Josué 11:3 - CHUYA QELLQA La Biblia en Quechua de Ayacucho 2012

³ hinaspa intipa qespimunan hinaspa seqaykunan lawpi kaq cananeokunamanpas. Paykunam karqaku amorreokuna, heteokuna, ferezeokuna, orqokunapi kaq jebuseokuna chaynataq Hermón orqopa waqtan Mizpa lawpi kaq heveokuna.

Quechua Ayacucho Bible 1987

³ Payqa kacharqataqmi intipa qespimunan hinaspa seqaykunan lawpi kaq Canaan casta runakunamanpas, Amor casta runakunamanpas, Het casta runakunamanpas, Ferez casta runakunamanpas, orqokunapi kaq Jebus casta runakunamanpas chaynataq Hermon Orqopa waqtan Mizpa lawpi kaq Hiv casta runakunamanpas.

Chuya Qellqa 1992

³ hinaspa intipa qespimunan hinaspa seqaykunan lawpi kaq cananeokunamanpas. Paykunam karqaku amorreokuna, heteokuna, ferezeokuna, orqokunapi kaq jebuseokuna chaynataq Hermón orqopa waqtan Mizpa lawpi kaq heveokuna.

Josué 11:3 Iomraidhean Croise

Génesis 31:49

Suticharqakutaqmi “Mizpa” nispankupas. Chaynataqa suticharqaku Labán kaynata nisqanraykum: Tayta Diosmi qawawasun qamtawan ñoqata maypiña kaptinchikpas.

2~Samuel 24:16

Jerusalenpi runakunata ángel chinkarachinanpaq kachkaptinmi, castigasqan runakunamanta llakipayarikuspan chay wañuchiq angelta Tayta Dios nirqa: ¡Chaykamallaña! ¡Amaña masta wañuchiychu! nispa. Tayta Diospa angelninñataqmi Jebús casta Araunapa eranpi kachkarqa.

2~Samuel 24:7

Chaymantam Tiro llaqtapa cerconkunakama, Hev lawkama chaynataq Canaán lawkama rirqaku, hinaspam Neguev lawpi Judá ayllukunapa allpanpi Beerseba llaqtakama chayarurqaku.

1~Reyes 15:22

Rey Asañataqmi Judá nacionpi runakunata huñuruspan Ramá llaqtapi rey Baasapa hatarichisqan rumikunatawan kaspikunata apachirqa, chaykunawanmi Benjamín lawpi Geba llaqtatawan Mizpa llaqtata hatarichirqa.

1~Reyes 9:20

Amorreokunapa, heteokunapa, ferezeokunapa, heveokunapa chaynataq jebuseokunapa puchuq mirayninkutam (chay runakunaqa manam Israelpa mirayninchu karqaku,

Cantares 4:8

Warma yanachalláy, Líbano orqomantayá uraykusunchik, Líbano orqomantayá kuskanchik uraykusun. Amana sutiyuq orqopa puntanmantayá qawariy, Senir orqomantayá, Hermón orqomantayá qawariy; leonkunapa, leopardokunapa uchkunmantayá qawariy.

Jeremías 40:10

Ñoqam kay Mizpa llaqtapi yachaspay Caldea lawmanta hamuq runakunata atiendesaq. Qamkunaqa vinotawan aceiteta ruwaspayá frutakunatawan tukuy imata huñukuychik, hinaspayá hapikusqaykichik llaqtakunapi yachamuychik, nispa.

Jeremías 40:6

Chaymi Jeremiasqa Mizpa llaqtapi yachaq Ahicampa churin Gedaliaspaman ripukurqa, hinaspam chaylawpi puchuq runakunawan kuska yacharqa.

Jeremías 41:14

chaymi kutirimuspanku Careapa churin Johananman hukllawakururqaku.

Jeremías 41:3

Wañurachirqakutaqmi Gedaliaswan kaq Judá runakunatapas hinaspa chaypi tarikuq Caldea soldadokunatapas.

Números 13:29

Neguev lawpim amalecitakuna yachasqaku, orqo lawpiñataqmi heteokuna, Jebuseokuna hinaspa amorreokuna; lamar qochapa hichpanpiñataqmi cananeokuna, hina paykunataqmi Jordán mayu lawpipas yachasqaku, nispanku.

