Joel 2:1 - CHUYA QELLQA La Biblia en Quechua de Ayacucho 2012

¹ Sión moqopi trompetata tocaychik, sapaqchakusqay orqopi guerrapaq cornetata tocaychik, kay nacionpi yachaqkuna katkatataychik; Tayta Diospa punchawninmi chayamuchkanña, Tayta Diospa punchawninmi hichpamuchkanña.

Quechua Ayacucho Bible 1987

¹ Tayta Diosmi nin kaynata: Sion Moqopiyá cornetata tocaychik. Sapaqchakusqay Moqopiyá guerrapaq cornetata tocaychik. Kay nacionpi llapallan *f**yachaqkunayá katkatataychik. Ñoqa Tayta Diospa castiganay punchawqa chayaykamuchkanñam. Ñoqa Tayta Diospa castiganay punchawqa hichpaykamuchkanñam.

Chuya Qellqa 1992

¹ Sión moqopi trompetata tocaychik, sapaqchakusqay orqopi guerrapaq cornetata tocaychik, kay nacionpi yachaqkuna katkatataychik; Tayta Diospa punchawninmi chayamuchkanña, Tayta Diospa punchawninmi hichpamuchkanña.

Joel 2:1 Iomraidhean Croise

1~Crónicas 15:28

Chaynatam Israelpa mirayninkuna Tayta Diospa pacto ruwasqan Arcata aparqaku, kusikuymanta qaparistin, cornetakunata, trompetakunata, platillokunata, salteriokunata hinaspa arpakunata tocastin.

Éxodo 10:14

Chay aqaruwaykunam Egipto nacionpa hawanman hamuruspa puyu hinaña tiyarurqa; chayna aqaruwayqa manam haykapipas karqachu nitaqmi kanqachu.

Isaías 13:6

Allwaychik, Tayta Diospa piñakuynin punchawmi hichparamunña. Tukuy Atiyniyuq Diospa purmachinan punchawmi chayaramunña.

Isaías 13:9

Tayta Diospa punchawninmi chayamuchkanña: Manchakuypaq sinchi piñakuyninpim allpa pachatapas chunniqmanña tikrarunqa, chaypi kawsaq llapa huchasapakunatam chinkarachinqa.

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Jeremías 16:10

Llapa runakunaman kayta willaptikim paykuna kaynata tapusunki: ¿Imanasqataq Tayta Diosqa kay hatun castigokunata rimachisuchkanki? ¿Ima mana allintataq ruwaruniku? ¿Imapitaq Tayta Diospa contranpi huchallikuruniku? nispanku.

Jeremías 16:7

Wañukuqpa ayllunkunata consuelanankupaqpas manam convidotaqa ruwanqakuchu. Tayta-mamanña wañuptinpas manam consuelanqakuchu.

Jeremías 4:5

Judá nacionpiwan Jerusalén llaqtapi kaqkunaman willamuychik, trompetata tocaspa lliw nacionpi kallpawan kaynata qaparimuychik: ¡Hamuychik, murallasqa llaqtakunaman huñunakusunchik! nispaykichik.

Jeremías 5:22

Ñoqa Tayta Diosmi kaynata nini: ¿Manachu ñoqata manchakuwankichik? ¿Manachu qayllaypi katkatatankichik? Lamar qochapa patantam linderonpaq churarqani, chayta lamar qocha mana pasananpaq. Olankunapas mancharikuypaqta qaparispa hoqarikuchkaspapas manam pasayta atinmanchu.

Ezequiel 12:23

Chaynaqa, ñoqa Tayta Diospa nisqayta kaynata nimuy: Chay rimaynikichiktam chinkarachisaq, hinaptinmi Israel nacionpiqa manaña chaynataqa rimankichikñachu. Ñam hichpamuchkanña visionkunapi qawachisqay kaqkuna cumplikunan punchaw.

Ezequiel 21:12

Chaynaqa, runapa churin, waqaspa qaparkachay. Chay espadaqa kachkan Israel runaykunapa contranpim, Israelpa kamachiqninkunapa contranpim. Paykunam llaqtaywan kuska espadawan wañuchisqa kanqaku. Chayraykuyá qasqoykita takakuy.

