Joel 2:12 - CHUYA QELLQA La Biblia en Quechua de Ayacucho 2012

¹² Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Quechua Ayacucho Bible 1987

¹² Tayta Diosmi nin kaynata: Qamkunaqa tukuy sonqoykichikwanyá kutirikamuwaychik. Qamkunaqa ayunowan, waqaywan hinaspa qapariywanyá kutirikamuwaychik.

Chuya Qellqa 1992

¹² Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Joel 2:12 Iomraidhean Croise

2~Samuel 24:10

Runakuna yupayta tukuruspanmi sonqonpi ñakakuspan Tayta Diosta David nirqa: Diosnilláy, hatu-hatuntam kay ruwasqaywanqa huchallikuruni, kunanmi ruegakuyki kay serviqnikita pampachaykuwanaykipaq, muspaypi hinam kayta ruwaruni, nispa.

2~Crónicas 30:6

Willakuqkunam reypa hinaspa kamachikuqkunapa cartan aparisqa Israel nacionmanwan Judá nacionman lloqsirqaku, reypa kamachisqanman hina kaynata nimunankupaq: Israelpa mirayninkuna, Abrahampa, Isaacpa hinaspa Israelpa yupaychasqan Tayta Diosman kutirikuychik, hinaptinqa Asiria nacionpa reyninmanta puchuqkunamanmi paypas kutirimusunkichik.

2~Crónicas 6:27

qanmi hanaq pachamanta uyariykamunki hinaspam Israel llaqtaykipa huchankunata pampachaykunki, munasqaykiman hina kawsayta yachachispaykim runaykikunaman herencia qosqayki allpaman paraykita kacharimunki.

Ester 4:16

Susa llaqtapi judío runakunatayá ñoqapaq ayunanankupaq huñuramuy, kimsa punchaw kimsa tutam ama mikunkichikchu nitaq tomankichikchu. Ñoqapas serviqniy sipaskunapiwanmi ayunasaq, chaymantañam reypa qayllanman yaykusaq, leyman hina mana yaykuna kachkaptinpas, wañunay otaq kawsanay kaptinpas, nispa.

Éxodo 33:5

Tayta Diosmi Moisesta nirqa, Israelpa mirayninkunata kaynata ninanpaq: Qamkunaqa rumi sonqo runakunam kankichik, chawpikichikman qonqayta chayaramuspayqa wañurachikichik-manmi. Kunanyá alhajaykichikkunata hurqokuychik, chayñam yachasaq qamkunawan imam ruwanaytapas, nispa.

Isaías 22:12

Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Isaías 58:4

Ayunaspaykichikmi peleayllapi kakunkichik, ayunaspaykichikmi quejanakuyllapi kakunkichik, wañuchinakuq hinam qamkunaqa takanakunkichik, ayunaspaykichikqa amayá kunan ruwasqaykichikta hinachu ayunaychik, chaynapi mañakusqaykichikpas hanaq pachapi uyarisqa kananpaq.

Jeremías 3:22

Mana kasukuq churikuna, ñoqaman kutirikamuychik, mana kasukuynikichikkunatam pampachasqaykichik. Dios Taytallayku, yupaychasqayku Diosmi qamqa kanki, qanmanmi kutirikamullaniku, qamllam Diosniykuqa kanki.

Jeremías 36:7

Icharaqpas Tayta Diosta mañakuspanku mana allin kawsayninkumanta wanakunmanku. Tayta Diosqa llumpayta piñakuspanmi kay runakunata amenazachkan, nispa.

Jeremías 4:1

Tayta Diosmi kaynata nin: Israelpa mirayninkuna, kutirikamuyta munaspaqa ñoqamanmi kutirikamunaykichik. Sichum qayllaymanta millakuypaq idolokunata wischuspa ñoqamanta mana sapaqchakuspaqa,

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

Ezequiel 33:11

Pay-kunaman ñoqa Tayta Diospa nisqayta kaynata niy: Ñoqa Tayta Diosmi sutiyrayku kaynata nikichik: Mana allin ruwaq runapa wañunantaqa manam munanichu, aswanqa mana allin ruwasqanmanta wanakuspa kawsakunantam munani. Chaynaqa, Israel miraykuna, ¡mana allin kawsasqaykichikmanta wanakuspa kutirikamuwaychik! ¿Imanasqataq huchaykichikpi wañunkichik? nispa.

