Jonás 4:9 - CHUYA QELLQA La Biblia en Quechua de Ayacucho 2012

⁹ Tayta Diosñataqmi nirqa: ¿Higuerilla planta chakirusqanmantachu llumpayta piñakurunki? nispa. Jonasñataqmi nirqa: ¡Arí, razonmantam rabiawanpas wañu-ruyman! nispa.

Quechua Ayacucho Bible 1987

⁹ Diosñataqmi nirqa: —¿Allintachum rurachkanki higuerilla plantamanta llumpayllataña piñakuruspaykiqa? —nispa. Hinaptinmi Jonasñataq nirqa: —Arí, ñoqaqa allintam rurachkani. Ñoqaqa rabiamantam wañuruchkaniña —nispa.

Chuya Qellqa 1992

⁹ Tayta Diosñataqmi nirqa: ¿Higuerilla planta chakirusqanmantachu llumpayta piñakurunki? nispa. Jonasñataqmi nirqa: ¡Arí, razonmantam rabiawanpas wañuruyman! nispa.

Jonás 4:9 Iomraidhean Croise

1~Reyes 21:4

Hinaptinmi rey Acabqa llakisqa hinas-pa piñasqa palacionman kutikurqa, Jezreel llaqtayuq Nabotpa “ñawpaq taytaykunapa qowasqan herencia allpataqa manam qoykimanchu” nisqanwan. Palacionman chayaruspanmi camanman wischukuykurqa, hinaspam perqa lawman muyuriruspan mikuytapas mana munarqachu.

Jobwan Sutichasqa Libro 18:4

¿Qam piñapakuspa llikipakuptikichu kay pacha chunnirunqa, otaq qaqakunapas maymi kasqanmanta suchurunqa?

Jobwan Sutichasqa Libro 36:18

Chaynaqa, cuidakuyá, yanqañataq qori-qollqeta chaskikuruspa rantirachikuwaq, yanqañataq regalokunata chaskikuruspa pantayman wichiykuwaq.

Jobwan Sutichasqa Libro 5:2

Cheqaptapunipas mana yachayniyuqtaqa piñakuyninmi wañuchin, hukpa kapuqninta munapayaq runataqa envidiakuyllanmi wañuchin.

Jonás 4:1

Jonastam ichaqa Diospa imam ruwasqan mana gustarqachu, chaymi pay anchata piñakururqa.

Jonás 4:10

Hinaptinmi Tayta Dios nirqa: Qamqa mana plantasqayki, mana wiñachisqayki higuerilla plantamantam llakikurunki. Chay plantaqa huk tutallapi wiñaramuspam huk tutallapitaq chinkarunpas.

Jonás 4:8

Inti lloqsiramuptinmi, intipa qespimunan lawmanta rupaq wayrata Dios hatarirachimuptin, Jonaspa umanta inti rupaptin wañunayarqa; chaymi wañuyta munaspan nirqa: Kawsanaymantaqa amalaya wañu-ruymanña, nispa.

Mateo 26:38

Chaymi paykunata nirqa: Sonqoymi ancha llakisqa kachkan wañukunaypaq hinaña, kaypi qepaspayá rikchaysiwaychik, nispa.

2~Corintios 7:10

Diospa munasqanman hina llakikuyqa huchanchikmanta wanakuymanmi apawanchik, chaynapi salvasqa kanan-chikpaq, chaynaqa manam ñakakunanchikchu. Runakunapa munasqanman hina llakikuymi ichaqa wañuyta apamun.

Apocalipsis 9:6

Chay punchawkunapim runakuna wañuyta maskanqa, ichaqa manam tarinqakuchu, wañuyta munaptinkupas wañuymi paykunamanta ayqekunqa.

Jueces 16:16

Dalilam sapa punchaw chayllataña tapupayaspan Sansonta piñachirqa, chayraykum wañukuytaña munaspan