Josué 11:20 - CHUYA QELLQA La Biblia en Quechua de Ayacucho 2012

²⁰ Kikin Tayta Diosmi chay runakunapa sonqonta rumiyarachirqa Israelpa mirayninkunapa contranpi hatarinankupaq, chaynapi Israelpa mirayninkuna puchukachinankupaq, imaynam Moisesman Tayta Diospa kamachisqanman hina.

Quechua Ayacucho Bible 1987

²⁰ Kikin Tayta Diosmi chay runakunapa sonqonta rumiyarachirqa chaynapi Israel castapa contranpi peleaspanku mana llakipayasqa kanankupaq chaynataq chinkachisqa kanankupaq. Chinkachisqamá karqaku Moisesman Tayta Diospa kamachisqanpi hina.

Chuya Qellqa 1992

²⁰ Kikin Tayta Diosmi chay runakunapa sonqonta rumiyarachirqa Israelpa mirayninkunapa contranpi hatarinankupaq, chaynapi Israelpa mirayninkuna puchukachinankupaq, imaynam Moisesman Tayta Diospa kamachisqanman hina.

Josué 11:20 Iomraidhean Croise

2~Samuel 17:14

Chaymi Absalonwan lliw Israel runakuna nirqaku: Ahitofelpa consejasqanmantapas aswan allinqa Arqui casta Husaipa consejasqanmi, nispanku. Tayta Diosmi chayta ruwarqa Ahitofelpa consejasqan allin kachkaptinpas yanqachasqa kananpaq, chaynapi Absalonman desgracia chayananpaq.

1~Reyes 12:15

Chaynapim reyqa runakunapa mañakusqanta mana uyariqpas tukurqachu, Tayta Dios chaynata tantearusqanrayku, chaynapi Silo llaqtayuq profeta Ahiaspa Nabatpa churin Jeroboamman Tayta Diospa nisqan cumplikunanpaq.

2~Crónicas 22:7

Diosmi munarqa rey Joramta watu-kusqanpi rey Ocozías wañunanta. Chaymi Ocoziasqa chayaruspallan Joramwan kuska Nimsipa churin Jehupa contranpi peleaq lloqsirqa. Jehutam Tayta Dios akllarqa Acabpa ayllunkunata chinkachinanpaq.

2~Crónicas 25:16

Diospa profetan manaraq rimayta tukuchkaptinmi Amasías nirqa: ¿Reyta consejaqpaqchu qamta churarqaykiku? Upallay ¿icha wañuytachu munanki? nispa. Rimayta tukuruptinmi profetañataq nirqa: Nisqaykunata mana kasukuspa chay-kunata ruwasqaykimantam wañu-chisunaykipaq Tayta Diosqa tantearunña, nispa.

Éxodo 10:1

Tayta Diosmi Moisesta nirqa: Faraonpa qayllanman yaykuy, paypa sonqontawan serviqninkunapa sonqontam rumiyarachini, chaynataqa ruwaruni paykunaman señalniykunata qawachinaypaqmi.

Éxodo 11:10

Moiseswan Aaronmi tukuy kay admirakuypaq kaqkunata Faraonpa ñawpaqninpi ruwarqaku. Ichaqa Tayta Diosmi Faraonpa sonqonta rumiyarachirqa, chaymi Israelpa mirayninkunata Egipto nacionmanta mana kacharirqachu.

Éxodo 14:17

Ñoqam Egipto runakunapa sonqonta rumiyarachisaq qepaykichikta qatiykamusunaykichikpaq, chaynapim Faraonpi, lliw tropankunapi, carretankunapi hinaspa caballopi riqkunapi atiyniyta qawachikuspay hatunchasqa kasaq. Chayraqmi Egipto runakuna yachanqaku ñoqa Tayta Dios kasqayta.

Éxodo 14:4

Qatimusunaykichikpaqmi Faraonpa sonqonta rumiyarachisaq, hinaspam Faraonpa chaynataq tropankunapa qayllanpi atiyniyta qawachikusaq. Hinaptinmi Egipto runakuna yachanqaku ñoqa Tayta Dios kasqayta, nispa. Chaymi Israelpa mirayninkuna chaynata ruwarqaku.

Éxodo 14:8

Tayta Diosmi Egipto nacionpi rey Faraonpa sonqonta rumiyarachirqa, hinaptinmi Israelpa mirayninkunata qatirqaku. Israelpa mirayninkunaqa atiywanmi lloqsirqaku.

Éxodo 4:21

Chaymantam Moisesta Tayta Dios nirqa: Egipto nacionman kutispaykiqa amam llapallan milagrokuna ruwachisqaytaqa qonqankichu, Faraonpa qayllanpim ruwanki. Runaykunata mana kacharinanpaqmi sonqonta rumiyarachisaq.

Éxodo 9:12

Ichaqa Tayta Diosmi Moisesman nisqanpi hina Faraonpa sonqonta rumiyarachirqa, hinaptinmi paykunata mana kasurqachu.

Éxodo 9:16

Ichaqa manam chaytachu ruwarqani, aswanqa qanman atiyniyta qawachinaypaqmi kawsachirqayki, chaynapi sutiy lliw kay pachapi willakusqa kananpaq.

Isaías 14:24

Tukuy Atiyniyuq Tayta Diosmi kaynata nin: Cheqaptapunim tanteasqayman hina ruwasqa kanqa, ñoqapa nisqayman hinam cumplisqa kanqa.

Isaías 34:2

Tayta Diosmi llapa nacionkunapaq chaynataq tropankunapaqpas piñasqa kachkan, wañuchispa chinkachisqa kanankupaqmi payqa hapiykachin.

Romanos 9:18

Chaynam Diosqa munarispaqa pitapas kuyapayarin. Chaynataqmi munarispaqa pipa sonqontapas rumiyachin.

Deuteronomio 2:30

Ichaqa Hesbón llaqtapa reynin Sehonmi allpan pasananchikta mana munarqachu. Señorninchik Tayta Diosmi paytaqa pasaypaq rumi sonqota ruwarurqa, chaynapim ñoqanchikmanña qoykuwarqanchik.

Deuteronomio 7:16

Qamkunam ichaqa Señornikichik Tayta Diospa qosusqaykichik allpapi llaqtakunata chinkachinkichik, amam llakipayankichikchu, nitaqmi diosninkunatapas yupaychankichikchu, yanqañataqmi urmachisuqnikichik kanman.

Jueces 14:4

Tayta-mamanqa manam yacharqachu Sansonpa munasqanqa Tayta Diosmanta kasqanta. Tayta Diosqa filisteokunata imaynam castigaruytam maskachkarqa; chay tiempopiqa Filistea castakunam Israel miraykunapi munaychakuchkarqaku.

1~Samuel 2:25

Sichum pipas runamasinpa contranpi huchallikuptinqa Diosmi allinyanachinman. Ichaqa pipas Tayta Diospa contranpi huchallikuptinqa, ¿pitaq paywan allinyanachinman? nispa. Chaynata taytanku niptinpas paykunaqa manam kasukurqakuchu. Tayta Diosqa ñam tantearurqaña paykunata wañurachinanpaq.