Josué 13:8 - CHUYA QELLQA La Biblia en Quechua de Ayacucho 2012

⁸ Manasespa wakin aylluqa, Rubén aylluwan chaynataq Gad aylluwan kuskam tupaqninku allpata chaskirunkuña. Paykunamanmi Moisés qorqa Jordán mayupa chimpan intipa qespimunan lawpi.

Quechua Ayacucho Bible 1987

⁸ Manases ayllupa huknin partenqa, Ruben aylluwanmi chaynataq Gad aylluwanmi chaskirunkuña herencia allpankuta. Chaytam Moises qorqa paykunaman Jordan Mayupa chimpan intipa qespimunan lawpi. Tayta Diospa serviqnin Moisesmá paykunaman qorqa.

Chuya Qellqa 1992

⁸ Manasespa wakin aylluqa, Rubén aylluwan chaynataq Gad aylluwan kuskam tupaqninku allpata chaskirunkuña. Paykunamanmi Moisés qorqa Jordán mayupa chimpan intipa qespimunan lawpi.

Josué 13:8 Iomraidhean Croise

Números 32:19

Jordán mayupa chimpanpiqa manañam paykunawan kuskaqa allpata mañakusqaykikuñachu, Jordán mayupa kaylawnin intipa qespimunan lawpi allpayku kasqanrayku, nispanku.

Deuteronomio 3:8

Chaynatam chay tiempopi Jordán mayupa waklawnin intipa qespimunan lawpi yachaq iskay reykunapa nacionninkunata Arnón mayumanta Hermón orqokama hapikuykurqankichik. Chay reykunaqa karqaku amorreokunapa reyninkunam.

Josué 12:1

Kaykunam Israelpa mirayninkunapa vencesqan reykuna, paykunapa allpantam Jordán mayupa chimpan intipa qespimunan lawpi hapikuykurqaku, Arnón mayumanta qallaykuspa Hermón orqokama hinaspa Jordán mayupa intipa qespimunan law qechwakama. Chay reykunam kaykuna:

Josué 12:6

Chay reykunatam Tayta Diospa serviqnin Moiseswan Israelpa mirayninkuna vencerurqaku. Chay allpakunatam Rubén aylluman, Gad aylluman chaynataq Manasespa wakin aylluman Moisés qorqa.

Josué 13:7

Isqonnintin ayllukunamanwan Manasespa wakin ayllumanmi chay allpata qonki, nispa.

Josué 13:9

Paykunamanmi qorqa Arnón wayqopa patanpi kaq Aroer llaqtamanta qallaykuspa, wayqopa chawpinpi kaq llaqtata hinaspa Medeba pampatapas Dibón llaqtakama.

Josué 22:4

Kayqaya Tayta Diosqa prometesqanman hina wakin aylluykichikmanpas hawkayayta qoykunña. Kunanqa Jordán mayupa intipa qespimunan lawninpi, Tayta Diospa serviqnin Moisespa qosusqaykichik allpaykichikman chaynataq carpaykichikmanñayá kutikuychik.

Josué 4:12

Moisespa kamachisqanman hinam, Rubén ayllupas, Gad ayllupas, Manasespa wakin ayllunkunapas, allin armasqakama, Israelpa mirayninkunapa ñawpaqninta chimparqaku.

1~Samuel 13:7

Wakin hebreo runakunañataqmi Jordán mayuta chimparuspa Gad allpaman chaynataq Galaad allpaman pasakurqaku. Saulmi ichaqa hina Gilgal llaqtallapi qeparurqa, tropankunañataqmi llumpay mancharisqallaña karqaku.