Deuteronomio 4:48

Chay reykunapa allpanqa karqa Arnón mayupa patanpi kaq Aroer llaqtamanta qallarispa Sirión orqokamam (Sirionpa huknin sutinqa Hermón orqom)

Deuteronomio 7:1

Señornikichik Tayta Diosmi yacha-naykichik allpaman pusaykususpaykichik qamkunamantapas hatun chaynataq atiyniyuq qanchis nacionkunata qayllaykichikmanta wischunqa; chay nacionkunam kaykuna: Heteo-kuna, gergeseokuna, amorreokuna, cananeokuna, ferezeokuna, heveokuna chaynataq Jebuseokuna.

Josué 11:17

Seir lawman riq Halac orqomanta Hermón orqopa uraynin Líbano law pampapi Baal-gad llaqtakamam Josué venceruspan reyninkunatapas wañurachirqa.

Josué 11:8

Tayta Diosmi Israelpa mirayninkunaman qoykurqa, chaymi Sidón sutiyuq hatun llaqtakama, Misrefot-maim lawkama chaynataq intipa qespimunan lawpi Mizpa qechwakama wañuchistin qatirqaku. Lliwtam wañurachirqaku manam chullapas puchurqachu.

Josué 13:11

Qorqataqmi Galaad allpatapas, gesuritakunapa hinaspa maacateokunapa allpantapas, Hermón orqomanta qallaykuspa Basán allpatapas Salca llaqtakama,

Josué 13:5

Puchuchkanraqmi giblitakunapa allpanpas chaynataq intipa qespimunan lawpi Líbano orqopi allpakunapas, Hermón orqopa patanpi kaq Baal-gadmanta qallarispa Hamatpa hichpankama.

Josué 15:38

Dileán, Mizpa, Jocteel,

Josué 15:63

Chaywanpas Judá aylluqa manam Jerusalén llaqtapi yachaq jebuseokuna qarqoytaqa atirqakuchu. Chayraykum jebuseokunaqa Judá aylluwan kuska kunankama yachachkanku.

Josué 18:26

Mizpa, Cafira, Mozah,

Josué 3:10

Kunanmi kawsaq Diospa ñoqanchikwan kasqanta yachankichik. Paymi qayllaykichikmanta cananeokunata, heteokunata, heveokunata, ferezeokunata, amorreokunata chaynataq jebuseokunatapas qarqonqa.

Jueces 20:1

Israelpa llapallan mirayninkunam Mizpa llaqtaman rispanku huk runa hinalla Tayta Diospa qayllanpi huñunakururqaku; huñunakururqakuqa Dan llaqtamanta qallaykuspa Beerseba llaqtakama hinaspa Galaad lawkamam.

Jueces 21:5

Hinaspam tapunakurqaku: Llapallan Israelpa mirayninkunamanta, ¿mayqan ayllutaq Tayta Diospa qayllanpi huñunakuyman mana rirqachu? nispanku. Paykunam kaynata jurarqaku: Tayta Diospa qayllanpi Mizpa llaqtapi huñunakuyman mana riqkunaqa wañuchisqapunim kanqaku, nispanku.

Jueces 21:8

Chaynaqa, ¿kachkanchu Israelpa mirayninkunamanta hukkaqnin ayllu Mizpa llaqtapi Tayta Diospa qayllanpi huñunakuyman mana hamuq? nispanku. Hinaspam yuyarirurqaku chay guerrapaq huñunakuyman Galaad lawpi kaq Jabes llaqtamanta mana mayqanninpas hamusqanta.

Jueces 3:3

Filisteamanta pichqa kamachikuqkunata, cananeokunata, sidoniokunata chaynataq Líbano orqopi yachaq heveokunatapas Baal-hermón orqomanta qallarispa Hamat lawman yaykuna qasakama.

Jueces 3:5

Chaynapim Israelpa mirayninkunaqa cananeokunawan, he-teokunawan, amorreokunawan, ferezeokunawan, heveokunawan hinaspa jebuseokunawan yacharqaku.

1~Samuel 10:17

Chaymantam Samuelqa Israel runakunata Tayta Diospa ñawpaqninpi Mizpa llaqtapi huñururqa.