Josué 11:15 - CHUYA QELLQA La Biblia en Quechua de Ayacucho 2012

¹⁵ Tayta Diospa kamachisqanta hinam Moisespas Josueyman kamachirqa. Josueyñataqmi mana imatapas qonqaykuspa ruwayman churarqa, imaynam Moisesman Tayta Diospa kamachisqanman hina.

Quechua Ayacucho Bible 1987

¹⁵ Tayta Diospa kamachisqanta hinam Moisespas kamachirqa Josueyman. Chaymi Josueypas chaynata rurarqa Tayta Diospa Moisesman lliw kamachisqankunata cumplispan.

Chuya Qellqa 1992

¹⁵ Tayta Diospa kamachisqanta hinam Moisespas Josueyman kamachirqa. Josueyñataqmi mana imatapas qonqaykuspa ruwayman churarqa, imaynam Moisesman Tayta Diospa kamachisqanman hina.

Josué 11:15 Iomraidhean Croise

2~Crónicas 30:12

Judá nacionpi runakunapas Tayta Diospa kallpanchasqanmi, tukuy sonqonkuwan reypa chaynataq kamachikuqkunapa kamachisqanta kasukurqaku. Chaynataqa ruwarqaku Tayta Diospa nisqanman hinam.

Números 33:50

Israelpa mirayninkuna, Moab nacionpa pampankunapi otaq Jordán mayupa hichpan Jericó llaqtapa chimpanpi kachkaptinkum, paykunaman ninanpaq Moisesta Tayta Dios kaynata nirqa: Jordán mayuta chimparuspa Canaán allpaman yaykuspaykichikmi

Números 33:52

chaypi yachaq runakunata qarqonkichik, rumimanta hinaspa metalkunata chulluchispa ruwasqa llapallan idolokunatapas ñutunkichikmi. Moqokunapi capillankutapas lliwtam purmachinkichik.

Mateo 23:23

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunam hierbabuenamanta, anismanta hinaspa cominomanta diezmoykichikta qonkichik; allin ruwayta, kuyapayakuyta hinaspa iñiyniyuq kaytam ichaqa qonqarunkichik. Kay hatun kamachikuykunatam kasukunaykichik, diezmo qoytapas ama qonqaspa.

Lucas 11:42

¡Ay, imaynaraq kankichik! Llapa fariseokuna qamkunaqa hierbabuenamanta, rudamanta hinaspa tukuy rikchaq yuyukunamantam diezmota qonkichik. Allin ruwaytawan Diosta kuyaytam ichaqa qonqarunkichik. Kaytayá ruwaychik diezmo qoytapas ama qonqaspa.

Hechos 20:20

Chaywanpas allinnikichikpaq Diospa palabran willaytaqa manam amirqanichu, ñoqaqa yachachirqaykichikmi llapa runakunapa qayllanpipas chaynataq wasikichikpipas.

Hechos 20:27

Diospa munasqantaqa mana imatapas pakaspaymi willarqaykichik.

Deuteronomio 12:32

Chaynaqa, tukuy kamachisqaykunatam mana yapaspa nitaq qechuspa kasukunkichik.

Deuteronomio 31:3

Chaywanpas Tayta Diosmi ñawpaqnikichikta rispan, chay risqaykichikpi nacionkunata chinkachispan paykunapa allpanta qosunkichik. Josueymi Tayta Diospa nisqanpi hina pusasunkichik.

Deuteronomio 31:5

Chay nacionkunata Tayta Dios vencerachisuptikichikqa, kamachisqayman hinam paykunawan ruwankichik.

Deuteronomio 31:7

Chaymantam Josueyta qayaspan Israelpa llapallan mirayninkunapa qay-llanpi Moisés nirqa: Kallpanchakuspa qarinchakuy, qanmi kay runakunata ñawpaq taytankuman Tayta Diospa jurasqan allpaman pusanki, hinaspam paykunaman qonki.

Deuteronomio 4:2

Kay kamachikuykunamanqa amam imatapas yapankichikchu nitaqmi qechunkichikpaschu. Señornikichik Tayta Diospa kamachikuyninkunatam kasukunkichik, chaykunataqa ñoqam kamachikichik.

Deuteronomio 4:5

Señorninchik Tayta Diospa kama-chikuyninkunatawan yachachikuyninku-natam yachachirqaykichik, chaynapi yachanaykichik allpaman yaykuspa kasukunaykichikpaq.

Deuteronomio 7:2

Maypacham Señornikichik Tayta Dios chay nacionkunata qoykusuptikichikmi paykunata venceruspa pasaypaqta chinkachinkichik, amam paykunawanqa ima contratotapas ruwankichikchu nitaqmi llakipayankichikpaschu.

Josué 1:7

Kallpanchakuspaykiyá qarinchakuy, chaynapi serviqniy Moisespa kamachisusqayki yachachikuykunaman hina ruwanaykipaq. Amam chaymantaqa ichoqmanpas nitaq alleqmanpas rakikunkichu, chaynapi tukuy ima ruwasqaykipas allin lloqsinanpaq.

Josué 11:12

Josueyqa wakin llaqtakunatapas purmarachispanmi reyninkunatapas espadawan wañurachirqa, Tayta Diospa serviqnin Moisespa kamachisqanman hina.

Josué 11:14

Chay llaqtakunapa runankunatam mana chullatapas puchuykuspa espadawan lliwta wañurachispanku tukuy imankutawan llapa animalninkuta apakurqaku.

Josué 11:16

Josueymi chay allpata, orqokunata, llapallan Neguev lawta, Gosén law allpakunata, pampakunata, Jordán mayupa qechwankunata, Israelpa orqonkunata hinaspa qechwankunatapas hapikuykurqa.

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.