Joel 2:23 - CHUYA QELLQA La Biblia en Quechua de Ayacucho 2012

²³ Sión moqopi yachaqkuna, Diosnikichikpi kusikuychik, payqa yapuy paratapas tiempollanpim qosunkichik, yapuy paratapas poqoy paratapas ñawpaqpi hinam tiempollanpi qosunkichik.

Quechua Ayacucho Bible 1987

²³ Sion Moqopi *f**yachaqkuna, qamkunapas kusikuychikyá, kusikuychikqa yupaychasqanchik Tayta Diospiyá. Payqariki puntamuq paratapas tiempollanpim qoykusunkichik. Puntamuq paratapas hinaspa qepamuq paratapas ñawpaq hinam qoykusunkichik.

Chuya Qellqa 1992

²³ Sión moqopi yachaqkuna, Diosnikichikpi kusikuychik, payqa yapuy paratapas tiempollanpim qosunkichik, yapuy paratapas poqoy paratapas ñawpaqpi hinam tiempollanpi qosunkichik.

Joel 2:23 Iomraidhean Croise

1~Reyes 8:36

qanmi hanaq pacha-manta uyariykamuspa, Israel llaqtaykipa huchankunata pampachanki, munasqaykiman hina kawsanankupaq yachachispaykim parata kacharimunki, runaykikunaman herencia qosqayki allpaman.

Jobwan Sutichasqa Libro 33:23

Sichum paypa ladonpi huk ángel kaspaqa, waranqa angelkunamanta hukllapas allinninpaq rimaspaqa, allin kawsakuq kasqanmanta rimaspaqa,

Jobwan Sutichasqa Libro 37:13

Diosmi parata chayachimun: Wakin kutipi llaqtakunata castigananpaq, wakin kutipi allpata parqonanpaq, wakin kutipiñataq kuyakuyninta qawachikunanpaq.

Proverbios 16:15

Reypa kusikuyninpiqa kawsaymi tarikun, paypa kuyakuyninqa poqoy para hinam.

Isaías 30:21

Hinaspapas rinrikichikwanmi uyarinki qepaykimanta kayna rimapayakuyta: Kaymi allin ñan, chayninta puriychik, amayá alleqmanpas nitaq ichoqmanpas muyuychikchu, niqta.

Isaías 30:23

Señormi parachimunqa tarpukuynikichikman, chaynapim kawsaynikichikpas allinta qespiptin chaninninpi mikunkichik. Animalnikichiktapas chay tiempopiqa hatu-hatun echaderokunapim michinqaku.

Isaías 41:16

Wayrachiptikim wayra apanqa, nisyu wayram lliwta cheqerachinqa. Qanmi ichaqa Tayta Diospi kusikunki, Israelpa Chuya Diosninraykum alabakunki.

Isaías 61:10

Isaiasmi kaynata nirqa: Tayta Diospim llumpayta kusikuni, Diosniypim sonqomanta kusikuni. Salvakunapaq pachawanmi pachaykachiwan, allin ruway capawanmi churaykachiwan, noviota hinam coronaykachiwan, alhajakunawan adornasqa noviata hinam adornaykuwan.

Jeremías 3:3

Chayraykum tarpuy parawan poqoy parapas manaña chayamurqachu. Penqakunayki kachkaptinpas, chuchumika hina mana penqakuqñam rikurirunki.

Jeremías 5:24

Qamkunaqa manam yuyaymanarqankichikchu: Yupaychasqanchik Tayta Diostayá kasukusun nispallapas, tarpuy parapas poqoy parapas chayachimuqtayá kasukusun nispallapas, tiempollanpi cosecha qowaqninchiktayá yuyarisun nispallapas.

Lamentaciones 4:2

Sión llaqtapi ancha kuyasqa runakunam qorimantapas aswan allinpaq hapisqa runakunam, allpa manka hinaña rikurirunku, runapa ruwasqan allpa manka hinañam rikurirunku.

Ezequiel 34:26

Akllakusqay orqopa muyuriqninpi paykunata churaykuspaymi bendeciykusaq, paratapas tiempollanpim chaya-chimusaq, chay paraqa hatun bendicionmi kanqa.

Oseas 6:3

Tayta Diosta reqsiypi kallpanchakusun, tutapay inti kancharimuq hinaraqmi payqa ñoqanchikman lloqsirimunqa. Yapuy parawan poqoy para hinraqmi ñoqanchikman chayaykamunqa, nispanku.

Levítico 26:4

ñoqam tiempollanpi parachimusaq, hinaptinmi chakraykichikpi kawsaynikichikpas qespinqa, fruta sachaykichikkunapas rurunqam.

Amós 4:7

Cosechapaq kimsa killaraq faltachkaptinmi paratapas mana parachimurqanichu. Huk llaqtapim parachirqani huk llaqtapiñataqmi mana, partentam para chayarqa, parapa mana chayasqanñataqmi chakirurqa.

Zacarías 10:1

Tayta Diosmanta poqoy parata mañakuychik, hinaptinqa yana puyukunata hatarichiq Diosmi sinchi parata qomususpaykichik allpaykichiktapas ruruchinqa.

Zacarías 10:7

Efrainpas allinnin qari-qari soldado hinam kanqa, vino upyaqpa hinam sonqonpas kusikunqa, wawa-churinkupas rikuspam kusikunqaku, sonqonpas Tayta Diospim kusikunqa.

Zacarías 9:13

Judatam guerrapaq arcota hina chutaruni, Efrainñataqmi flechankuna kanqa. Sión llaqta, qamtam espadata hina ruwasqayki, hinaspaymi wawaykikunata Grecia nacionpa contranpi hatarichisaq.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Hechos 14:17

Chaywanpas Diosqa runakunapaq allin kaqkunata ruwaspam pim kasqanta reqsichikurqa. Paymi parachimun, paytaqmi tarpuykunatapas allinta ruruchispa mikunanchikpaqpas chani-chaninta qowanchik, chaynapi kusisqa kawsananchikpaq, nispanku.

Deuteronomio 11:14

paymi tarpuy paratapas chaynataq poqoy paratapas tiempollanpi allpaykichikman parachimunqa, qamkunañataqmi kawsaykunata, vinota hinaspa aceiteta cosechankichik.

Deuteronomio 28:12

Kapuqninkunata kicharispanmi cielokunamanta allpaykichikman tiempollanpi parachimunqa, hinaspam tukuy ruwasqaykichikpi yanapasunkichik. Achka nacionkunamanmi prestankichik, qamkunam ichaqa mana pimantapas prestakunkichikchu.

Deuteronomio 32:2

Yachachikuyniyqa para hinam chayamunqa, rimasqayqa sulla hinam wichimunqa; lliwaman paramuchkaq hinam chayamunqa, pastoman paramuchkaq hinam wichimunqa.

Filipenses 3:1

Chaynaqa, wawqe-panillaykuna, Señorninchikpiyá kusikuychik. Ñoqapaqqa manam sasachu ñawpaq nimusqaykunata huktawan qellqa-muyniyqa.

Filipenses 3:3

Cheqap señalasqakunaqa ñoqanchikmi kanchik, Espiritunpa yanapasqanmi Diosninchikta yupaychanchik, hinaspam Jesucristopi iñispa salvasqa kasqanchikwan alabakunchik, aychapi señalachikuyman mana hapipakuspa.

Filipenses 4:4

Señorninchikwan huklla kaspayá tukuy tiempo kusikuychik, huktawanraqmi nikichik: Kusikuychikyá, nispa.