Josué 10:40 - CHUYA QELLQA La Biblia en Quechua de Ayacucho 2012

⁴⁰ Josueymi puchukarachirqa orqokuna lawpi, Neguev lawkunapi, qechwa lawkunapi chaynataq waqtakunapi llaqtakunatapas. Runankutapas reyninkutapas mana puchuykuspam lliwta wañuchirqa. Chaynataqa ruwarqa Israelpa yupaychasqan Tayta Diospa kamachisqanman hinam.

Quechua Ayacucho Bible 1987

⁴⁰ Josueymá wañuchirqa lliw orqokunapi kaqkunata, Neguev lawpi kaqkunata, qechwa law moqokunapi kaqkunata chaynataq orqopa waqtankunapi kaqkunatapas. Wañuchirqakumá reyninkunatapas chaynataq llapallan kawsaqkunatapas mana chullatapas puchuspanku, chaynataqa rurarqaku Israelpa yupaychasqan Tayta Diospa kamachisqanman hinam.

Chuya Qellqa 1992

⁴⁰ Josueymi puchukarachirqa orqokuna lawpi, Neguev lawkunapi, qechwa lawkunapi chaynataq waqtakunapi llaqtakunatapas. Runankutapas reyninkutapas mana puchuykuspam lliwta wañuchirqa. Chaynataqa ruwarqa Israelpa yupaychasqan Tayta Diospa kamachisqanman hinam.

Josué 10:40 Iomraidhean Croise

1~Reyes 15:29

Baasaqa munaychakuyta qallaykuspallanmi rey Jeroboampa lliw ayllunta wañurachirqa, manam chullallapas puchurqachu, Silo llaqtayuq profeta Ahiasnintakama Tayta Diospa nisqanman hina.

Nehemías 9:24

Paykunam Canaán allpaman yaykuspanku hapikuykurqaku, chay allpapi yachaqkunatam paykunapa qayllanpi uchuycharqanki, reyninkunatawan runankunatam paykunapa makinman churarqanki, chaynapi paykunawan munasqankuta ruwanankupaq.

Éxodo 34:12

Yaykunaykichik allpapi yachaqkunawanqa amam ima contratotapas ruwankichikchu, yanqañataqmi urma-chisuqnikichik rumi hina kanmanku.

Números 13:17

Canaán allpata imaynam kasqanta qawamunankupaq kachaspanmi paykunata Moisés nirqa: Kaymantam Neguev lawman rinkichik, hinaspañam orqoman qespinkichik.

Deuteronomio 1:7

Chaynaqa, muyurispa riychik amorreokunapa yachanan orqokunaman, Arabá lawkunaman, orqokunaman, qechwakunaman, Neguev lawman, lamar qocha lawman, cananeokunapa yachanan lawman, Líbano lawman hinaspa Eufrates hatun mayuman chayanaykichikkama.

Deuteronomio 2:34

Llapallan llaqtankunata venceruspanchikmi tuñichirqanchik, hinaspam qarikunatapas, warmikunatapas chaynataq wawakunatapas mana puchuykuspa wañuchirqanchik.

Deuteronomio 7:24

Reyninkunatapas makikichikman churaykamuptinmi paykunapi munaychakunkichik. Wañuchispaykichikmi sutinkutapas chinkachinkichik kay pachapi manaña pipas yuyanankama. Manam pipas qamkunawan peleaspaqa vencesunkichikchu, aswanqa qamkunam chinkachinkichik.

Josué 10:35

Hina chay punchawllapim llapallan chaypi yachaqkunata espadawan wañurachirqaku, Laquis llaqtapa runankunata hina.

Josué 10:37

Yaykuruspankum Hebrón llaqtapa runankunata reynintawan kuskata lliwta espadawan wañurachispanku llaqtatapas pasaypaqta purmarachirqaku, Eglón llaqtata ruwasqankuta hina.

Josué 10:39

Yaykuruspankum Debir llaqtapa runankunata reynintawan kuskata lliwta espadawan wañurachirqaku, imaynam Hebronpa, Libnapa, Debirpa runankunata chaynataq reyninkunatapas wañuchisqanta hina.

Josué 11:16

Josueymi chay allpata, orqokunata, llapallan Neguev lawta, Gosén law allpakunata, pampakunata, Jordán mayupa qechwankunata, Israelpa orqonkunata hinaspa qechwankunatapas hapikuykurqa.

Josué 12:8

Chay allpapim tarikurqa orqokuna, moqokuna, Jordán mayupa patanpi qechwakuna, waqtakuna, chunniqkuna chaynataq Neguev law allpakunapas. Chaykunapim heteokuna, amorreokuna, cananeokuna, ferezeokuna, heveokuna hinaspa jebuseokuna yacharqaku.

Josué 18:21

Benjamín aylluman tupaq llaqtakunam karqa: Jericó, Bet-hogla, Casis wayqo,

Josué 6:17

Tayta Diospa ñakasqan kasqanraykum kay llaqtaqa tukuy ima kaqninkunawan kuska chinkachisqa kanqa. Rahabllañam wasinpi kaqkunapiwan kawsanqa, wateqanankupaq kachamusqanchikkunata pakaykusqanrayku.

Josué 8:2

Imaynam Jericó llaqtawan reyninta ruwasqaykita hinam Hai llaqtatapas chaynataq reynintapas ruwanki. Kunanmi ichaqa tukuy imankunatapas chaynataq animalninkutapas apakamunkichik. Chaynaqa, yaykunaykichikpaqyá, llaqtapa qepa lawninpi runakunata pakasqallapi churay, nispa.

Josué 8:27

Israelpa mirayninkunaqa, Josueynintakama Tayta Diospa kamachisqanman hinam, Hai llaqtapa animalninkunatapas chaynataq tukuy ima kapuqninkunatapas apakurqaku.

Josué 9:24

Chaymi Josueyta nirqaku: Yupaychasqayki Tayta Dios tukuy kay allpata qamkunaman qosunaykichikpaq hinaspa kay allpapi llapallan yachaqkunata wañuchinanpaq serviqnin Moisesman kamachisqanta yacharusqaykuraykum, wañuchiwanaykikumanta manchakuspa chaynataqa ruwarqaniku.