Joel 3:1 - CHUYA QELLQA La Biblia en Quechua de Ayacucho 2012

¹ Tayta Diosmi kaynata nin: Chay punchawkunapim, Judá nacionpi yachaqkunatawan Jerusalén llaqtapi yachaqkunata preso risqankumanta kutichimusaq.

Quechua Ayacucho Bible 1987

¹ Ñoqa Tayta Diosmi nini kaynata: Chay punchawkuna chayaramuptinqa, chay tiempokuna chayaramuptinqa Juda castakunatam preso kasqanmanta kutichimusaq, Jerusalen llaqtapi *f**yachaqkunatam preso kasqanmanta kutichimusaq.

Chuya Qellqa 1992

¹ Tayta Diosmi kaynata nin: Chay punchawkunapim, Judá nacionpi yachaqkunatawan Jerusalén llaqtapi yachaqkunata preso risqankumanta kutichimusaq.

Joel 3:1 Iomraidhean Croise

Proverbios 1:23

Rimapayasqaykunata uyariychik, hinaptinqa espirituywan huntachispaymi imam piensasqaykunata reqsichisqaykichik.

Isaías 44:3

Ñoqam chakisqa allpakunaman yakuta chaqchumusaq, chaki allpakunapipas mayukunatam kallpachisaq. Miraynikikunamanmi Espirituyta chaqchurimusaq, qamkunamanta naceqkunatam bendicionniywan huntasaq.

Jeremías 16:15

Juraspaqa juranqaku: “Israelpa mirayninkunata norte law nacionkunamanta chaynataq qarqosqan wakin nacionkunamanta kutichimuq Tayta Diospa sutinpim jurani” nispañam. Ñoqam kutichimusqaykichik taytaykichikkunaman qosqay allpaman, nispa.

Jeremías 29:14

Ñoqa Tayta Diosmi nini: Qamkunaqa tariwankichikmi, llapallan nacionkunaman chaynataq tukuy hinastinman cheqechisqaymantam huñumusqaykichik, maymantam apasqa kasqaykichikmanmi kutichimusqaykichik, nispa.

Jeremías 30:18

Tayta Diosmi kaynata nin: Jacobpa mirayninkunatam preso risqankumanta kutichimusaq, maymi yachanankunamantam llakipayarikusaq, llaqtanpas maymi tuñisqanpim kaqmanta hatarichisqa kanqa, palaciopas maymi kasqanpim hatarichisqa kanqa.

Jeremías 30:3

Hamuchkanmi punchaw Israel llaqtaymantawan Judá llaqtaymanta preso apasqa kaqkunata kutichimunaypaq. Ñoqa Tayta Diosmi nini: Paykunatam ñawpaq taytankuman qosqay allpaman kutichimusaq chaypi yachanankupaq, nispa.

Ezequiel 16:53

Sodomatawan Samariatam wawan-tintakama preso apasqa kasqankumanta kutichimusaq, qamtapas preso risqaykimantam kutichimusqayki,

Ezequiel 39:25

Chayraykum ñoqa Tayta Dios kaynata nini: Jacobpa mirayninkunatam preso risqankumanta kutichimusaq, chuya sutiyraykum paykunataqa kuyapayarisaq, chaynapim sutiyta allinta qawachikusaq.

Daniel 12:1

Chay tiempopim, Israel llaqtaykita waqaychaq ángel Miguel hatarimunqa. Chay punchawkunaqa ñakariy tiempom kanqa nacionkunapa rikurisqanmantapas chayna ñakariyqa manam haykapipas karqachu; ichaqa chayna kachkaptinmi llaqtaykimanta kaqkuna salvasqa kanqaku, salvasqaqa kanqaku libropi qellqasqa kaqkunallam.

Joel 2:29

Criadaykichikmanwan criadoykichikmanpas chay punchawpim Espirituyta chaqchurimusaq.

Amós 9:14

Israel llaqtaytam preso risqanmanta kutichimusaq; pay-kunam tuñichisqa llaqtakunata hatarichispa chaypi yachanqaku. Uvasta tarpuspam vinotapas upyanqaku, chakrakunapi tarpuspam rurunta mikunqaku.

Números 11:29

Chaymi Moisés nirqa: ¿Imamantataq envidiakunki? Amalaya llapallan runankunaman Espiritunta Tayta Dios qoykunman, chaynapi llapallankuña profetizanankupaq, nispa.

Números 12:6

paykunata nirqa: Kay nisqayta uyariychik: Qamkuna ukupi profeta kaptinqa ñoqam payman visionpi rikurisaq, hinaspam mosqoyninpi rimapayasaq.

Deuteronomio 30:3

Señornikichik Tayta Diosmi preso kasqaykichikmanta kutichimusunkichik, hinaspam llakipayarisunkichik.