Ezequiel 30:3

Chay punchawmi chayamuchkanña, Tayta Diospa punchawninmi chayamuchkanña. Chay punchawqa puyupa pampaykusqanmi kanqa, nacionkuna castigasqa kanan punchawmi kanqa.

Ezequiel 33:3

Paymi llaqtaman enemigo hamuqta rikuruspanqa trompetata tocanqa, chaynapi llaqta runakuna enemigo hamusqanta yachanankupaq.

Ezequiel 33:6

Sichum enemigo hamuqta rikuchkaspa llaqta cuidaq mana trompetata tocanmanchu runakuna alistakunankupaq, chaynapi enemigokuna yaykuramuspa pitapas wañurachiptin chay runa hina huchallanpi wañuruptinqa, llaqta cuidaqtam cuentata mañasaq.

Ezequiel 7:10

Chay punchawmi chayaramunña. Cheqaptapunim chayaramunña. Mana allin ruwaymi tukuy hinastinpi llanllarikuchkan, hatun tukuymi waytarikuchkan.

Ezequiel 7:12

Tiempom chayaramunña, chay punchawmi hichparamunña. Imapas rantiqqa ama kusikuchunchu, rantikuqpas ama llakikuchunchu. Israelpa hatun tukuynintam piñakuyniywan castigasaq.

Daniel 6:26

Munaychakusqaypi llapallan runakunatam decretaspay kamachimuykichik Danielpa Diosninta manchakuywan kasukunaykichikpaq. Payqa kawsaq Diosmi, wiñaypaq takyaq Diosmi, kamachikuyninpas mana haykapipas tukuqmi, munaychakuyninpas mana haykapipas puchukaqmi.

Daniel 9:16

Señornillayku, allin ruwaq kasqaykiraykuyá akllakusqayki Jerusalén llaqtaykipa contranpiqa amaña piñakuyñachu nitaq rabiakuyñachu. Huchaykuraykum hinaspa ñawpaq taytaykupa mana allinkuna ruwasqankuraykum Jerusalén llaqtaykiwan runaykikunapas muyuriqniykupi nacionkunapa usuchisqan kachkaniku.

Daniel 9:20

Tayta Diosta mañakuspay huchay-kunatapas hinaspa llaqtamasiyku-napa huchantapas hinallaraq willa-kuchkaptiymi, sapaqchakusqan moqorayku mañakuchkaptiymi,

Oseas 5:8

Gabaa llaqtapi cornetata tocaychik, Ramá llaqtapi trompetata tocaychik. Bet-avén llaqtapiwan Benjaminpi, ¡guerra! nispa qapariychik.

Oseas 8:1

Trompetata tocay, enemigom Tayta Diospa wasimpa contranpi anka hinaraq hamuchkan; yachachikuyniykunata mana kasukuspanmi pacto ruwasqayta llaqtay pakirun.

Joel 1:15

Tayta Diospa punchawninmi hichpamuchkanña, ¡imaynaraq chay punchaw kanqa! Tukuy Atiyniyuqmantam puchukay hamuchkan.

Joel 2:11

Tropankunapa ñawpaqninpim Tayta Diosqa rayo hinaraq qaparin, tropankunaqa mana yupay atinam, paypa kamachisqanta ruwanankupaq atiyniyuqmi; ¡mayna manchakuypaqmi Tayta Diospa punchawninqa! ¿Pitaq chay punchawta aguantayta atinman?

Joel 2:15

Sión moqopi cornetata tocaychik, ayunoman qayaspa runakunata huñuychik.

Joel 2:31

Manchakuypaq hatun punchawniy manaraq chayamuchkaptinmi, intipas tutayanqa, killapas yawaryanqa.

Joel 3:14

Nacionkunata Diospa juzganan qechwapim nana-nanaq runakuna tarikun, Diospa castiganan punchawmi hichpaykamuchkanña.

Joel 3:17

Chaynapim yachankichik Dios Taytaykichik kasqayta, hinaspa sapaqchakusqay Sión moqopi yachasqayta. Jerusalenpas chuya llaqtam kanqa, manañam haykapipas huklaw llaqtayuq runakunaqa munaychakunqakuñachu.

Amós 3:6

¿Yaqachu trompetata llaqtapi tocaptinku runakuna hawka kakunmanku? ¿Yaqachu llaqtapi ima sasachakuypas hatarinman Tayta Dios mana kacharimuchkaptin?

