Joel 2:3 - CHUYA QELLQA La Biblia en Quechua de Ayacucho 2012

³ Paykunapa ñawpaqnintam tukuy imata nina ruparunqa, qepantañataqmi lenwachkaq nina tukuy imata tukurunqa; paykunapa ñawpaqninpim manaraq chayasqanku allpaqa Edén huerta hina kanqa, paykunapa qepanta puchuqmi ichaqa purmachisqa mana imapa kanan chunniqña kanqa; paykunamantaqa manam imapas lluptinqachu.

Quechua Ayacucho Bible 1987

³ Paykunapa ñawpaqninta riq ninam Tukuy imata ruparunqa. Paykunapa qepanta riq lenguachkaq ninam tukuy imata kañarunqa. Paykunapa ñawpaqninpi kaqkunaqa kanqa Eden huertapi kaqkuna hinam. Paykunapa qepanpi puchuqkunaqa kanqa purmachisqa chunniq hinam. Manam imapas puchunqachu paykunamantaqa.

Chuya Qellqa 1992

³ Paykunapa ñawpaqnintam tukuy imata nina ruparunqa, qepantañataqmi lenwachkaq nina tukuy imata tukurunqa; paykunapa ñawpaqninpim manaraq chayasqanku allpaqa Edén huerta hina kanqa, paykunapa qepanta puchuqmi ichaqa purmachisqa mana imapa kanan chunniqña kanqa; paykunamantaqa manam imapas lluptinqachu.

Joel 2:3 Iomraidhean Croise

Génesis 13:10

Hinaptinmi Lot qawarirqa Jordán mayupa qechwankunata Zoar llaqtakama yakuyuq kasqanta, Tayta Diospa huertan hinaraq kasqanta, Egipto allpamanraqmi rikchakurqa. Chaynaqa karqa Sodomatawan Gomorrata Tayta Dios manaraq purmarachichkaptinmi.

Génesis 2:8

Tayta Diosmi Edenpi, intipa qespimunan lawpi huk huertata ruwarqa, chaymanmi ruwasqan runata churarqa.

Éxodo 10:15

Pampapas manaña rikukunankamam lliw allpata taparurqa, hinaspam runtu paramanta puchuq plantakunata, kawsaykunata, sachakunata hinaspa frutakunatapas tukururqa. Egipto nacionpiqa verde sachakunawan qorakunapas manam puchurqachu.

Éxodo 10:5

Hinaptinmi allpata tapaykunqa pampapas mana rikukuy atinankama. Chaymi runtu paramanta puchuqta tukunqa, campopi iklliq sachakunatapas lliwtam tukunqa.

Isaías 14:17

¿Paychu kay pachata chunnichispan llaqtakunatapas tuñichirqa? ¿Paychu presokunatapas wasinkuman kutinanta mana munaq runa karqa? nispanku.

Isaías 15:6

Nimrim wayqopi yakupas chakirusqanraykum qorakunapas lliw chakirunña. Manaña ikllimunankamam pastopas chakirun.

Isaías 33:4

Suwakuspa llapa ima huñukusqankum suwasqa kanqa, nana-nanaq aqaruwaykuna hinaña enemigonkunam kallpamuspanku llapa kapuqninkuta qechurunqaku.

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Isaías 9:18

Mana allinqa, tukuy rikchaq kichkakunata qorakunata ratachkaq nina hinam, monte sachakunatapas ruparuptinmi chusñankunapas qosninpa chawpinta muyurispa-muyurisparaq wichayman hoqarikun.

Isaías 9:19

Tukuy Atiyniyuq Tayta Dios piñakusqanraykum lliw nacionkuna rupachkan, runakunañataqmi ninapaq yanta hina kachkan. Runakunaqa runamasinta mana kuyapayarikuqñam kachkanku.

Jeremías 5:17

Cosechaykikunatam mikuspa tukurunqaku, churikunatapas qarita warmitam mikurunqaku, ovejaykikunatawan vacaykikunatam mikukurunqaku, uvasnikikunatawan higosnikikunatam kuchuparunqaku. Hapipakunayki murallasqa llaqtaykikunatapas lliwmi tuñirachinqaku.

Ezequiel 36:35

Hinaptinmi ninqaku: “Kay purmas-qa chakraqa Edén lawpi huerta hina-raqmi rikurirun; tuñichisqa, purmachisqa hinaspa chunnichisqa llaqtakunapas kunanqa murallasqa hinaspa runakunapa yachasqan llaqtakunañam kachkan”, nispanku.

Amós 7:4

Kaytawanmi Tayta Dios qawachiwarqa: Ninawanmi llaqtata Tayta Dios castigarqa; hinaptinmi lamar qochata chay nina chakirachispan kay pachatapas partenta ruparurqa.

Habacuc 1:6

Caldea law mana llakipayakuq runakunatam hatarichimuchkani; kay pachapi tukuy hinastinman kallpaspa hukpa allpanta munaychakuq runakunatam pusamuchkani.

Zacarías 7:14

Aswanraqmi sinchi wayra hina mana reqsisqanku nacionkunaman cheqerachirqani, chaynapim nacionninkupas mana pipapas purinan chunniqmanña tikrakururqa. Sumaqllaña naciontam paykuna llakikuypaq chunniqman tikrarurqaku, nispa.