Joel 2:22 - CHUYA QELLQA La Biblia en Quechua de Ayacucho 2012

²² Purun animalkuna, ama manchakuychikchu, chunniqpi pastokunam ikllirimunqa, llapa sachakunam rurunqa, higoswan uvaspas anchallatañam rurunqa.

Quechua Ayacucho Bible 1987

²² Purun animalkuna, amayá manchakuychikchu. Chunniqpi pastokunaqa ikllirimuchkanñam. Llapa sachakunapas rururimuchkanñam. Higos sachakunawan uvas plantakunapas rururimuchkan sumaqllatañam.

Chuya Qellqa 1992

²² Purun animalkuna, ama manchakuychikchu, chunniqpi pastokunam ikllirimunqa, llapa sachakunam rurunqa, higoswan uvaspas anchallatañam rurunqa.

Joel 2:22 Iomraidhean Croise

Génesis 4:12

Chakrata llamkaptikipas manam rurupusunkichu. Mana imayuqmi kay pachapi pakan-pakanlla purinki, nispa.

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Ezequiel 36:30

Sachaykichiktapas llumpaytam ruruchisaq, chakraykichikpi cosechakunatapas allintam qespichisaq, chaynapim huklaw nacionniyuqkunapa qayllanpiqa manaña yarqaymantapas kankichikñachu.

Ezequiel 36:35

Hinaptinmi ninqaku: “Kay purmas-qa chakraqa Edén lawpi huerta hina-raqmi rikurirun; tuñichisqa, purmachisqa hinaspa chunnichisqa llaqtakunapas kunanqa murallasqa hinaspa runakunapa yachasqan llaqtakunañam kachkan”, nispanku.

Ezequiel 36:8

Israel nacionpi orqokuna, qamkunam ichaqa kallmasapallaña sachayuq kankichik. Qamkunaqa Israel runaykunapaqmi sumaqllataña rurunkichik, paykunapa kutimunanqa hichpamuchkanñam.

Jonás 4:11

Chaynaqa, ¿manachu Nínive hatu-hatun llaqtamanta, yaqa pachak iskay chunka waranqa masnin runakunamanta, allintapas mana allintapas mana sapaqchay yachaq-kunamanta chaynataq nana-nanaq animalkunamanta ñoqapas llakipayarikuyman? nispa.

Hageo 2:16

Manaraq kaykuna pasakuchkaptinqa, pipas iskay chunka costalta cosechasqanman rispam chunkallataña tarirqa; chaynallataqmi pichqa chunka puy-ñu vinota hurqonanpaq hamuqpas, iskay chunka puyñullataña hurqor-qa.

Zacarías 8:12

Aswanqa chawpinkupi hawkayay kaptinmi, uvaspas sumaqllataña rurunqa, allpapas achkanpim rurunqa, cielokunapas sullantam chayachimunqa. Tukuy chaykunatam munaychakunankupaq kay llaqtamanta puchuqkunaman qosaq.

1~Corintios 3:7

Chaynapiqa tarpuqpas, parqoqpas manam imachu, aswanqa Diosllam plantakunataqa wiñachin.