Amós 5:18

¡Ay, imaynaraq kankichik! Diospa punchawnin chayamunanta munaqkuna. ¿Imapaqtaq Diospa punchawnin chayamunanta munankichik? Chay punchawqa kanqa tutayaymi, manam achkiychu.

Amós 8:2

Hinaspanmi tapuwarqa: Amós, ¿imatataq qawachkanki? nispan. Ñoqañataqmi nirqani: Canasta hunta poqosqa frutakunatam, nispa. Hinaptinmi Tayta Dios niwarqa: Israel llaqtaymanmi puchukay chayaramun, manapunim pampachasaqñachu.

Abdías 1:15

Nacionkunata Tayta Diospa juzganan punchawmi hichpaykamuchkanña. Edom, imaynam ruwasqaykiman hinam qampas ruwasqa kanki, imaynam ruwasqaykiman hinam pagasqa kanki.

Sofonías 1:14

Tayta Diospa hatun punchawninmi hichpamuchkanña, chayamuchkanñam, utqaymanmi kallpamuchkan. Tayta Diospa punchawninqa anchapas manchakuypaqmi kanqa. Mana imata manchakuq runakunapas chaypiqa qaparkachanqakum.

Sofonías 1:16

Chay punchawpiqa trompetam uyarikunqa, murallasqa hatun torreyuq llaqtakunapa contranpim guerrapaq qaparinqaku.

Sofonías 1:7

Tayta Diospa qayllaypi upallaychik, Señorpa punchawninmi hichparamun. Tayta Diosmi huk sacrificiota allicharun, convidonman hamuqkunatam chuyancharun.

Sofonías 3:11

Kuyasqay llaqtalláy, chay punchawpiqa manañam penqakunkiñachu mana allinkunata ruwaspa contraypi hatarisqaykimantapas, pay tukuqkunatawan hatun tukuqkunata chawpikimanta chinkarachisqayrayku. Chaynapim sapaqchakusqay orqopiqa manaña haykapipas mastaqa contraypi hatarinkiñachu.

Zacarías 14:1

Jerusalén llaqta, Tayta Diospa punchawninmi hamuchkan, llapa tukuy imaykikunatapas chawpikipim rakinakunqaku.

Zacarías 8:3

Tayta Diosmi kaynata nin: Sión llaqtatam musoqmanta hatarichisaq, hinaspaymi chawpinpi yachakusaq, Jerusalén llaqtam cheqapwan, Tukuy Atiyniyuq Tayta Diospa orqonwan, chuyanchakuna orqowan sutichasqa kanqa.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Números 10:2

Qollqemanta iskay trompetakunata ruway, chaykunataqa martillowanmi ruwanki. Chaykunam runakunata huñunapaq chaynataq maymi kasqankumanta ñawpaqman rinankupaqpas servikunqa.

Números 10:3

Iskayninta tocachiptikim qampa ñawpaqnikiman asuykuwanaykichik carpapa punkunman lliw llaqta huñunakamunqaku.

1~Corintios 14:8

Guerrapaq hina trompetata mana tocamuptinqa manam pipas alistakunmanchu guerraman rinanpaq.

Filipenses 2:12

Kuyasqay wawqe-panillaykuna, qamkunawan kaptiymi tukuy tiempo kasuwarqankichik, ichaqa manam qamkunawan kaptillaychu, chaynaqa karupi kaptiypas aswanraqyá kasuwaychik. Manchakuywan hinaspa respetowanyá salvasqa kasqaykichikta allinta waqaychaychik,

1~Tesalonicenses 5:2

Yachasqaykichikpi hinapas mana yachasqanchik punchawpim Señorqa hamunqa, payqa hamunqa tutallan suwa hamuchkaq hinam.

Santiago 5:8

Chaynayá qamkunapas ama hukmanyaspa pacienciakuychik, Señorninchikpa kutimunanqa hichpallañam kachkan.

1~Pedro 4:7

Tukuy imapa puchukayninmi hich-pallaña kachkan, chaynaqa rikchan-llayá kaychik, amataq Diosta mañakuytapas qonqaychikchu.

Apocalipsis 6:17

Cas-tiganan hatu-hatun punchawmi chayaramun. ¡Pitaq chaytaqa aguantanman!” nispanku.