Josué 10:5 - CHUYA QELLQA La Biblia en Quechua de Ayacucho 2012

⁵ Chaymi amorreokunapa pichqa reyninkuna huñunakuruspanku Gabaón llaqtata atacanankupaq muyuriqninpi churakururqaku. Paykunaqa karqaku Jerusalenpa, Hebronpa, Jarmutpa, La-quispa chaynataq Eglonpa reyninkunam.

Quechua Ayacucho Bible 1987

⁵ Huñunakurqakumá Amor casta runakunapa pichqa reyninku. Chay reykunam karqa Jerusalen llaqtapi rey, Hebron llaqtapi rey, Jarmut llaqtapi rey, Laquis llaqtapi rey chaynataq Eglon llaqtapi rey. Paykunamá llapallan tropankunawan pasaspanku peleanankupaq campamentota sayachirqaku Gabaon llaqtapa hichpanpi.

Chuya Qellqa 1992

⁵ Chaymi amorreokunapa pichqa reyninkuna huñunakuruspanku Gabaón llaqtata atacanankupaq muyuriqninpi churakururqaku. Paykunaqa karqaku Jerusalenpa, Hebronpa, Jarmutpa, Laquispa chaynataq Eglonpa reyninkunam.

Josué 10:5 Iomraidhean Croise

Génesis 15:16

Tawa kaq miraynikikunam kay allpaman kutimunqaku, chaykamam Amor casta runakunata huchallapiña kachkaptinkupas manaraq chinkachisaqchu, nispa.

Jeremías 34:7

Babilonia reypa tropankunañataqmi Jerusalén llaqtapa hinaspa Judá lawpi puchuq llaqtakunapa contranpi peleachkarqa. Chay llaqtakunam karqa Laquis hinaspa Azeca. Judá nacionpi murallasqa llaqtakunamantam chay iskay llaqtakunallaña puchururqa.

Números 13:29

Neguev lawpim amalecitakuna yachasqaku, orqo lawpiñataqmi heteokuna, Jebuseokuna hinaspa amorreokuna; lamar qochapa hichpanpiñataqmi cananeokuna, hina paykunataqmi Jordán mayu lawpipas yachasqaku, nispanku.

Josué 10:16

Pichqan reykunañataqmi lluptikuspanku Maceda law machaypi pakakururqaku.

Josué 10:6

Gabaonpi yachaqkunañataqmi, Gilgalpi kachkaptin Josueyman kaynata willachimurqaku: Ama saqeruwaykuchu, chaylla hamuspa kay serviqnikikunata yanapaykuwayku hinaspa salvaykuwayku. Orqo lawkunapi yachaq amorreokunapa llapa reyninkunam atacawanankupaq huñunakurunku, nispanku.

1~Samuel 7:14

Israel runakunamanmi kutiykurqa filisteokunapa qechusqan llaqtakuna, Ecrón llaqtamanta Gat llaqtakama; chaynapim Israel runakunaqa allpankuta kutiykachikurqaku, chaymi filisteokunaqa manaña munaychakurqakuñachu. Chaynataqmi Israel runakunaqa Amorreo runakunawanpas hawkayaypiña kawsakurqaku.