Joel 3:10 - CHUYA QELLQA La Biblia en Quechua de Ayacucho 2012

¹⁰ Rejaykichiktapas espadamanña tikraychik, rutunaykichiktapas lanzamanña tikraychik, umpu runapas kallpayuqpaqña hapikuchun.

Quechua Ayacucho Bible 1987

¹⁰ Rejaykichiktapas espadamanñayá tikraychik. Rutunaykichiktapas lanzamanñayá tikraychik. Eqo runakunapas kallpayoqpaqñayá hapikuychik.

Chuya Qellqa 1992

¹⁰ Rejaykichiktapas espadamanña tikraychik, rutunaykichiktapas lanzamanña tikraychik, umpu runapas kallpayuqpaqña hapikuchun.

Joel 3:10 Iomraidhean Croise

2~Crónicas 25:8

Sichum paykunawan kuska peleaq riptikiqa, Diosmi enemigoykikunawan vencerachisunki. Diosqa atiyniyuqmi yanapasunaykipaq otaq tuñichisunaykipaqpas, nispa.

Isaías 2:4

Diosmi nacionkunata juzganqa, paymi llapa llaqtakunapa cheqninakuyninkuta allichanqa. Chaynapim espadankutapas rejakunamanña tikranqaku, lanzankutapas rutunakunamanñam tikranqaku. Manañam nacionpurapas wañuchinakunqakuñachu, guerrapaqpas manañam yachachinakunqakuñachu.

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Miqueas 4:3

Tayta Diosmi llapa llaqtakunata juzganqa, karupi kaq atiyniyuq nacionkunatapas derechonmanmi churanqa. Paykunañataqmi espadankutapas rejakunamanña tikranqaku, lanzankutapas rutunakunamanñam tikranqaku. Manañam nacionpura peleanqakuñachu, guerrapaqpas manañam mastaqa allichakunqakuñachu.

Zacarías 12:8

Chay punchawpim Jerusalenpi yachaqkunata Tayta Dios waqaychanqa; chay tiempopiqa manchati runapas rey David hinam allinnin qari-qari kanqa, rey Davidpa mirayninkunañataqmi Dios hinaraq kanqaku, ñawpaqninkuta riq Tayta Diospa angelnin hinaraqmi kanqaku.

Lucas 13:12

Payta Jesús rikuruspanmi qayaykuspa nirqa: Yaw warmi, onqoynikimantaqa sanoñam kanki, nispa.

Lucas 22:36

Hinaptinmi Jesusñataq nirqa: Kunanyá ichaqa qollqekichikpas chaynataq wayqaykichikpas kaptinqa apaychik. Espadaykichik mana kaptinqa capaykichikta rantikuspayá rantiychik.