Jonás 1:3 - CHUYA QELLQA La Biblia en Quechua de Ayacucho 2012

³ Jonasñataqmi mana kasukuspan Tayta Diosmanta lluptispan Tarsis lawman ayqekurqa, hinaspanmi Jope llaqtaman chayaruspan, Tarsis lawman lloqsiq barcota tariykuspan, pasajentapas pagaykuspa Tayta Diosmanta ayqekurqa.

Quechua Ayacucho Bible 1987

³ Ichaqa Jonasmi Tayta Diosta mana kasukuspan Tarsis lawman ayqekunanpaq Jope llaqtaman pasakurqa. Tarsis lawman lloqsiq buqueta chaypi tariruspanmi payqa pagaykuspan viajaqkunapa kasqan buqueman yaykurqa Tayta Diosmanta ayqekunapaq.

Chuya Qellqa 1992

³ Jonasñataqmi mana kasukuspan Tayta Diosmanta lluptispan Tarsis lawman ayqekurqa, hinaspanmi Jope llaqtaman chayaruspan, Tarsis lawman lloqsiq barcota tariykuspan, pasajentapas pagaykuspa Tayta Diosmanta ayqekurqa.

Jonás 1:3 Iomraidhean Croise

Génesis 3:8

Tardeykuyta wayrariykamuptinmi Tayta Diospa purisqanta huertapi uyarirurqaku, chaymi Adanwan Evaqa Diosmanta pakakururqaku huertapi sachakunapa ukunpi.

Génesis 4:16

Cainmi Tayta Diospa qayllanmanta lloqsispan Nod allpapi yacharqa, Nodqa tarikurqa Edenpa inti qespimunan lawninpim.

1~Reyes 19:3

Chaymi Eliasqa llumpayta mancharikuspan wañurachinankumanta Judá lawpi Beerseba llaqtaman ayqekurqa, chay llaqtapim criadonta saqerurqa.

1~Reyes 19:9

Chayaruspanmi huk machaypi chay tuta samarurqa. Chaymi Tayta Dios rimapayaspan, nirqa: Yaw Elías, ¿imatataq kaypi ruwachkanki? nispa.

2~Crónicas 2:15

Chaynaqa reynilláy, kunanyá nisqaykiman hina, trigota, cebadata, aceiteta hinaspa vinota kay serviqnikikunaman apachimuwayku.

2~Crónicas 2:16

Ñoqaykuñataqmi mañakusqaykiman hina Líbano montemanta qerukunata kuchumusaqku, hinaspam Jope llaqtakama lamar qochanta balsakunapi aparamuptiyku Jerusalén llaqtaman apachinki, nispa

2~Crónicas 9:21

Rey Salomonpa barconkunam rey Hirampa serviqninkunawan Tarsis lawman rispanku sapa kimsa watamanta qorita, qollqeta, marfilta, monokunata hinaspa pavo realkunata apamuqku.

Esdras 3:7

Hinaptinmi albañilkunamanwan carpinterokunaman qollqeta qorqaku; Sidón hinaspa Tiro llaqtayuqkunamanpas mikuyta, vinota hinaspa aceitetam qorqaku, chaynapi Líbano montemantaraq lamar qochanta Jope llaqtakama cedro qerukunata apamunankupaq. Chaytaqa ruwarqaku Persia nacionpa reynin Ciropa kamachikusqanman hinam.

Jobwan Sutichasqa Libro 1:12

Chaymi Satanasta Tayta Dios, nirqa: Allinmi, munasqaykitayá llapa kapuqninkunawan ruwamuy. Jobtam ichaqa ama llapchayllapas llapchaykunkichu, nispa. Chaymantam Satanasqa Tayta Diospa qayllanmanta lloqsirqa.

Jobwan Sutichasqa Libro 2:7

Tayta Diospa qayllanmanta lloqsiruspanmi Satanasqa Jobpa aychanta isuwan llumpa-llumpayta tukurachirqa chaki pampanmanta uma puyukninkama.

Isaías 2:16

Tarsis lawpi barcokuna hinaña kaptinkupas, sumaq kuyayllapaq barcokuna hinaña kaptinkupas.

Isaías 23:1

Tiro llaqtapa contranpim Isaías kaynata nirqa: Tarsispa barconkunapi llamkaqkuna waqaychik, Tiro llaqtam pasaypaq tuñichisqa kachkan, mayman yaykunapaqpas manañam wasipas kanñachu, Chipre lawmanta hamuqkunam chaynata willakunku.

Isaías 23:10

Tarsis lawpi runakuna, chakrapiña llamkaychik, barcokuna sayachinanku llaqtaqa manañam kanñachu.

