Jonás 1:4 - CHUYA QELLQA La Biblia en Quechua de Ayacucho 2012

⁴ Ichaqa Tayta Diosmi lamar qochapi llumpa-llumpay wayrata hatarirachirqa, lamar qochapi wayra-para llumpayta hatariruptinmi barcopas pakikurunanpaq hinaña tarikurqa.

Quechua Ayacucho Bible 1987

⁴ Ichaqa Tayta Diosmi lamar qochapi hatarirachirqa llumpa-llumpay wayrata. Lamar qochapi llumpa-llumpay wayra-para hatariruptinmi buquepas pakipakurunanpaqña kachkarqa.

Chuya Qellqa 1992

⁴ Ichaqa Tayta Diosmi lamar qochapi llumpa-llumpay wayrata hatarirachirqa, lamar qochapi wayra-para llumpayta hatariruptinmi barcopas pakikurunanpaq hinaña tarikurqa.

Jonás 1:4 Iomraidhean Croise

Éxodo 10:13

Hinaptinmi Egipto allpapa hawanman tawnanta Moisés haywarirqa, chaymi Tayta Diosñataq tutantin punchawnintin intipa qespimunan lawmanta Egipto nacionman wayrata pukuchimurqa. Chaymi paqarinnintin punchawpaq intipa qespimunan lawmanta aqaruwaykunata wayra aparamurqa.

Éxodo 10:19

Hinaptinmi Tayta Diosqa intipa seqaykunan lawmanta sinchi wayrata pukurachimuspan aqaruwayta Puka lamar qochaman wischuykurqa, manam chulla aqaruwaypas Egipto nacionpiqa puchurqachu.

Éxodo 14:21

Moisesmi lamar qochapa hawanman makinta haywarirqa, hinaptinmi tukuy tuta intipa qespimunan lawmanta Tayta Dios sinchi wayrawan lamar qochata iskayman rakinarurqa, hinaptinmi chaki allpa rikurirurqa.

Éxodo 15:10

Wayrata pukuykachiptikim lamar qocha paykunata pamparurqa, manchakuypaq yakupim titi hina tiyarurqaku.

Jeremías 51:16

Rimariptinmi cielopi yakukunapas sinchillataña qaparimun, kay pachapa patankunamantam puyukunata hatarichimun, paymi paramunanpaq llipyachimun, maymi waqaychasqanmantam wayrakunatapas hurqomun.

Amós 4:13

Kayqaya: Orqokunata unanchaqqa, wayrakunata hatarichiqqa, imam munasqanta runakunaman reqsichiqqa, tutayayta achkiyman tikraqqa, kay pachapa hawankunapi puriqqa. Payqa Tukuy Atiyniyuq Tayta Diosmi.

Números 11:31

Tayta Diosmi lamar qocha lawmanta wayrachimuspa codornizkunata aparachimurqa, chay animalkunam campamentopa muyuriqnin pampapi tiyarurqaku, hinaspam mastarikururqaku campamentomanta yaqa huk punchaw puriykama yaqa huk metro raktayuqta.