Joel 2:26 - CHUYA QELLQA La Biblia en Quechua de Ayacucho 2012

²⁶ Chaninpi saksanaykichikkama mikukuspam Tayta Diospa sutinta yupaychankichik; hatun kaqkunata qamkunapaq ruwaptinmi manaña penqaypiñachu kankichik.

Quechua Ayacucho Bible 1987

²⁶ Qamkunaqa saksanaykichikkamam mikuytapas mikukunkichik. Hinaspam yupaychasqaykichik ñoqa Tayta Diostaña alabawankichik. Ñoqaqariki admirakuypaq kaqkunatam rurapurqaykichik. Runaykunaqa manañam haykapipas penqaypiñachu kankichik.

Chuya Qellqa 1992

²⁶ Chaninpi saksanaykichikkama mikukuspam Tayta Diospa sutinta yupaychankichik; hatun kaqkunata qamkunapaq ruwaptinmi manaña penqaypiñachu kankichik.

Joel 2:26 Iomraidhean Croise

Génesis 33:11

Kay kuyakuyniy apamusqaytayá chaskiykuway, tukuy kaykunaqa Diospa qowasqanmi, nispa. Llumpayta hikutaptinmi Esaú chaskiykurqa,

Nehemías 9:25

Hapikuykurqakutaqmi murallasqa llaqtakunatapas, tukuy imapa qespinan allpakunatapas, tukuy imayuq wasikunatapas, toqosqa pozokunatapas, uvas chakrakunatapas, olivos sachakunatapas, tukuy rikchaq fruta sachakunatapas. Saksanankukama mikuspankum wirayarqaku, tukuy ima qosqaykitam mikuspa kusikurqaku.

Proverbios 13:25

Allin ruwaq runaqa saksanankamam mikun mana allin runam ichaqa manaña saksariq.

Cantares 5:1

Warma yanachalláy, huertaypiñam kachkani, mirraytawan miski asnaq qoraykunatam pallaruniña, abejaypa miskintam mikuruniña, vinoytawan lecheytapas tomaruniñam. Kuyasqallaykuna mikukuychik, munasqaykichiktayá tomakuychik.

Isaías 25:1

Dios Taytalláy, Diosniymi kanki; sutikita hatunchaspam yupaychayki, ñawpaqmanta admirakuypaq prometesqayki kaqkunatam ruwayman churarunki.

Isaías 29:22

Chayraykum Abrahamta libraq Tayta Diosqa Jacobpa mirayninta kaynata nin: Kunanmanta hamuq punchawkunapiqa Jacobpa mirayninkunaqa manañam penqakuypaqchu kanqaku, nitaqmi ayayasqa uyayuqchu kanqaku,

Isaías 45:17

Tayta Diosmi ichaqa Israel llaqtanta wiñaypaq salvanqa, manañam penqaypaqñachu kankichik, nitaqmi pipas usuchisunkichikñachu.

Isaías 49:23

Reykunam yachachisuqniki kanqa, reinakunam mamayki ranti uywasuqniki kanqa, ñawpaqnikipim kumukuykuspa qonqoranqaku, chakikipi allpatam llaqwanqaku. Chaynapim Tayta Dios kasqayta reqsiwanki, ñoqapi hapipakuspa suyaqkunaqa manam penqaypichu kanqaku, nispa.

Isaías 54:4

Ama manchakuychu, manam penqaypichu kanki, ama pinqakuychu manam kamisqachu kanki; warma kaspa penqaypi kasqaykitapas qonqankiñam, viuda kaspayki kamisqa kasqaykitapas manam yuyarinkiñachu.

Isaías 55:2

¿Imapaqtaq mana mikunaykichik kaqkunapi qollqekichikta tukunkichik? ¿Imapaqtaq mana saksanaykichik kaqkunapi llamkasqaykichikta usuchinkichik? Allinta uyariwaychik hinaspaqa allinnintam mikunkichik, miski mikuykunata mikuptikichikmi sonqoykichikpas kusikunqa.

