Josué 1:7 - CHUYA QELLQA La Biblia en Quechua de Ayacucho 2012

⁷ Kallpanchakuspaykiyá qarinchakuy, chaynapi serviqniy Moisespa kamachisusqayki yachachikuykunaman hina ruwanaykipaq. Amam chaymantaqa ichoqmanpas nitaq alleqmanpas rakikunkichu, chaynapi tukuy ima ruwasqaykipas allin lloqsinanpaq.

Quechua Ayacucho Bible 1987

⁷ Aswanqa kallpanchakuspaykiyá qarinchakuy chaynapi serviqniy Moisespa kamachisusqayki yachachikuyniykunata kasukunaykipaq. Yachachikuyniytayá ama pantaspa kasukuy chaynapi tukuy kawsaynikipi allin kanaykipaq.

Chuya Qellqa 1992

⁷ Kallpanchakuspaykiyá qarinchakuy, chaynapi serviqniy Moisespa kamachisusqayki yachachikuykunaman hina ruwanaykipaq. Amam chaymanta ichoqmanpas nitaq alleqmanpas rakikunkichu, chaynapi tukuy ima ruwasqaykipas allin lloqsinanpaq.

Josué 1:7 Iomraidhean Croise

1~Reyes 2:2

Ñoqaqa wañukusaqñam chaynaqa kallpanchakuspayá qarinchakuy.

1~Reyes 2:3

Tayta Diospa munasqanman hina kawsaspayá yachachikuyninkunata, kamachikuyninkunata, decretonkunata hinaspa estatutokunata kasukuy, imaynam Moisespa qellqasqan libropi kasqanman hina. Chaynata kawsaspaqa mayman risqaykipas ima ruwasqaykipas allinmi lloqsinqa.

2~Reyes 22:2

Josiasqa Tayta Diospa qayllanpim allinkunata ruwaspan mana ichoqmanpas nitaq alleqmanpas muyuspa ñawpaq taytan David hina kawsarqa.

1~Crónicas 22:13

Sichum Israelpa mirayninkunaman Moisesnintakama Tayta Diospa qosqan kamachikuykunata, decretonkunata kasukunki, hinaptinqa ima ruwasqaykipas allinmi lloqsinqa. Chaynaqa, kallpanchakuspayá qarinchakuy, ama manchakuychu nitaq hukmanyaychu.

2~Crónicas 15:7

Aswanqa kallpanchakuspayá ama hukmanyaychikchu, llamkasqaykichikmantaqa pagoykichiktam chaskinkichik, nispa.

2~Crónicas 26:5

Zacarías kawsanankamaqa Tayta Diostam allinta maskarqa, Zacariasmi Tayta Dios respetayta yachachirqa. Tayta Diosta maskasqanraykum anchata bendecirqa.

Jobwan Sutichasqa Libro 1:8

Chaymi Tayta Dios tapurqa: ¿Yaqachum rikumurqanki serviqniy Jobta? Payqa mana huchallikuqmi, allin kaqkuna ruwaqmi, ñoqatapas kasuwanmi, mana allin ruwaykunamantapas sapaqchakuqmi, pay hinaqa manam pipas kay pachapiqa kanchu, nispa.

Proverbios 4:27

Alleqmanpas nitaq ichoqmanpas ama sapaqchakuychu. Mana allin ñanmantayá chakikita asuchiy.

Proverbios 8:20

Allin ñannintam ñoqaqa pusani, allin kawsaynintam ñoqaqa purichini.

Daniel 10:19

hinaspanmi niwarqa: Diospa kuyasqan Daniel, ama manchakuychu nitaq hukmanyaychu, astawan kallpanchakuy, nispa. Chaynata niwachkaptinmi kallpanchakuruspay payta nirqani: Taytalláy, rimapayawayña ñam kallpanchaykuwankiña, nispa.

Números 27:23

Paypa umanman Moisés makinkunata churaspanmi imam ruwanankunata nirqa imaynam Tayta Diospa kamachisqanman hina.

Deuteronomio 11:8

Kunan willasqay llapallan kamachikuykunata kasukuychik, chaynapi kallpanchakuspa qosusqaykichik allpaman yaykunaykichikpaq,

Deuteronomio 12:32

Chaynaqa, tukuy kamachisqaykunatam mana yapaspa nitaq qechuspa kasukunkichik.

Deuteronomio 28:14

Chayna kanaykichikpaqqa kunan kamachisqaykunamantayá ama karunchakunkichikchu, amataq huk dioskunatapas yupaychankichikchu.

Deuteronomio 29:8

Paykunata qarqoruspam allpankutapas Rubén aylluman, Gad aylluman chaynataq Manasespa wakin ayllunman herencianku kananpaq qoykurqanchik.

Deuteronomio 29:9

Chaynaqa, kay pactopa nisqantayá ruwayman churaychik, chaynapi tukuy ima ruwasqaykichikpas allin kananpaq.

Deuteronomio 31:7

Chaymantam Josueyta qayaspan Israelpa llapallan mirayninkunapa qay-llanpi Moisés nirqa: Kallpanchakuspa qarinchakuy, qanmi kay runakunata ñawpaq taytankuman Tayta Diospa jurasqan allpaman pusanki, hinaspam paykunaman qonki.

Deuteronomio 4:2

Kay kamachikuykunamanqa amam imatapas yapankichikchu nitaqmi qechunkichikpaschu. Señornikichik Tayta Diospa kamachikuyninkunatam kasukunkichik, chaykunataqa ñoqam kamachikichik.

Deuteronomio 5:32

Chaynaqa, Señornikichik Tayta Diospa tukuy kamachisusqaykichikta ama pantaspa kasukuychik.

Josué 1:1

Tayta Diospa serviqnin Moisés wañukuptinmi, Moisespa yanapaqnin Nunpa churin Josueyta Tayta Dios nirqa:

Josué 1:8

Kay libropi kamachikuykunatam rimanki, hinaspam tuta punchaw yuyay-mananki, waqaychaspayki kay libropa nisqanman hina ruwaspa kasukunaykipaq. Hinaspaqa imatapas allintam ruwanki, ima ruwasqaykipas allinmi lloqsinqa.

Josué 1:9

Ñoqam kamachiki kallpanchakunaykipaq chaynataq qarinchakunaykipaq. Amayá manchakuychu nitaq hukmanyaychu, ñoqa Señorniki Tayta Diosmi mayta riptikipas qanwan kasaq, nispa.

Josué 11:15

Tayta Diospa kamachisqanta hinam Moisespas Josueyman kamachirqa. Josueyñataqmi mana imatapas qonqaykuspa ruwayman churarqa, imaynam Moisesman Tayta Diospa kamachisqanman hina.

Josué 23:6

Moisespa qellqasqan libropi yacha-chikuykunata kasukuypi kallpancha-kuychik ama ichoqmanpas nitaq alleq-manpas rakikuspa;