Joel 2:30 - CHUYA QELLQA La Biblia en Quechua de Ayacucho 2012

³⁰ Cielokunapipas, kay pachapipas admirakuypaq kaqkunatam ruwasaq; yawarta, ninata hinaspa suyullaña hoqarikuq qosnitam qawachisqaykichik.

Quechua Ayacucho Bible 1987

³⁰ Cielokunapipas admirakuypaq kaqkunatam rurasaq. Kay pachapipas admirakuypaq kaqkunatam rurasaq. Qawachisqaykichikmi yawartawan ninata hinaspa suyullaña hoqarikuq qosnita.

Chuya Qellqa 1992

³⁰ Cielokunapipas, kay pachapipas admirakuypaq kaqkunatam ruwasaq, yawarta, ninata hinaspa suyullaña hoqarikuq qosnitam qawachisqaykichik.

Joel 2:30 Iomraidhean Croise

Génesis 19:28

Chaymi Sodoma, Gomorra llaqtakuna lawta chaynataq tukuy qechwankunata qawariptin hornopa qosniynin hinaraq qosnirimuchkasqa.

Cantares 3:6

¿Pitaq wak, chunniqmanta qespimuchkan? Qosni hinaraq, mirrapa inciensopa asnayninwan, tukuy rikchaq olorkunawan perfumasqallaña.

Jeremías 4:28

Chaynapim kay pachapas llakipi tarikunqa, cielokunapas tutayanqa. Rimasqaymantaqa manam pesakusaqchu, ruwanaypaq tanteasqaymantaqa manam qepaman kutisaqchu.

Zacarías 14:6

Chay punchawpiqa achkiypas, qasapas, chiripas manam kanqañachu.

Mateo 24:29

Chay ñakariy punchawkuna pasaruptillanmi inti tutayarunqa, killapas manam kanchanqañachu, chaskakunapas wichimunqam, cielokunapi tukuy ima kaqkunapas katkatatanqam.

Lucas 21:11

Tukuy hinastinpim hatun terremotokuna, muchuykuna hinaspa onqoykuna kanqa. Cielopipas manchakuypaq hatun señalkunam kanqa.

Josué 8:20

Hai llaqtayuq runakunañataqmi qepankuta qawarispa rikururqaku llaqtankumanta cielokamaraq qosni hoqarikuchkaqta. Chaymi Israelpa tropankuna chunniqman lluptiq tukusqankumanta paykunaman kutiriykamusqanrayku manaña maylawmanpas lluptiyta atirqakuñachu.

Apocalipsis 18:18

Llaqtapa qosnisqanta qawaykuspankum qayaykachakurqaku: ¿Mayqan llaqtataq kay hatu-hatun llaqta hinaqa karqa? nispanku.

Apocalipsis 18:9

Kay pachapi paywan huchapakuspa kusikuq reykunapas hatu-hatunta llakikuspam paymanta waqanqaku, kañasqankupa qosniyninta qawaykuspankum waqanqaku.

Apocalipsis 8:7

Trompetanta punta kaq ángel tocaykuptinmi yawarwan chapusqa ninayuq runtu para kay pachaman chayamurqa, chaymi kay pachapa kimsa kaq partenta, sachakunapa hinaspa qewakunapa kimsa kaq partenta ruparurqa.

Jueces 20:38

Chay wateqaqkunawanmi Israel castakuna yachachinakurqaku, llaqtata yaykuruspankuqa sinchi qosnita ruwaspanku willakamunankupaq,

Jueces 20:40

Ichaqa llaqtamanta sinchi qosni lloqsimuyta qallaykuptinmi Benjamín castakuna qepankuta qawarispanku wichayman hoqarikuchkaq qosnita rikuramurqaku.