Daniel 9:3

Hinaptinmi ayunakuspay Señor Diosta mañakurqani, paytaqa mañakurqani hawaypi uchpallaña luto pachayuqmi.

Oseas 12:6

Israel miraykuna, Diosnikichikman kutirikuychik, llakipayakuytawan allin kawsakuyta ruwaychik, ama pisipaspa Diospi hapipakuychik.

Oseas 12:7

Negociantekunaqa suwakuq balanzatam hatallinku, paykunaqa runamasin engañayllatam maskanku.

Oseas 14:1

Israel castakuna, Tayta Diosman kutirikuychik; huchaykichikraykum qamkunaqa urmarunkichik.

Oseas 6:1

Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Joel 1:13

Sacerdotekuna lutokuspa waqaychik, altarpi servikuqkuna qaparkachaychik; Diosniypa serviqninkuna, hamuspa luto pachantin puñuychik; Diosnikichikpa templonpim kawsaykunata hinaspa vinota ofrecey tukurun.

Zacarías 7:3

hinaspa Tukuy Atiyniyuq Tayta Diospa templonpi kaq sacerdotekunata chaynataq profetakunata kaynata tapumunankupaq: ¿Hinaraqchu pichqa kaq killapi waqasaqku hinaspa ayunasaqku imaynam watan-watan ruwasqaykuman hina? nispanku.

Zacarías 7:5

Kay nacionpi llapallan runakunata hinaspa sacerdotekunata kaynata nimuy: Kay qanchis chunka watantin, pichqa kaq killapi chaynataq qanchis kaq killapi waqaspa ayunaspaykichik, ¿ñoqapaqchu ayunarqankichik?

Malaquías 1:9

Chaynaqa, llakipayariwananchik-paq Tayta Diosta kunan mañakuychik. Ichaqa, chayna mana valeq ofrendakunata qochkaspaykichikqa, amayá piensaychikchu Diospas kusikuywanraq chaskiykusunaykichiktaqa. Tukuy Atiyniyuq Tayta Diosmi kaynata nin:

Hechos 26:20

chaymi Damasco llaqtapi puntata willakurqani, hinaspañataq Jerusalén llaqtapi, lliw Judea lawpi kaqkunamanpas chaynataq mana judío kaqkunamanpas. Paykunatam nirqani: “Huchaykichikmanta wanakuspaykichik Diosman kutirikuychik hinaspa imatapas allin kaqkunataña ruwaychik wanakusqaykichikta qawanankupaq”, nispay.

Jueces 2:4

Tayta Diospa angelnin chaynata niruptinmi Israelpa mirayninkuna qaparispa waqarqaku.

Jueces 20:26

Chaymi Israelpa llapallan mirayninkunaqa Tayta Diospa qayllanpi waqaspa mañakunankupaq Bet-el llaqtaman rirqaku, hinaspam chay punchaw tutaykunankama ayunarqaku, ofrecerqakutaqmi lliw kañanapaq animalkunatawan allinlla kasqankumanta ofrendakunatapas.

1~Samuel 7:3

Chaymi paykunata Samuel nirqa: Sichum tukuy sonqoykichikwan Diosman kutirikuspaykichikqa, wischuychikyá qamkuna ukupi kaq idolokunata chaynallataq Astarot idolokunatapas, hinaspayá cheqap Diosllapaqña kawsaspa payta serviychik, chayna kaptinqa kikinpunim filisteokunamanta librasunkichik, nispa.

1~Samuel 7:6

Israelpa mirayninkunam Mizpa llaqtapi huñunakururqaku, chaypim yakuta hurqospanku ofrendata hina Diospa ñawpaqninpi machqerqaku, chay punchawmi ayunaspanku Diospa contranpi huchallikusqankuta lliw reqsikurqaku. Samuelmi Israelpa mirayninkunata Mizpa llaqtapi juzgarqa.