Joel 1:7 - CHUYA QELLQA La Biblia en Quechua de Ayacucho 2012

⁷ Uvas plantaykunatapas pasaypaqtam purmarachinku, higos sachaykunatapas pasaypaqtam pakiparunku, kallmankunatapas yuraqyanankamam qalaturunku.

Quechua Ayacucho Bible 1987

⁷ Paykunaqa uvas plantallaytapas pasaypaqtam purmarachinku. Paykunaqa higos sachallaykunatapas pasaypaqmi pakiparunku. Kallmankunatapas qalaturuspam pampamanraq wischuykunkupas. Yuraqllatañam rikurirachinku kallmachankunatapas.

Chuya Qellqa 1992

⁷ Uvas plantaykunatapas pasaypaqtam purmarachinku, higos sachaykunatapas pasaypaqtam pakiparunku, kallmankunatapas yuraqyanankamam qalaturunku.

Joel 1:7 Iomraidhean Croise

Éxodo 10:14

Chay aqaruwaykunam Egipto nacionpa hawanman hamuruspa puyu hinaña tiyarurqa; chayna aqaruwayqa manam haykapipas karqachu nitaqmi kanqachu.

Éxodo 10:15

Pampapas manaña rikukunankamam lliw allpata taparurqa, hinaspam runtu paramanta puchuq plantakunata, kawsaykunata, sachakunata hinaspa frutakunatapas tukururqa. Egipto nacionpiqa verde sachakunawan qorakunapas manam puchurqachu.

Isaías 24:7

Vinom pisirun, uvas plantakunam qawirun, kusikuyllapi kawsaqkunam llakipi rikurirun.

Isaías 32:12

Sumaqllaña kawsay ruruq chakrakunamanta, sumaqllaña uvas ruruq chakrakunamanta, qasqoykichikta takakuspa qaparkachaychik.

Isaías 5:6

Purmarachispaymi saqerusaq, manaña mallkisqa, manaña qorasqam kanqa, kichkakunapa qorakunapa huntaykusqanñam kanqa, puyukunatapas mana paramunanpaqmi kamachisaq.

Jeremías 8:13

Tayta Diosmi nin: Pasaypaqtam paykunata chinkarachisaq, chulla uvaspas kallmanpiqa manam puchunqachu, higospas sachanpiqa manam puchunqachu, rapinkunatapas pasaypaqtam chakirachisaq. Paykunaman qosqaytapas lliwtam qechurusaq.

Oseas 2:12

Uvas plantankunatawan higos sachankunatapas wituchisaqmi. Chaykunamantam pay nirqa: “Kaykunaqa kuyaqniykunapa pagawasqanmi”, nispa. Chaykunata qorayarachiptiymi purun animalkunaña mikunqaku.

Joel 1:12

Uvaswan higospas chakirunmi, granadawan palmerapas qawirunmi, manzanawan wakin sachakunapas chakirunmi, llapa runapa kusikuyninpas chinkarunmi.

Amós 4:9

Wayrawan utuskuruwanmi uvasnikichiktawan huertaykichiktapas tukurqa, higos plantaykichiktawan olivos sachaykichiktapas aqaruwaymi tukurqa, ichaqa manam ñoqaman kutirikamurqankichikchu. Tayta Diosmi chaynata nin.

Habacuc 3:17

Higos sachakuna manaña waytaptinpas, uvaskuna manaña ruruptinpas, aceitunas sachakuna manaña ruruptinpas, chakrakunapi kawsaykuna manaña qespiptinpas, kanchanpi ovejakuna tukuruptinpas, corralpi vacakuna manaña kaptinpas,

Malaquías 3:11

Kikiypunim kawsaynikichikta mikuq urukunatapas qarqorusaq, hinaptinmi chakraykichikpa ruruntapas mana mikupusunkichikchu, chakraykichikpi uvas plantaykichikpas mana pisiytam rurunqa. Tukuy Atiyniyuq Tayta Diosmi chay-nata nin.