Isaías 23:6

Lamar qochapa patanpi yachaqkuna qapariychik, Tarsis lawman ripukuychik.

Isaías 60:9

Lamar qochapa patanpi nacionkunam ñoqapi hapipakuspa hamuchkanku, Tarsis lawmanta barcokunam ñawpamuchkanku, miraynikikunata karumanta apamuspam hamuchkanku, qori-qollqenkutawan kuskatam apamuchkanku. Ñoqa Tayta Diosta yupaychaqmi hamuchkanku, reqsisqataña ruwasuqniki Israelpa Chuya Diosninraykum hamuchkanku.

Jeremías 10:9

Paykunapa idolonkuqa Tarsis lawmanta apamusqanku qollqellam, Ufaz lawmanta apamusqanku qorillam; chaykunaqa runapa ruwasqallanmi, metalta chulluchiqkunapa ruwasqallanmi. Morado telawan pachachisqam kachkanku, grosella telawan ustuykachisqam kachkanku. Yachaqkunapa ruwasqallanmi lliwpas kachkanku.

Ezequiel 2:8

Chaynaqa, runapa churin, imam nisqaytayá uyariy. Amayá chay runakuna hina mana kasukuqqa kaychu. Simikita kichariy hinaspa imam qosqayta mikuy, nispa.

Ezequiel 27:12

Llumpay qori-qollqeyuq kasqaykiraykum Tarsispi runakunapas qanwan negociota ruwarqaku, qampa kaqkunata rantisuspaykim qollqewan, hierrowan, estañowan hinaspa titiwan pagasuq kanki.

Ezequiel 3:14

Ñoqatañataqmi Diospa Espiritun hoqariruwaspan huklawman aparuwarqa. Chaymi ñoqaqa llakisqallaña hinaspa piñasqallaña rirqani, Tayta Diospa makinñataqmi allinniqta hapiwarqa.

Jonás 1:10

Tayta Diosmanta Jonás ayqesqanta yachaykuspankum paykuna llumpayta mancharikurqaku, hinaspam nirqaku: ¿Imanasqataq kayta ruwarunki? nis-panku.

Jonás 4:2

Chayraykum Tayta Diosta mañakuspan nirqa: Dios Taytalláy, kayna kanantaqa llaqtaypi kachkaspallayraqmi nirqaniña. Chayraykum manaraq kaykuna pasakuchkaptin Tarsis lawman ayqekuchkarqani. Ñoqaqa yachanim llakipayakuq hinaspa kuyapayakuq Dios kasqaykita. Qamqa mana chaylla piñakuruq kaspaykim hatun kuyapayakuynikipi ima castigo ruwanaykitapas manaña ruwankichu.

Lucas 9:62

Hinaptinmi Jesusñataq nirqa: Takllawan yapuchkaspa qepata qawariq runaqa manam Diospa munaychakuyninpaq hinachu, nispan.

Hechos 15:38

Pablopaqmi ichaqa mana allinpaq hinachu karqa, punta illayninkupi Panfilia lawmanta kutikuspa paykunawan mana-ña risqanrayku.

Hechos 26:19

Chaynapim reynilláy Agripa, Diospa visionpi nimuwasqanta uyarispay kasukurqani,

Hechos 9:36

Jope llaqtapim yacharqa Jesucristopi iñikuq Tabita sutiyuq warmi, paypa sutinmi griego rimaypi karqa Dorcas. Paymi allinkunata ruwaspan wakchakunata yanapaq.

Hechos 9:38

Lida llaqtaqa Jope llaqtamanta hichpallam karqa, chaymi iñiqkuna chaypi Pedro kasqanta yacharuspanku iskay runakunawan qayachimurqaku: Kunanpuni Jope llaqtaman hamuy, nispanku.

Hechos 9:42

Chaytam Jope llaqtapi llapa runakuna yacharurqaku, hinaspam Señorman achkallaña iñikurqaku.

Hechos 9:43

Pedroqa achka punchawmi chay llaqtapi, suela ruwaq Simonpa wasinpi qeparqa.

1~Corintios 9:16

Cristomanta allin noticia willakuyniyqa manam alabakunaypaqchu, aswanqa willakunaypunim. ¡Ay, imay-naraq kayman allin noticiata mana willakuspayqa!

2~Tesalonicenses 1:9

Paykunaqa wiñaypaq castigasqa kaspankum Señorpa qayllanmanta hinaspa suma-sumaq atiyninmanta qarqosqa kanqaku.

Josué 19:46

Mejarcón hinaspa Racón. Paykunapataqmi karqa Jope llaqtapa hichpanpi kaq allpakunapas.