Josué 1:8 - CHUYA QELLQA La Biblia en Quechua de Ayacucho 2012

⁸ Kay libropi kamachikuykunatam rimanki, hinaspam tuta punchaw yuyay-mananki, waqaychaspayki kay libropa nisqanman hina ruwaspa kasukunaykipaq. Hinaspaqa imatapas allintam ruwanki, ima ruwasqaykipas allinmi lloqsinqa.

Quechua Ayacucho Bible 1987

⁸ Kay libropi yachachikuyman hinallam rimanki, kayman hinallataqmi tuta-punchawpas yuyaymananki chaynapi kay libropi qellqasqanman hina ruranaykipaq hinaspa kasukunaykipaq. Hinaptinqa tukuy rurasqaykipas allinmi kanqa.

Chuya Qellqa 1992

⁸ Kay libropi kamachikuykunatam rimanki, hinaspam tuta punchaw yuyaymananki, waqaychaspayki kay libropa nisqanman hina ruwaspa kasukunaykipaq. Hinaspaqa imatapas allintam ruwanki, ima ruwasqaykipas allinmi lloqsinqa.

Josué 1:8 Iomraidhean Croise

Génesis 24:63

Hinaspam Isaacqa tardeykuqta puririkuq lloqsispam camellokuna hamuchkaqta rikururqa.

2~Crónicas 26:5

Zacarías kawsanankamaqa Tayta Diostam allinta maskarqa, Zacariasmi Tayta Dios respetayta yachachirqa. Tayta Diosta maskasqanraykum anchata bendecirqa.

Proverbios 3:1

Churilláy, yachachikuyniykunata ama qonqaychu, kamachikuyniykunata sonqoykipi waqaychay,

Isaías 59:21

Tayta Diosmi nin: “Qamkunawanmi pactota ruwani. Espirituymi qamkunamanta mana rakikunqachu, simikiman churasqay palabraykunam qamkunamanta nitaq miraynikikunamantapas wiña-wiñaypaq mana chinkanqachu”. Ñoqa Tayta Diosmi chaynata nini.

Mateo 12:35

Allin ruwaq runaqa, allin kaqkunata sonqonpi waqaychasqanman hinam allinllata riman, mana allin runañataqmi sonqonpi mana allin kaqkuna waqaychasqanman hina riman.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Mateo 7:21

Manam “¡Señorlláy, Señorlláy!” nispa lliw niwaqniykunachu Diospa munay-chakuyninmanqa yaykunqa, aswan-qa hanaq pachapi kaq Taytaypa munasqanta ruwaqkunallam.

Mateo 7:24

Pipas nisqaykunata uyarispan ruwayman churaqqa, taqrapa hawanpi wasichakuq allin yachayniyuq runamanmi rikchakun.

Lucas 11:28

Chaymi Jesusñataq nirqa: Aswan kusisqaqa Diospa palabranta uyarispa kasukuqkunam, nispa.

Juan 13:17

Kaykunata entienderuspa ruwaspaykichikqa kusisqam kankichik.

Juan 14:21

Kamachikuyniykunata yachaspa kasukuq runaqa kuyawanmi, Taytaypas kuyanqam chayna kuyaqniytaqa. Ñoqapas kuyaspaymi reqsichikusaq paywan.

Efesios 4:29

Rimaspaykichikqa amayá qacha simichu kaychik, aswanqa allin kaq-kunallatayá rimaychik, chaynapi uya-riqnikichikkunapa allinninpaq kap-tin iñiyninkupi aswan-aswan wiñanan-kupaq.

Deuteronomio 29:8

Paykunata qarqoruspam allpankutapas Rubén aylluman, Gad aylluman chaynataq Manasespa wakin ayllunman herencianku kananpaq qoykurqanchik.

Deuteronomio 29:9

Chaynaqa, kay pactopa nisqantayá ruwayman churaychik, chaynapi tukuy ima ruwasqaykichikpas allin kananpaq.

Deuteronomio 30:14

kay kamachikuykunaqa hichpallaykichikpiña, simillaykichikpiña chaynataq sonqollaykichikpiñam kachkan.

Deuteronomio 31:24

Chay yachachikuykunata Moisés qellqayta tukuruspanmi,

Deuteronomio 5:1

Israelpa llapallan mirayninkunata huñuruspanmi Moisés nirqa: Israelpa mirayninkuna, yachachisqay kamachikuykunatawan yachachikuykunatayá uyariychik. Chaykunata sumaqta yachaspaykichikyá ruwayman churaychik.

Deuteronomio 5:29

Amalaya chayna sonqoyuqlla kanmanku, kasuwaspanku llapallan kamachikuyniykunata sapa punchaw ruwayman churanankupaq, chaynapi paykunapas chaynataq mirayninkupas allin kanankupaq.

Deuteronomio 5:32

Chaynaqa, Señornikichik Tayta Diospa tukuy kamachisusqaykichikta ama pantaspa kasukuychik.

Colosenses 3:16

Cristopa yachachikuyninkunayá sonqoykichikpi llimparichun. Allin yachaywanyá sapakama yachachinakuspa kallpanchanakuychik. Tukuy sonqoykichikwanyá Diosman graciasta qostin takiychik, himnokunata hinaspa Espiritumanta kaq takikunata.

Josué 1:7

Kallpanchakuspaykiyá qarinchakuy, chaynapi serviqniy Moisespa kamachisusqayki yachachikuykunaman hina ruwanaykipaq. Amam chaymantaqa ichoqmanpas nitaq alleqmanpas rakikunkichu, chaynapi tukuy ima ruwasqaykipas allin lloqsinanpaq.

Josué 8:34

Chaypa qepantam Josué leerqa Diospa kamachikuyninkunata chaynataq bendicionkunatawan ñakaykunatapas; imaynam kamachikuy libropi qellqasqa kasqanman hina.

Apocalipsis 22:14

Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sacha-pa rurunta mikunqaku.