway. Yachankim chay orqokunapiqa ñawpaqmantaraq Anacpa mirayninkuna yachasqankutaqa, llaqtankunapas murallasqakama hatun llaqtakuna kasqanta. Tayta Dios yanapawaptinqa, paypa nisqanpi hinam qarqorusaq, nispa.

Josué 14:12 Iomraidhean Croise

2~Reyes 19:4

Ichapas Tayta Dios uyarirqa chay kamachikuqpa rimasqankunata. Paytam Asiria nacionpa reynin kachamurqa kawsaq Diosta kaminanpaq, allinchá kanman chay rimasqankunamanta Tayta Dios puchukachiptinqa. Chaynaqa, Diostayá mañakuy puchuq kaqkunapaq, nispanku.

2~Crónicas 14:11

Rey Asam Tayta Diosta kaynata mañakurqa: Diosnilláy, kallpayuqtapas mana kallpayuqtapas qamllam yanapanki. Dios Taytallayku, yanapaykullawayku, qanmanmi hapipakamuykiku, qampa sutikipim hamuniku kay nana-nanaq soldadokunapa contranpi peleanaykupaq. Dios Taytalláy, qanmi Diosniyku kanki, manam qamtaqa pipas vencesunkichu, nispa.

Números 13:28

Ichaqa chay allpapi yachaq runakunam kallpasapakuna kasqaku, llaqtankupas hatun murallayuqkamam kasqa, hatunkaray Anacpa churinkunatapas chaypim rikuramuniku.

Números 13:33

Anacpa miraynin hatunkaray runakunatapas rikuramunikum, paykunapa qayllanpiqa aqaruway hinallam karqaniku, chayna sayayllatataqmi paykunapas qawawarqaku, nispanku.

Números 21:34

Hinaptinmi Moisesta Tayta Dios nirqa: Ama manchakuychu, chay reytaqa runantinkunatam qanman qoykusqayki. Hesbón llaqtapi yachaq amorreokunapa reynin Sehonta hinam rey Ogtapas ruwanki, nispa.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

Deuteronomio 1:28

Kunanqa, ¿maymantaq risunchik? Chay allpata qawamuq llaqtamasinchikkunam kaynata willakuspa sonqonchikta hukmanyarachin: Chay allpapiqa ñoqanchikmantapas aswan kallpasapa hatunkaray runakunam kasqaku, llaqtakunapa murallankunapas alto-altom kasqa. Hatunkaray Anacpa mirayninkunatapas rikuramunikum, nispanku. “Chay willakuymi pasaypaqta hukmanyarachiwanchik”, nispaykichik.

Deuteronomio 9:1

Israelpa mirayninkuna, kayta uyariychik: Jordán mayuta chimpaspa qamkunamantapas aswan atiyniyuq chaynataq achka runayuq nacionkunata qarqospa qaqay-qaqay murallasqa hatun llaqtakunaman yaykunaykichik punchawmi chayaramun,

Deuteronomio 9:3

Kaytayá yachaychik: Señornikichik Tayta Diosmi ñawpaqnikichikta rinqa. Payqa ratachkaq nina hina rispanmi chay nacionniyuq runakunata wañuchispan qayllaykichikpi penqayman churanqa. Qamkunañataqmi Tayta Diospa nisqanpi hina qarqoruspa chaylla chinkachinkichik.

Filipenses 4:13

Kallpanchawaqniy Cristowanmi tukuy ima ruwayta atini.

Hebreos 11:33

Paykunaqa iñiyllawanmi huklaw nacionkunata vencerqaku, mana pimanpas sayapakuspam kamachikurqaku, Dios-pa prometesqankunatam chaskirqaku, leonkunapa simintam wichqarurqaku,

Josué 15:14

Hebrón llaqtamantam Caleb qarqorqa Anacpa kimsa churinkunata. Paykunam karqa: Sesai, Ahimán hinaspa Talmai.

Jueces 1:20

Moisespa nisqanman hinam, Hebrón llaqtata Calebman qorqaku. Calebñataqmi chay llaqtamanta Anacpa kimsa churinkunata qarqorurqa.

1~Samuel 14:6

Jonatanmi arman apaq soldadota nirqa: Qari kayninpi mana señalasqa Filis-tea tropakunapa kasqanman chimparusunchik. Tayta Diosqa yanapay-kuwasunmi, Diospaqqa manam sasa-chu, achka runawan otaq asllawanpas salvawananchikpaqqa, nispa.