Josué 13:13 - CHUYA QELLQA La Biblia en Quechua de Ayacucho 2012

¹³ Gesureokunatawan maaca-teokunatam ichaqa mana qarqorqakuchu, chayraykum paykunaqa Israelpa mirayninkunawan kuska kunankama ya-chachkanku.

Quechua Ayacucho Bible 1987

¹³ Aswanqa Gesur casta runakunatawan Maaca casta runakunataqa Israelpa mirayninkunaqa manam wischurqakuchu, chayraykum paykunaqa Israel castakunawan hinalla *f**yachachkanku kay libro qellqasqa kasqan tiempokama.

Chuya Qellqa 1992

¹³ Gesureokunatawan maacateokunatam ichaqa mana qarqorqakuchu, chayraykum paykunaqa Israelpa mirayninkunawan kuska kunankama yachachkanku.

Josué 13:13 Iomraidhean Croise

Génesis 35:22

Chay allpapi Israel yachachkaptinmi, taytanpa churiwachan Bilhawan Rubén puñururqa. Chayta yacharuspanmi Israel llumpayta piñakururqa. Jacobpa churinkunam karqa chunka iskayniyuq.

2~Samuel 10:6

Amonpa mirayninkunañataqmi Davidpa cheqnisqanta yachakurus-panku, Siria nacionpi Bet-rehob law-manta, Soba lawmanta iskay chunka waranqa soldadokunata pusachimurqaku; chaynataq Maaca nacionpi reytapas waranqa soldadontinta hinaspa Tob lawmanta chunka iskayniyuq waranqa soldadokunatapas.

2~Samuel 3:3

Iskay kaq churin Quileab, paymi karqa Carmel llaqtayuq Nabalpa viudan Abigailpa wawan. Kimsa kaq churin Absalón, paymi karqa Gesur nacionpa reynin Talmaipa churin Maacapa wawan.

Números 33:55

Chay allpapi yachaq runakunata mana qarqoptikichikqa hinalla kaspankum ñawikichikpi astilla otaq waqtaykichikmanta tipasuqnikichik kichka hina kanmanku, hinaspam yachasqaykichik allpapi ñakarichisunkichikman.

Deuteronomio 3:14

Manasés ayllumanta kaq Jairmi Argob lawpi allpakunata hapikuykurqa, Gesur runakunapa chaynataq Maaca runakunapa linderonkama. Chay Basán lawpi allpatam kikinpa sutinwan “Havot-jair” nispa suticharqa, chaynam kunankamapas sutin.

Josué 12:5

Paymi munaychakurqa Hermón orqopi, Salca llaqtapi chaynataq Basán lawkunapipas Gesur lawkama hinaspa Maaca lawkama. Galaad allpapipas partenpim munaychakurqa, Hesbón llaqtapa reynin Sehonpa allpankama.

Josué 13:11

Qorqataqmi Galaad allpatapas, gesuritakunapa hinaspa maacateokunapa allpantapas, Hermón orqomanta qallaykuspa Basán allpatapas Salca llaqtakama,

Josué 13:12

chaynallataq Basán llaqtapa reynin Ogpa allpankunatapas. Refaimpa miraynin Ogmi munaychakurqa Astarot llaqtapiwan Edrei llaqtapi. Paykunatam Moisés venceruspan allpankumanta qarqorurqa.

Josué 13:14

Leví ayllumanqa manam tupaqninku allpataqa Moisés qorqachu. Paykunapa tupaqninqa karqa Israelpa mirayninkunapa Tayta Diosman ofrenda qosqankum.

1~Samuel 27:8

Siclag llaqtamantam runankunawan David lloqsiq Gesur castakunapa, Gezer castakunapa chaynataq Amalec castakunapa tukuy imanku apakuq. Kay casta runakunam ñawpaqmantaraq yacharqaku Shur lawmanta qallaykuspa Egipto nacionkama.