Levítico 25:19

Allpaykichik ruruptinmi saksanaykichikkama mikunkichik, hinaspam chay allpapi hawkalla kawsakunkichik.

Levítico 26:26

Mikunaykichik kawsaykunata chinkarachiptiymi chunka warmikuna chulla hornollapi tantata ruwaspanku kama-kamallamanta qosunkichik, ichaqa manam saksankichikchu.

Levítico 26:5

Kawsaykuna cosechasqaykichikpas uvas pallaykamam haypanqa, uvas pallaynikichikñataqmi tarpuykama haypanqa, hinaptinmi saksanaykichikkama mikunkichik, allpaykichikpipas hawkallam yachakunkichik.

Miqueas 6:14

Mikuspapas manam saksankichu, aswanqa hinallam yarqaymanta ñakarinki, huñukusqaykitapas manam takyachinkichu, takyachisqaykitapas guerrapim ñoqa tukuchisaq.

Sofonías 3:11

Kuyasqay llaqtalláy, chay punchawpiqa manañam penqakunkiñachu mana allinkunata ruwaspa contraypi hatarisqaykimantapas, pay tukuqkunatawan hatun tukuqkunata chawpikimanta chinkarachisqayrayku. Chaynapim sapaqchakusqay orqopiqa manaña haykapipas mastaqa contraypi hatarinkiñachu.

Zacarías 9:15

Tukuy Atiyniyuq Tayta Diosmi llaqtanta waqaychanqa, paykunañataqmi enemigonkupa warakanan rumikunata sarupanqaku, hinaspam enemigonkuta mikurunqaku, yawarnintapas vinota hinaraqmi tomanqaku, yawarwan huntasqa plato hinaraqmi kanqaku, altarpi waqrakuna hinaraqmi kanqaku.

Zacarías 9:17

¡Mayna allinraq kanqa! ¡Mayna sumaqraq kanqa! Trigopas jovenkunatam kusichinqa, vinoñataqmi sipaskunata kusichinqa.

Romanos 10:11

Chuya Qellqapim kaynata nin: Pipas paypi iñiqqa manam penqaypichu kanqa, nispa.

Romanos 5:5

Diospi hapipakuyñataqmi paypi takyachiwanchik, Diosmi kuyakuyninta sonqonchikman huntaykuwarqanchik qowasqanchik Chuya Espirituntakama.

Romanos 9:33

Chuya Qellqapim kaynata nin: “Sión moqopim mitkana rumita churani, Sión moqopim urmachikuq hatun rumita churani, pipas paypi iñiqqa manam hukmanyanqachu”, nispa.

Deuteronomio 11:15

Animalnikichikpaqpas pastokunatam wiñachinqa, qamkunapaqpas mikuyqa manam pisinqachu.

Deuteronomio 12:12

Hinaspam Señornikichik Tayta Diospa qayllanpi churikichikkunawan, serviqnikichikkunawan, llaq-taykichikpi yachaq levitakunapiwan fiestata ruwankichik, levitakunaqa manam qamkuna hinachu chakrakunata chaskinqaku.

Deuteronomio 12:18

Chaykunataqa Señor-nikichik Tayta Diospa akllasqan sitiollapim mikunkichik. Paypa qayllanpim fiestata ruwankichik, hinaspam llamkasqaykichikpa rurunmanta kusikunkichik churikichikkunawan, serviqnikichikkunawan chaynataq llaqtaykichikpi yachaq levitakunawan kuska.

Deuteronomio 12:7

Hinaspam chay sitiopi Señornikichik Tayta Diospa qayllanpi mikunkichik, hinaspam llamkasqaykichikpa rurun kasqanrayku aylluykichikwan kuska kusikunkichik, chaykunawanmi Señornikichik Tayta Dios bendecisurqankichik.

Deuteronomio 8:10

Saksanaykichikkama mikuspam allin allpa qosusqaykichikmanta Señornikichik Tayta Diosta yupaychankichik.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.

1~Juan 2:28

Churillaykuna, kunanqa Jesucris-topiyá takyaychik chaynapi pay kutimuptin penqakuymanta ama ayqenanchikpaq.