Josué 10:33 - CHUYA QELLQA La Biblia en Quechua de Ayacucho 2012

³³ Gezer llaqtapa reynin Horammi Laquis llaqtata yanapananpaq rirqa. Aswanqa Josueymi paytawan tropankunata, mana chullallapas puchunankama lliwta wañurachirqa.

Quechua Ayacucho Bible 1987

³³ Gezer llaqtapi Horam sutiyoq reymi rirqa Laquis llaqtata yanapananpaq. Aswanqa Josueymi paytawan chaynataq tropankunata wañurachirqa mana chullatapas puchuspa.

Chuya Qellqa 1992

³³ Gezer llaqtapa reynin Horammi Laquis llaqtata yanapananpaq rirqa. Aswanqa Josueymi paytawan tropankunata, mana chullallapas puchunankama lliwta wañurachirqa.

Josué 10:33 Iomraidhean Croise

2~Samuel 5:25

Davidmi Tayta Diospa kamachisqanman hina ruwaspa, Gabaón llaqtamanta Gezer llaqtapa hichpankama Filistea tropakunata vencerurqa.

1~Crónicas 20:4

Chaykunapa qepantam Filistea tropakunawan Gezer llaqtapi David pelearqa. Chaypim Husa llaqtayuq Sibecai wañurachirqa hatunkaray runakunapa miraynin Sipaita; chaynapim filisteokunapi Israelpa mirayninkuna munaychakururqaku.

1~Crónicas 6:67

Efraín law orqokunapi tarikuq amparakuna Siquem llaqtatapas echaderontintam paykunaman qorqaku. Qorqakutaqmi Gezer,

Josué 10:32

Laquis llaqtatapas Tayta Diosmi paykunaman qoykurqa. Chaymi paqarinnintin punchaw lliwta wañurachirqaku, Libna llaqtapa runankunata hina.

Josué 10:34

Laquismantam Josueyqa llapa tropankunawan Eglón llaqtaman rispa, chay llaqtapa muyuriqninpi churakuruspa atacarurqaku.

Josué 12:12

Eglonpa reynin, Gezerpa reynin,

Josué 16:10

Ichaqa manam Gezer llaqtapi yachaq cananeokunata qarqorqakuchu, chayraykum cananeokunaqa Efraín ayllukunawan kuska kunankamapas yachachkanku, Efraín ayllukunata mana imallapaq servispanku.

Josué 16:3

Chaymantam intipa seqaykunan lawman rispan Jaflet castakunapa allpanman uraykurqa, chay-mantam uray lawpi kaq Bet-horón llaqtanta rispan Gezer llaqtanta Mediterráneo lamar qochakama chayarqa.

Josué 21:21

Paykunamanmi Efraín ayllupa orqonkunapi Siquem llaqtata qorqaku, Siquemqa karqa amparakuna llaqtam. Qorqakutaqmi Gezer,

Jueces 1:29

Efraín ayllupas manam Gezer llaqtapi yachaq cananeokuna qarqoyta atirqachu, chaymi cananeokunaqa paykunawan kuska Gezer llaqtapi yacharqaku.