Joel 2:17 - CHUYA QELLQA La Biblia en Quechua de Ayacucho 2012

¹⁷ Templopa punkunmanta altarman rinapiyá Tayta Diospa sacerdotenkuna waqaspa kaynata mañakuchunku: ¡Dios Taytallayku, llaqtaykita pampachaykuy, amayá churikikunata penqayman kachaykuychu, amayá huk nacionkuna paykunapi munaychakuchunchu! ¿Imapaqtaq nacionkuna ninmanku: “Maypitaq Diosninku kachkan”, nispanku?

Quechua Ayacucho Bible 1987

¹⁷ Tayta Dios serviq sacerdotekunapas templomanta altarman riqpa chawpinpiyá waqachunku. Paykunaqa waqaspankum kaynata ninqaku: Dios Taytallayku, qamqa pampachaykullawaykuyá runallaykikunataqa. Asipayasqa kanankupaqqa amayá kachaykuychu qampa kaqkunataqa. Amayá watuchimanta hinachu paykunamantaqa rimakuchunku nacionkunapipas. ¿Imanasqataq nacionkunapiqa tapukunqaku: “¿Maypitaq kachkan Diosninkuqa?” nispapas?

Chuya Qellqa 1992

¹⁷ Templopa punkunmanta altarman rinapiyá Tayta Diospa sacerdotenkuna waqaspa kaynata mañakuchunku: ¡Dios Taytallayku, llaqtaykita pampachaykuy, amayá churikikunata penqayman kachaykuychu, amayá huk nacionkuna paykunapi munaychakuchunchu! ¿Imapaqtaq nacionkuna ninmanku: “Maypitaq Diosninku kachkan”, nispanku?

Joel 2:17 Iomraidhean Croise

1~Reyes 6:3

Templopa corredorninpa largonmi karqa isqon metro, templopa anchonwan igual; chay corredorpa anchonñataqmi karqa tawa metro parten.

1~Reyes 9:7

ñoqam Israel nacionta maymi qosqay allpamanta qarqorusaq. Kay ñoqapaq sapaqchasqay templotapas chinkarachisaqmi, hinaptinmi Israelpa mirayninkunamanta wakin runakunapas penqaspa burlakunqaku.

2~Crónicas 7:20

ñoqam qosqay allpamanta qarqorusqaykichik, akllakusqay templotapas chinkarachisaqmi, hinaptinmi llapa runakunapa penqaspa burlakunan kankichik.

2~Crónicas 8:12

Rey Salomonmi templopa ñawpaqnin patiopi Tayta Diospaq altar ruwachisqanpi lliw kañana sacrificiota Tayta Diosman ofreceq.

Nehemías 9:36

¡Diosnillayku, kunanyá qawarillawayku! Ñawpaq taytaykuman qosqayki nacionpim esclavo kachkaniku, rurunkunata mikunankupaq qosqayki allpapim esclavo kachkaniku.

Éxodo 34:9

hinaspam nirqa: Señorlláy, cheqaptapuni kuyawaspaykiqa ñoqaykuwanyá riy. Señorlláy, llaqtaykiqa rumi sonqo runakunam, mana allin ruwasqaykutawan huchaykuta pampachaykuspayá runaykikunapaqña chaskiykullawayku, nispa.

Isaías 22:12

Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Isaías 37:20

Kunanyá Dios Taytallayku, qamlla Dios kasqaykita kay pachapi llapallan nacionkuna reqsinankupaq rey Senaqueribpa makinmanta libraykuwayku, nispa.

Ezequiel 20:9

Ichaqa manam chaynatachu ruwarqani, chaynapi imaynam Egipto nacionmanta hurqomusqayta qawaq nacionkunapa qayllanpi sutiy mana yanqachasqa kananpaq.

Ezequiel 8:16

Chaymantam Tayta Diospa templonpa uku law pationman aparuwarqa, chaymi pachakuna waqaychanamanta altarman rinapi, yaqa iskay chunka pichqayuq qarikuna kachkasqaku. Paykunam templota qepanchakuruspanku intipa qespimunan lawman pampakama pakchakuykuspanku intita yupaychachkasqaku.

Oseas 14:2

Tayta Diosman kutirikuspa kaynata ruegakuychik: “Tukuy mana allin ruwasqaykumanta pampachaykuwayku, kuyakuynikiwanyá simiykumanta lloqsiq yupaychayniykuta chaskiykuwayku.

Joel 1:13

Sacerdotekuna lutokuspa waqaychik, altarpi servikuqkuna qaparkachaychik; Diosniypa serviqninkuna, hamuspa luto pachantin puñuychik; Diosnikichikpa templonpim kawsaykunata hinaspa vinota ofrecey tukurun.

Joel 1:9

Tayta Diospa templonpim kawsaymanta vinomanta ofrenda qoy tukurun, chayraykum Diospa sacerdotenkuna waqachkanku.

Amós 7:2

Chay aqaruwaykuna qorakunatapas mikuyta tukuruptinkum mañakurqani: Dios Taytalláy, pampachaykullawayku, Israel llaqtaqa aschallam kaniku, ¿pitaq hatarichiwanqaku? nispay.

Amós 7:5

Chaymi maña-kurqani: ¡Dios Taytalláy, pampachaykulla-wayku! Israel llaqtaqa aschallam kani-ku, ¿pitaq hatarichiwanqaku? nispay.

Miqueas 7:10

Chayta qawaspanmi, ¿maytaq Tayta Diosnikiqa? niwaqniy enemigoypas penqakuymanta pakakunqa. Ñoqañataqmi ñanpi mituta hina sarusqata qawaspay kusikusaq.

Malaquías 1:9

Chaynaqa, llakipayariwananchik-paq Tayta Diosta kunan mañakuychik. Ichaqa, chayna mana valeq ofrendakunata qochkaspaykichikqa, amayá piensaychikchu Diospas kusikuywanraq chaskiykusunaykichiktaqa. Tukuy Atiyniyuq Tayta Diosmi kaynata nin:

Números 25:6

Diosman asuykuna carpapa punkunpi Moiseswan Israelpa mirayninkuna waqachkaptinkum, huk israelita runa lliwpa qawasqanta madianita warmita carpanman pusaykurqa.

Mateo 23:35

Chaynapim qamkunaman chayasunkichik llapallan allin ruwaq runakunapa yawarnin, allin ruwaq Abelpa yawarninmanta qallaykuspa Berequiaspa churin Zacariaspa yawarninkama. Paytam templomanta altarman rinapi wañurachirqankichik.

Mateo 27:43

Payqa Diospim hapipakurqa, cheqapta kuyaspaqa Diosyá kunan librachun, “Diospa Churinmi kani” nirqataq, nispanku.

Deuteronomio 28:37

Tayta Diospa pusachisusqayki nacionkunapim qanmanta rimaspanku asipayaspa burlakusunki.

Deuteronomio 32:27

Ichaqa enemigokunapa asipayasqa kanantam mana munarqanichu, yanqañataq contrankupi kaqkuna ninmanku: “Kaytaqa kallpallanchikwanmi ruwarunchik, manam Tayta Dioschu ruwan”, nispanku.

Josué 7:9

Canaán castakunawan kay allpapi yachaqkunachiki uyariruspanku muyuruwanqaku, hinaspachiki sutiykutapas kay pachamanta chinkarachinqaku. Hinaptinqa, ¿imatataq ruwanki ancha reqsisqa sutiki mana penqaypi kananpaq? nispa.