Joel 3:5 - CHUYA QELLQA La Biblia en Quechua de Ayacucho 2012

⁵ Qam-kunaqa qori-qollqeytapas, munay-llapaqña sumaq kapuqniykunatapas suwaruwaspaykichikmi temployki-chikman apakurqankichik.

Quechua Ayacucho Bible 1987

⁵ Qamkunaqariki qori-qollqeytapas suwaruwarqankichikmi, munayllapaqña sumaq kapuwaqniykunatapas temploykichikmanmi apaykururqankichik.

Chuya Qellqa 1992

⁵ Qamkunaqa qori-qollqeytapas, munayllapaqña sumaq kapuqniykunatapas suwaruwaspaykichikmi temploykichikman apakurqankichik.

Joel 3:5 Iomraidhean Croise

2~Reyes 12:18

Chaymi Judá nacionpa reynin Joasqa kikinpa sapaqchasqan ofrendakunata, ñawpaq taytankunapa otaq Judá nacionpa reynin Josafatpa, Jorampa, Ocoziaspa sapaqchasqan ofrendata chaynataq templopi hinaspa reypa palacionpi churasqanku qoritapas Siria nacionpa reynin Hazaelman qoykurqa, chaymi Hazaelqa Jerusalén llaqtata manaña atacaspan kutikurqa.

2~Reyes 16:8

Chaynapim Acazqa Tayta Diospa templonmanta hinaspa reypa wasinmanta qorita, qollqeta hurqoramuspan Asiria nacionpa reyninman regalota apachirqa.

2~Reyes 24:13

Nabucodonosormi hurqorurqa, Tayta Diospa templonmanta chaynataq rey Joaquinpa palacionmanta, qorimanta qollqemanta kaqkunata. Pakiparurqataqmi Tayta Diospa nisqanman hina, Tayta Diospa templonpaq Israel nacionpa reynin Salomonpa ruwachisqan qorimanta serviciokunatapas.

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Jeremías 23:7

Chayraykum Tayta Dios kaynata nin: Chayamunqam punchaw, “Israelpa mirayninkunata Egipto nacionmanta hurqomuq kawsaq Tayta Diosraykum jurani” nispa manaña juranankupaq.

Jeremías 50:28

Babiloniamanta lluptiqkunapa qayakuyninmi uyarikun, Tayta Diospa vengakusqantam Sión llaqtapi willakuchkanku, templon tuñichisqankumanta vengakusqantam willakuchkanku.

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Ezequiel 37:12

Chaynaqa, runapa churin, ñoqa Tayta Diospa nisqayta kaynata niy: Runallaykuna, sepulturaykichikta kichaykuspaymi qamkunataqa kikiypuni hurqomusqaykichik, hinaspam allpaykichikman kutichimusqaykichik.

Daniel 11:38

Ichaqa murallasqa llaqtakunata waqaychaq diostam yupaychanqa, chay diostaqa ñawpaq taytankunapas manam reqsirqachu. Chay diostam qori-qollqewan, sumaq alhaja rumikunawan hinaspa ancha valorniyuq kaqkunawan yupaychanqa.

Abdías 1:17

Sión moqopim ichaqa asllapas salvakunqaraq Sionqa ñoqapaq sapaqchasqam kanqa. Jacobpa mirayninkunapas yapamantam kapuqninkunata kutichikunqaku.