Josué 11:12 - CHUYA QELLQA La Biblia en Quechua de Ayacucho 2012

¹² Josueyqa wakin llaqtakunatapas purmarachispanmi reyninkunatapas espadawan wañurachirqa, Tayta Diospa serviqnin Moisespa kamachisqanman hina.

Quechua Ayacucho Bible 1987

¹² Josueyqa vencerurqataqmi chay wakin llaqtakunatapas reyninkunatawan. Espadawan wañurachispam pasaypaqta chinkarachirqa Tayta Diospa serviqnin Moisespa kamachisqanman hina.

Chuya Qellqa 1992

¹² Josueyqa wakin llaqtakunatapas purmarachispanmi reyninkunatapas espadawan wañurachirqa, Tayta Diospa serviqnin Moisespa kamachisqanman hina.

Josué 11:12 Iomraidhean Croise

Deuteronomio 7:2

Maypacham Señornikichik Tayta Dios chay nacionkunata qoykusuptikichikmi paykunata venceruspa pasaypaqta chinkachinkichik, amam paykunawanqa ima contratotapas ruwankichikchu nitaqmi llakipayankichikpaschu.

Deuteronomio 9:3

Kaytayá yachaychik: Señornikichik Tayta Diosmi ñawpaqnikichikta rinqa. Payqa ratachkaq nina hina rispanmi chay nacionniyuq runakunata wañuchispan qayllaykichikpi penqayman churanqa. Qamkunañataqmi Tayta Diospa nisqanpi hina qarqoruspa chaylla chinkachinkichik.

Josué 10:20

Josueymi Israelpa mirayninkuna-wan llapa amorreokunata wañuparachirqaku, puchuqkunallañam murallasqa llaqtakunaman ayqerurqaku.

Josué 10:28

Josueyqa Maceda llaqtamanpas hina chay punchawllapim yaykuruspan lliw runankunata wañuparachirqa. Reynintapas Jericó llaqtapa reyninta hinam ruwarurqa.

Josué 10:30

Chay llaqtatapas reynintintam Israelpa mirayninkunaman Tayta Dios qoykurqa. Chaymi espadawan lliwta wañurachirqaku. Reynintapas Jericó llaqtapa reyninta hinam ruwarurqaku.

Josué 10:32

Laquis llaqtatapas Tayta Diosmi paykunaman qoykurqa. Chaymi paqarinnintin punchaw lliwta wañurachirqaku, Libna llaqtapa runankunata hina.

Josué 10:35

Hina chay punchawllapim llapallan chaypi yachaqkunata espadawan wañurachirqaku, Laquis llaqtapa runankunata hina.

Josué 10:37

Yaykuruspankum Hebrón llaqtapa runankunata reynintawan kuskata lliwta espadawan wañurachispanku llaqtatapas pasaypaqta purmarachirqaku, Eglón llaqtata ruwasqankuta hina.

Josué 11:13

Chaywanpas moqokunapi kaq llaqtakunataqa manam kañarqakuchu, aswanqa Hazor llaqtallatam.

Josué 11:15

Tayta Diospa kamachisqanta hinam Moisespas Josueyman kamachirqa. Josueyñataqmi mana imatapas qonqaykuspa ruwayman churarqa, imaynam Moisesman Tayta Diospa kamachisqanman hina.

Josué 13:6

Israelpa mirayninkunapa qayllanmantam orqokunapi yachaqkunata wischusaq, Libanomanta qallaykuspa Misrefot-maim lawkama. Wischusaqtaqmi Sidón llaqtayuq runakunatapas. Qamñataqmi kamachisqayman hina, Israelpa mirayninkunaman allpata qonki paykunapaña kananpaq.

Josué 21:44

Tayta Diosmi paykunaman hawkayayta qoykurqa, imaynam ñawpaq taytankuman prometesqanman hina, Tayta Dios paykunata yanapasqanraykum enemigonkunapas mana ima ruwaytapas atirqakuchu.

Josué 8:31

Israelpa mirayninkunaman Tayta Diospa serviqnin Moisespa kamachisqanman hinam chaynataq Moisespa kamachikuykuna qosqanmanta qellqasqa libroman hinam, chay altartaqa mana labrasqa rumikunamanta ruwarqa. Chay altarpim Israelpa mirayninkuna lliw kañana sacrificiokunata chaynataq Dioswan allinlla kasqankumanta ofrendata Tayta Diosman ofrecerqaku.

Josué 8:8

Yayku-ruspaykichikmi, Tayta Diospa nisqanman hina kañaykunkichik. Chaynatam ñoqa kamachikichik, nispa.

Josué 9:24

Chaymi Josueyta nirqaku: Yupaychasqayki Tayta Dios tukuy kay allpata qamkunaman qosunaykichikpaq hinaspa kay allpapi llapallan yachaqkunata wañuchinanpaq serviqnin Moisesman kamachisqanta yacharusqaykuraykum, wañuchiwanaykikumanta manchakuspa chaynataqa ruwarqaniku.