Jonás 1:6 - CHUYA QELLQA La Biblia en Quechua de Ayacucho 2012

⁶ Chaymi barcopa capitannin asuykuspan Jonasta nirqa: ¿Imanasqataq qamqa puñukuchkanki? ¡Hatarispayki Diosnikita qayakuy! Ichapas llakipayariwaptinchik mana chinkaruchwanchu, nispa.

Quechua Ayacucho Bible 1987

⁶ Chaymi buquepi llamkaqkunapa kamachiqnin asuykuspan Jonasta nirqa: —¿Imanasqataq qamqa puñukuchkanki? ¡Hatarispaykiyá diosnikita mañakuy! Icharaqpas ñoqanchikmanta tanteariptin mana wañuruchwanchu —nispa.

Chuya Qellqa 1992

⁶ Chaymi barcopa capitannin asuykuspan Jonasta nirqa: ¿Imanasqataq qamqa puñukuchkanki? ¡Hatarispayki Diosnikita qayakuy! Ichapas llakipayariwaptinchik mana chinkaruchwanchu, nispa.

Jonás 1:6 Iomraidhean Croise

2~Samuel 12:22

Davidñataqmi nirqa: Wawa kawsachkaptinraq ayunaspayqa waqarqani: “Icharaqpas Dios llakipayariwaspan wawata kawsachinmanraq” nispaymi.

Ester 4:16

Susa llaqtapi judío runakunatayá ñoqapaq ayunanankupaq huñuramuy, kimsa punchaw kimsa tutam ama mikunkichikchu nitaq tomankichikchu. Ñoqapas serviqniy sipaskunapiwanmi ayunasaq, chaymantañam reypa qayllanman yaykusaq, leyman hina mana yaykuna kachkaptinpas, wañunay otaq kawsanay kaptinpas, nispa.

Isaías 3:15

Tukuy Atiyniyuq Tayta Diosmi kaynata nin: ¿Imata munaspataq llaqtayta ñakarichinkichik, hinaspa wakchakunatañataq usuchinkichik? nispa.

Ezequiel 18:2

Israel runakuna, qamkunam sapa kutilla kaynata rimankichik: “Tayta-mamanku puchqo uvasta mikuruptinmi wawa-churinkupa kirun utuyarun” nispaykichik. ¿Imanasqataq chaynata rimankichik?

Joel 2:11

Tropankunapa ñawpaqninpim Tayta Diosqa rayo hinaraq qaparin, tropankunaqa mana yupay atinam, paypa kamachisqanta ruwanankupaq atiyniyuqmi; ¡mayna manchakuypaqmi Tayta Diospa punchawninqa! ¿Pitaq chay punchawta aguantayta atinman?

Amós 5:15

Mana allin kaqta cheqnispayá allin kaqta kuyaychik, juzgaspapas cheqap kaqwanyá juzgaychik; chaynapiqa ichapas Tukuy Atiyniyuq Tayta Dios Joseypa mirayninmanta puchuqkunata llakipayarinmanraq.

Jonás 3:8

Aswanqa lutokuspa animalkunawan kuska tukuy sonqoykichikmanta Tayta Diosta mañakuychik hinaspa mana allin kawsaynikichikmanta sapakama wanakuychik, wanakuychiktaq mana allinkuna ruwaynikichikmantapas.

Jonás 3:9

Diosqa icharaqpas llakipayariwaspanchik piñakuyninta sapaqchaykuptin mana puchukaruchwanchu, nispa.

Hechos 21:13

Pabloñataqmi nirqa: ¿Imanasqataq waqaspaykichik llaki-chiwankichik? Manam watasqa kanallaypaqchu kachkani, ñoqaqa chayllam kachkani Señor Jesucristorayku Jeru-salenpi wañunaypaqpas, nispa.

Romanos 13:11

Kaywanqa yachanchikmi ima tiempopim kawsasqanchikta, ñam rikcharinaykichik horaña. Cristoman iñisqanchik punchawmantam ña hichpamuchkanña salvaykuwananchikpaq punchaw.

Efesios 5:14

Chayraykum ninku: “¡Yaw puñuq, puñusqaykimanta rikchariy! Wañusqakunamanta kawsarimuy, hinaptinqa Cristom achkiykusunki”, nispanku.