Josué 11:23 - CHUYA QELLQA La Biblia en Quechua de Ayacucho 2012

²³ Josueymi llapallan allpata hapikuykurqa, Moisesman Tayta Diospa nisqa-nman hina. Chay allpatam Israelpa mirayninkunaman herencianku kananpaq sapa aylluman tupaqninta qorqa. Chaymantapunim chay allpapiqa manaña guerra karqachu.

Quechua Ayacucho Bible 1987

²³ Josueymá dueñochakururqa llapallan allpata Moisesman Tayta Diospa nisqanpi hina. Chay allpatam Israel castakunaman herenciata hina partirqa, sapa ayllumanmi tupaqninta qorqa. Chay tiempomantam manaña guerra karqachu chay allpapi.

Chuya Qellqa 1992

²³ Josueymi llapallan allpata hapikuykurqa, Moisesman Tayta Diospa nisqanman hina. Chay allpatam Israelpa mirayninkunaman herencianku kananpaq sapa aylluman tupaqninta qorqa. Chaymantapunim chay allpapiqa manaña guerra karqachu.

Josué 11:23 Iomraidhean Croise

Nehemías 9:24

Paykunam Canaán allpaman yaykuspanku hapikuykurqaku, chay allpapi yachaqkunatam paykunapa qayllanpi uchuycharqanki, reyninkunatawan runankunatam paykunapa makinman churarqanki, chaynapi paykunawan munasqankuta ruwanankupaq.

Éxodo 34:11

Kunan kamachisqayta kasukuychik, ñoqam ñawpaqnikichikmanta wischusaq amorreokunata, cananeokunata, heteokunata, ferezeokunata, heveokunata hinaspa jebuseokunata.

Ezequiel 45:8

Chay allpam kanqa Israelpi kama-chikuqpaq, chaynapim kamachikuqkunaqa Israel runaykunata manaña ñakarichinqakuñachu, aswanqa Israelpa mirayninkunamanmi ayllunkuman hina yachananku allpata qonqaku.

Deuteronomio 1:38

Nunpa churin yanapaqniki Josueymi ichaqa qampa rantikipi yaykunqa, chaynaqa paytayá kallpanchay, paymi chay allpata Israelpa mirayninkunaman qonqa.

Deuteronomio 25:19

Chaynaqa, qosunaykichik allpapi llapa enemigoykichikta Señornikichik Tayta Dios vencerachisuptikichikmi llapa amalecitakunata kay pachamanta pasaypaqta chinkachinkichik. Yanqataq qonqaruwaqchik.

Josué 11:18

Josueyqa unay watakunam chay reykunawan guerrapi karqa.

Josué 12:7

Kaykunam Josueywan Israelpa mirayninkunapa vencesqan reykuna. Allpankum karqa Jordán mayupa intipa seqaykunan lawpi, Líbano orqopa patanpi kaq Baal-gad llaqtamanta Seir orqoman rinapi Halac orqokama. Chay allpakunatam tupasqanman hina Israelpa mirayninkunaman Josué qorqa.

Josué 18:10

Josueyñataqmi Silo llaqtapi Tayta Diospa qayllanpi sorteaspan Israelpa mirayninkunaman, sapa aylluman qoykarirqa.

Josué 22:4

Kayqaya Tayta Diosqa prometesqanman hina wakin aylluykichikmanpas hawkayayta qoykunña. Kunanqa Jordán mayupa intipa qespimunan lawninpi, Tayta Diospa serviqnin Moisespa qosusqaykichik allpaykichikman chaynataq carpaykichikmanñayá kutikuychik.

Josué 23:1

Israelpa mirayninkunata muyuriqninkupi enemigonkuwan Tayta Dios hawkayayta qoykuptinmi, Josueypas llumpaytaña machuyaruspanmi,