Joel 3:4 - CHUYA QELLQA La Biblia en Quechua de Ayacucho 2012

⁴ ¿Tiro llaqta, Sidón llaqta, filisteo-kuna, imatataq qamkuna ñoqaman-ta munankichik? ¿Ñoqamanta vengakuruytachu munankichik? Chayna kaptinqa merecesqaykichiktam apu-rawman pagaykapusqaykichik.

Quechua Ayacucho Bible 1987

⁴ —Chaynaqa Tiro llaqtapi *f**yachaqkuna, Sidon llaqtapi yachaqkuna hinaspa Filistea runakuna ¿imatataq qamkunaqa ñoqawan munankichik? ¿Imapas merecesqay qoykuwaytachu munachkankichik? ¿Pagoy qoykuwaytachum qamkunaqa munachkankichik? Chayna kaptinqa merecesqaykichiktam apurawman pagaykapusqaykichik.

Chuya Qellqa 1992

⁴ ¿Tiro llaqta, Sidón llaqta, filisteokuna, imatataq qamkuna ñoqamanta munankichik? ¿Ñoqamanta vengakuruytachu munankichik? Chayna kaptinqa merecesqaykichiktam apurawman pagaykapusqaykichik.

Joel 3:4 Iomraidhean Croise

2~Crónicas 21:16

Tayta Diosmi filisteokunata, Siria lawpa hichpanpi yachaq Arabia runakunata, rey Jorampa contranpi hatarirachirqa.

Isaías 14:29

Filistea llaqtayuqkuna, maqasuqnikichikpa tawnan pakirusqanraykuqa amayá kusikuychikchu. Maqta urupa sapinmantaqa aswan kachukuq maqta ururaqmi lloqsimunqa, pawaq maqta ururaqmi lloqsimunqa.

Isaías 34:8

Tayta Diospa vengakunan punchawmi kanqa, Jerusalén llaqtapa kutiykachikunan watam kanqa.

Isaías 59:18

Sapakamamanmi ruwasqankuman hina pagapunqa, enemigonkunatam payqa ñakarichinqa. Cheqniqninkunamanmi payqa kutichipunqa, lamar qochapa patanpi kaqkunamanmi pagapunqa.

Jeremías 47:1

Gaza llaqtata Faraón manaraq munaychakuchkaptinmi, filisteokunapa contranpi profeta Jeremiasta Tayta Dios kaynata nirqa:

Jeremías 47:4

Filistea llaqtapa chinkanan tiempom chayaramun, Tiro llaqtata chaynataq Sidón llaqtata yanapaqkunapa puchukananku tiempom chayaramun. Filisteokunatawan Creta islapi puchuqkunatam Tayta Dios chinkachinqa.

Jeremías 51:6

¡Vidaykichikta salvanaykichikpaq Babiloniamanta lluptiychik! ¡Ama paykunapa huchanmanta wañuychikchu! ¡Ñoqa Tayta Diospa vengakunay punchawmi chayaramun! ¡Imam ruwasqankuman hinam pagapusaq!

Joel 2:10

Paykunapa ñawpaqninpiqa kay pachapas katkatatanraqmi, cielokunapas kuyupakunraqmi, intipas killapas tutayarunraqmi, chaskakunapa kanchayninpas antayanraqmi.

Joel 2:2

Chay punchawqa tutayaymi kanqa, tutayaypa yana puyupa pampaykusqanmi kanqa. Imaynam paqariypi achkiy urqukunapi mastarikun, chaynam huk kallpasapa llaqta achkallaña tropayuq hamuchkan, chayna tropakunaqa ñawpaqtapas manam karqachu, nitaqmi qepamanpas kanqachu.

Mateo 11:21

¡Ay, Corazín llaqta, imaynaraq kanki! ¡Ay, Betsaida llaqta, imaynaraq kanki! Sichum qamkuna ukupi ruwasqay milagrokunata Tiro llaqtapi hinaspa Sidón llaqtapi ruwaptiyqa, chayllachá qachqa pachawan churakuykuspa, uchpawan machqekuspa wanakurunmankuña karqa.

Mateo 11:22

Chayraykum juicio punchawpiqa Tiro llaqtamantapas chaynataq Sidón llaqtamantapas aswan castigasqa kankichik.

Lucas 10:13

¡Imaynaraq kanki Corazín llaqta! ¡Imaynaraq kanki Betsaida llaqta! Sichum Tiro hinaspa Sidón llaqtakunapi qamkunawan ruwasqay milagrokunata hina ruwayman karqa, hinaptinqa unayñachá qachqa pachawan churakuspanku chaynataq uchpa hawanpi tiyaykuspanku Diosman kutirikunmanku karqa.

Lucas 10:14

Chayraykum juicio punchawpiqa Tiropi chaynataq Sidonpi yachaqku-namantapas aswan castigasqa kankichik.

Lucas 18:7

Chaynaqa, ¿manachum Tayta Diospas tuta punchaw qayakuqnin churinkunata nanachikunman? ¿Yaqachu suyachikunman?

Hechos 9:4

Chaymi Sauloñataq pampaman wichiy-kuspan kayna niq rimayta uyarirqa: ¡Saulo, Saulo! ¿Imanasqataq qatikachawanki? niqta.

Deuteronomio 32:35

Mana allin ruwaqkunatam castigasaq, mana allin ruwasqankuman hinam pagapusaq. Wichinanku punchawmi chayamuchkanña, chinkachisqa kananku punchawmi hichpaykamuchkanña, purmachisqa kananku punchawmi utqaykamuchkanña”, nispa.

2~Tesalonicenses 1:6

Diosqa justom, haykam ñakarichisuqnikichiktaqa paymi ñakarichinqa,

Jueces 11:12

Chaymantam willakuqkunata Jefté kacharqa Amonpa mirayninkunapa reyninman kaynata nispa: ¿Imanarqaykitaq ñoqaqa nacionniypa contranpi hamunaykipaq? nispa.