Jonás 4:8 - CHUYA QELLQA La Biblia en Quechua de Ayacucho 2012

⁸ Inti lloqsiramuptinmi, intipa qespimunan lawmanta rupaq wayrata Dios hatarirachimuptin, Jonaspa umanta inti rupaptin wañunayarqa; chaymi wañuyta munaspan nirqa: Kawsanaymantaqa amalaya wañu-ruymanña, nispa.

Quechua Ayacucho Bible 1987

⁸ Inti qespiramuptinmi chunniq lawmanta rupaq wayrata Dios rikurirachimurqa chaymi Jonaspa umanta rupaptin yuyayninpas chinkaruchkarqaña, wañukuyllataña munaspam kaynata nirqa: —Wañukuyniyñam allinqa kanman kawsanaymantaqa —nispa.

Chuya Qellqa 1992

⁸ Inti lloqsiramuptinmi, intipa qespimunan lawmanta rupaq wayrata Dios hatarirachimuptin, Jonaspa umanta inti rupaptin wañunayarqa; chaymi wañuyta munaspan nirqa: Kawsanaymantaqa amalaya wañuruymanña, nispa.

Jonás 4:8 Iomraidhean Croise

Génesis 41:6

Chaynataqmi qanchis pusillanña espigakunapas sumaqllaña espigakunapa qepanta rupaq wayrapa chakichisqan lloqsimuchkasqa.

1~Reyes 19:4

Payñataqmi chunniqninta huk punchaw puriyta pasakurqa, chaypim retama sachapa sikinpi tiyaykuspan wañuyta munaspan nirqa: Dios Taytalláy, kaykamallañayá kawsasaq, wañurachiwayña, manam ñawpaq taytaykunamanta aswan allinninchu kani, nispa.

1~Reyes 21:4

Hinaptinmi rey Acabqa llakisqa hinas-pa piñasqa palacionman kutikurqa, Jezreel llaqtayuq Nabotpa “ñawpaq taytaykunapa qowasqan herencia allpataqa manam qoykimanchu” nisqanwan. Palacionman chayaruspanmi camanman wischukuykurqa, hinaspam perqa lawman muyuriruspan mikuytapas mana munarqachu.

Jobwan Sutichasqa Libro 2:10

Hinaptinmi Job nirqa: ¡Mana yuyayniyuq warmikuna hinam rimarunki! Allin kaqkunata Diosmanta chaskichkaspaqa, ¿manachum mana allin kaqkunataqa chaskichwan karqa? nispa. Tukuy chaykuna rimasqanwanpas Jobqa manam huchallikurqachu.

Jobwan Sutichasqa Libro 7:15

Ñoqapaqqa allinqa kanman teqoruwaynikim, kawsanaymantaqa wañuymi aswan allinqa.

Eclesiastés 7:9

Amayá chayllaqa piñakuruychu, chaylla piñakuruyqa mana yachayniyuqkunapa ruwayninmi.

Cantares 1:6

Amayá yanacha kasqaytachu qawaychikqa, nitaq intipa yanayarachisqan aychaytachu. Turiykunam ñoqapaq piñakuruspanku uvas chakrata cuidachiwarqaku, chaynapim kikiypa uvas huertaytaqa mana waqaycharqanichu.

Isaías 49:10

Manam yarqachikunqakuchu, nitaqmi yakunayachikunqakuchu, intipa rupayninpas manam ñakarichinqachu; kuyapayaspaymi paykunata pusasaq, pukyumanta lloqsiq yakupa kasqanmanmi pusasaq.

Ezequiel 19:12

Ichaqa piñakuywan chutaruspankum pampaman wischuykurqaku. Intipa qespimunan lawmanta hamuq wayra chakirachiptinmi rurunkunapas wichirurqa, kallmankunapas chakiruptinmi ninamanña wischuykurqaku.

Oseas 13:15

Efraín llaqta musoqmanta hatariptinpas intipa qespimunan lawmantam viento hamunqa, chunniqmantam Diospa wayran hamunqa, yakupa kasqan pukyukunam chakinqa, qori-qollqenkunatapas enemigonkunam apakunqa.

Levítico 10:3

Hinaptinmi Tayta Diospa imam nisqanta Aaronman Moisés kaynata nirqa: Pipas asuykamuwaqniymanqa chuya kasqaytam qawachisaq, llapallan runakunapa qayllanpitaqmi yupaychasqa kasaq, nispa. Chaymi Aaronqa upallalla karqa.

Jonás 1:17

Ichaqa Tayta Diosmi hatu-hatun challwata alistarurqa Jonasta millpurunanpaq; chaynapim Jonasqa kimsa punchaw kimsa tuta challwapa wiksanpi karqa.

Jonás 1:4

Ichaqa Tayta Diosmi lamar qochapi llumpa-llumpay wayrata hatarirachirqa, lamar qochapi wayra-para llumpayta hatariruptinmi barcopas pakikurunanpaq hinaña tarikurqa.

Jonás 4:3

Chaynaqa, Dios Taytalláy, ama hina kaspa wañurachiwayña, ñoqapaqqa wañukuymi aswan allinqa kanman kawsanaymantaqa, nispa.

Jonás 4:9

Tayta Diosñataqmi nirqa: ¿Higuerilla planta chakirusqanmantachu llumpayta piñakurunki? nispa. Jonasñataqmi nirqa: ¡Arí, razonmantam rabiawanpas wañu-ruyman! nispa.

Mateo 20:12

“Kay qepa yaykumuqkunaqa huk horallatañam llamkarqaku, ñoqaykum ichaqa rupaypipas qallariyninmantapacha tukuylla punchaw llamkarqaniku, ichaqa paykunamanpas ñoqaykuman hinallataqmi pagaykunki”, nispanku.

Apocalipsis 3:19

Ñoqaqa haykam kuyasqaykunataqa qaqchaspaymi castigani. Chaynaqa, tukuy sonqoykiwanyá huchaykikunamanta wanakuy.

Apocalipsis 7:16

Paykunaqa manañam yar-qaymantapas, yakumantapas kanqakuñachu, nitaqmi intipas nitaq ima rupaypas rupanqañachu.

1~Samuel 3:18

Hinaptinmi Samuelqa Tayta Diospa imam nisqanta lliwta willarqa. Eliyña-taqmi nirqa: ¡Payqa Diosmi! ¡Imam munasqanman hina ruwachun! nispa.