Josué 10:13 - CHUYA QELLQA La Biblia en Quechua de Ayacucho 2012

¹³ Hinaptinmi intipas killapas sayarurqa llapa enemigonkuta Israelpa mirayninkuna vengakunankukama. Chaykunaqa Jaserpa libronpi qellqasqam kachkan. Intim chawpi punchawpi sayaruspan huk punchawpuni mana seqaykurqachu.

Quechua Ayacucho Bible 1987

¹³ Intipas sayarurqam enemigonkunamanta vengakunankama. Killapas sayarurqam Israel runakuna vengakunankama. Chayna sucedekusqanmi qellqasqa kachkan Jeserpa libronpi: Intim chawpi punchawpi sayaruspan huk punchawpuni mana seqaykurqachu.

Chuya Qellqa 1992

¹³ Hinaptinmi intipas killapas sayarurqa llapa enemigonkuta Israelpa mirayninkuna vengakunankukama. Chaykunaqa Jaserpa libronpi qellqasqam kachkan. Intim chawpi punchawpi sayaruspan huk punchawpuni mana seqaykurqachu.

Josué 10:13 Iomraidhean Croise

2~Samuel 1:18

Judapa mirayninkunaman yachachinanpaqmi “flechana arcowan” sutiyuq kay aya takita kamachikurqa. Kay aya takiqa Jazerpa libronpi qellqasqam kachkan.

2~Reyes 20:10

Chaymi Ezequías nirqa: Facilqa kanman intipa llantuynin chunka gradosta ñawparuyninmi, qepaman chunka gradosta kutiyninmi ichaqa sasa, nispa.

Ester 8:13

Llapa runakuna yachanankupaqmi sapa provinciapi chay decretopa copian cheqechisqa karqa, chayman hina llapa judiokuna listolla kaspa enemigonkumanta vengakunankupaq.

Jobwan Sutichasqa Libro 9:7

Dios kamachiptinqa intipas manam lloqsimunchu, pay munaptinqa chaskakunapas manam kanchamunchu.

Isaías 24:23

Tukuy Atiyniyuq Tayta Dios, Sión moqopiwan Jerusalenpi munaychakuptinmi, killapas penqakunqaraq, intipas tutayanqaraq; Diospa kanchariynintam ancianonkuna rikunqaku.

Isaías 38:8

Intipa llantuynintam qepaman chunka gradasta Acazpa gradasninpi kutichisaq, nispa. Nisqanpi hinam intipa llantuynin chunka gradasta kutirurqa.

Joel 2:10

Paykunapa ñawpaqninpiqa kay pachapas katkatatanraqmi, cielokunapas kuyupakunraqmi, intipas killapas tutayarunraqmi, chaskakunapa kanchayninpas antayanraqmi.

Joel 2:31

Manchakuypaq hatun punchawniy manaraq chayamuchkaptinmi, intipas tutayanqa, killapas yawaryanqa.

Joel 3:15

Intipas killapas tutayarunqam, chaskakunapa kanchayninpas chinkarunqam.

Habacuc 3:11

Intiwan killapas, flechaykikunapa achkiriyninwanmi, lanzaykipa kanchariyninwanmi, maymi kasqanpi sayarunku.

Números 21:14

Chayraykum “Tayta Diospa Guerrankuna” nispa sutichasqa libropi nichkan: “Sufá llaqtapi Vaheb lawnintam pasarqaniku, wayqonkunatawan Arnón mayupa patantam rirqaniku.

Números 31:2

Israelpa mirayninkunata kama-chiy madianitakunamanta vengakunan-kupaq, chaymantañam wañukunki, nispa.

Mateo 24:29

Chay ñakariy punchawkuna pasaruptillanmi inti tutayarunqa, killapas manam kanchanqañachu, chaskakunapas wichimunqam, cielokunapi tukuy ima kaqkunapas katkatatanqam.

Mateo 5:45

Chaynapim hanaq pachapi kaq Taytaykichikpa churinkuna kankichik, payqa intitapas allin ruwaq runapaqwan mana allin runapaqmi qespichimun, paratapas lliwpaqmi chayachimun.

Lucas 18:7

Chaynaqa, ¿manachum Tayta Diospas tuta punchaw qayakuqnin churinkunata nanachikunman? ¿Yaqachu suyachikunman?

Hechos 2:20

Manaraq Señorpa suma-sumaq punchawnin chayamuchkaptinqa intipas tutayanqam, killapas yawaryanqam.

Josué 10:11

Israelpa mirayninkunamanta amorreokuna Bet-horonpa uraynin waqtata ayqechkaptinkum Tayta Diosñataq cielomanta runtu parata hatun rumikunata hina chayachimurqa Azeca llaqtakama. Chay runtu parawan wañuchisqakunam aswan achka karqaku Israelpa mirayninkunapa espadanwan wañuqkunamantaqa.

Josué 10:14

Manam chayna punchawqa karqachu ñawpaqtapas nitaq qepatapas. Chay punchawllapim Tayta Dios kasurqa runapa chayna mañakusqanta. Chaynatam Tayta Dios ruwarqa Israelpa mirayninkupa favorninpi peleaspan.

Apocalipsis 21:23

Chay llaqtaqa manam necesitanchu intipa nitaq killapa kanchaynintapas, aswanqa Diospa kanchayllanmi achkin, Corderollataqmi kanchayninpas.

Apocalipsis 6:10

Paykunam qaparispa nirqaku: Tukuy Atiyniyuq Dios, qamqa Chuyam kanki, rimasqaykikunapas cheqapmi, ¿haykapikamataq wañuchiwaqniykuta mana juzgankichu hinaspa kay pachapi yachaqkunata mana vengakunkichu? nispanku.

Apocalipsis 6:12

Soqta kaq sellota Cordero kichaykuptinmi hatun terremoto karqa. Intim yanayarurqa yana pachaman rikchakunankama, killapas pukayarurqam yawar hina kanankama.

Apocalipsis 8:12

Trompetanta tawa kaq ángel tocaykuptinñataqmi intipa, killapa hinaspa chaskakunapa kimsa kaq parten tutayarurqa, hinaptinmi chaykunapa kimsa kaq parten tutayaruptin, punchawpa hinaspa tutapa kimsa kaq partenpi manaña achkirqañachu.

Jueces 16:28

Hinaptinmi Tayta Diosta mañakuspan Sansón nirqa: Dios Taytalláy, kunanllañayá yuyariykullaway. Diosnilláy kallpanchaykullaway ñawiykunamanta filisteokunata vengakurunaypaq, nispa.

Jueces 5:2

Israelpa kamachiqninkuna ñawpaqman churakusqankumantayá, guerraman rinankupaq kikillankumanta ofrecekuq runakunamantayá, ¡Tayta Diosman graciasta qoychik!