Joel 2:27 - CHUYA QELLQA La Biblia en Quechua de Ayacucho 2012

²⁷ Chaynapim yachankichik Israel nacionpa chawpinpi kasqayta, ñoqallam Diosnikichikqa kani, ñoqamanta hukqa manam pipas kanchu. Manañam haykapipas penqaypiqa kankichikñachu.

Quechua Ayacucho Bible 1987

²⁷ Chaynapim yachankichik Israel nacionpa chawpinpi kasqayta. Chaynapim yachankichik yupaychasqaykichik Tayta Dios kasqayta. Ñoqa hina Diosqa manapuni kasqantam qamkunaqa yachankichik. Runaykunaqa manañam haykapipas penqaypiñachu kankichik.

Chuya Qellqa 1992

²⁷ Chaynapim yachankichik Israel nacionpa chawpinpi kasqayta, ñoqallam Diosnikichikqa kani, ñoqamanta hukqa manam pipas kanchu. Manañam haykapipas penqaypiqa kankichikñachu.

Joel 2:27 Iomraidhean Croise

Proverbios 1:23

Rimapayasqaykunata uyariychik, hinaptinqa espirituywan huntachispaymi imam piensasqaykunata reqsichisqaykichik.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 44:3

Ñoqam chakisqa allpakunaman yakuta chaqchumusaq, chaki allpakunapipas mayukunatam kallpachisaq. Miraynikikunamanmi Espirituyta chaqchurimusaq, qamkunamanta naceqkunatam bendicionniywan huntasaq.

Isaías 44:8

Ama manchakuychikchu nitaq hukmanyaychikchu. ¿Manachu ñawpaqmantaraq yachayta qorqaykichik hinaspa willarqaykichik? Qamkunam testigoy kankichik. Ñoqallam Diosqa kani manam hukqa kanchu, Ñoqa hina hapipakunapaq sapaq diostaqa manam reqsinichu.

Isaías 45:18

Hanaq pacha unanchaqmi, kay pachata ruwaspa takyachiqmi, runakunata chaypi yachananpaq unanchaq Tayta Diosmi kaynata nin: Ñoqallam Diosqa kani, manam hukqa kanchu, nispa.

Isaías 45:5

Ñoqam Tayta Diosqa kani, ñoqamanta sapaq Diosqa manam kanchu. Mana reqsiwachkaptikipas ñoqam kallpanchasqayki.

Isaías 45:6

Chaynapi llapallanku kay allpa pachapi ñoqalla Dios kasqayta yachanankupaq, manam hukqa kanchu, ñoqallam Tayta Diosqa kani.

Isaías 46:9

Ñawpaq tiempopi imakunam pasakusqantayá yuyariychik. Ñoqallam Diosqa kani, ñoqamanta hukqa manam kanchu. Ñoqaqa Diosmi kani, ñoqaman rikchakuqqa manam pipas kanchu.

Isaías 49:23

Reykunam yachachisuqniki kanqa, reinakunam mamayki ranti uywasuqniki kanqa, ñawpaqnikipim kumukuykuspa qonqoranqaku, chakikipi allpatam llaqwanqaku. Chaynapim Tayta Dios kasqayta reqsiwanki, ñoqapi hapipakuspa suyaqkunaqa manam penqaypichu kanqaku, nispa.

Isaías 53:6

Ovejakuna hinam chinkarurqanchik, sapakamam munasqanchikman pasakurqanchik, ichaqa Tayta Diosmi huchanchikta payman qepiykachirqa.

Ezequiel 37:6

Ankuku-natam churasqaykichik, aychawanmi huntaykachisqaykichik, aycha qarawan qarachaykuspaymi kawsarinaykichikpaq kawsay samayta qosqaykichik, chaynapim Tayta Dios kasqayta yachankichik, nispa.

Ezequiel 39:22

Israelpa miraykunapas chay punchawmanta qepamanmi Tayta Dios kasqayta yachanqaku.

Ezequiel 39:28

Nacionkunaman presota apachisqaymanta mana chullatapas puchuykuspa allpankuman huñumuptiymi Tayta Dios kasqayta yachanqaku.

Ezequiel 39:29

Manañam paykunataqa haykapipas qepanchakusaqñachu, Espirituytam paykunaman chaqchurisaq. Ñoqa Tayta Diosmi chaynata nini.

Joel 2:26

Chaninpi saksanaykichikkama mikukuspam Tayta Diospa sutinta yupaychankichik; hatun kaqkunata qamkunapaq ruwaptinmi manaña penqaypiñachu kankichik.

Joel 3:17

Chaynapim yachankichik Dios Taytaykichik kasqayta, hinaspa sapaqchakusqay Sión moqopi yachasqayta. Jerusalenpas chuya llaqtam kanqa, manañam haykapipas huklaw llaqtayuq runakunaqa munaychakunqakuñachu.

Joel 3:21

Ñoqa Tayta Diosmi manaraq mayllasqaykunapa yawarninta mayllaykusaq, hinaspaymi Sión moqopi yachakusaq.

Sofonías 3:11

Kuyasqay llaqtalláy, chay punchawpiqa manañam penqakunkiñachu mana allinkunata ruwaspa contraypi hatarisqaykimantapas, pay tukuqkunatawan hatun tukuqkunata chawpikimanta chinkarachisqayrayku. Chaynapim sapaqchakusqay orqopiqa manaña haykapipas mastaqa contraypi hatarinkiñachu.

Sofonías 3:17

Tayta Diosmi chawpikipi tarikun, payqa Tukuy Atiyniyuqmi, salvaykusunkim. Señorqa anchatam qamrayku kusikunqa. Kuyakuyninwanmi musoq kawsayta qosunki, qamraykum kusikuspan takinqa”, nispanku.

Zacarías 2:9

Chayraykum chay nacionkunawan kikiy peleasaq, criadonkunallawanmi tukuy imankutapas qechurachisaq, nispa. Chaynapim yachankichik Tukuy Atiyniyuq Tayta Dios kachamuwasqanta.

Números 11:29

Chaymi Moisés nirqa: ¿Imamantataq envidiakunki? Amalaya llapallan runankunaman Espiritunta Tayta Dios qoykunman, chaynapi llapallankuña profetizanankupaq, nispa.

Números 23:21

Jacobpa mirayninkunataqa manam pipas huchayuqmi ninmanchu, Israel runakunataqa manam pipas mana allin ruwaqkunam ninmanchu. Tayta Diosmi paykunawan kachkan, reyninkuta hinam paykunapas hatunchanku.

2~Corintios 6:16

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

Deuteronomio 23:14

Señornikichik Tayta Diosmi campamentoykichikpi purichkan, waqaychasuspaykichik enemigoykichikta vencechisunaykichikpaq, chayraykum campamentoykichikqa chuyanchasqa kanan, mana chayqa Diosmi qamkuna ukupi ima qachatapas rikuspan qamkunamanta asurikunman.

1~Pedro 2:6

Chayraykum Qellqapas kaynata nin: “Ñoqam Sión moqopi cimientopaq churani kuyayllapaq suni takyaq akllasqa esquina rumita, pipas chay rumipi hapipakuqqa manam penqaypichu kanqa”, nispa.

Apocalipsis 21:3

Hinaptinmi hanaq pachamanta kayna hatun qapariyta uyarirqani: Kunanqa Diospa tiyanan trononqa kaypiñam runakunawan kachkan. Paymi runankunawan yachanqa, paykunaqa llaqtanmi kanqa, Diosñataqmi paykunapa Diosnin kanqa.