Joel 1:14 - CHUYA QELLQA La Biblia en Quechua de Ayacucho 2012

¹⁴ Ayunopaq runakunata huñumuychik, Diospa templonman kay nacionpi kamachikuqkunatawan runakunata huñumuychik, hinaspa Tayta Diosta qayakuychik.

Quechua Ayacucho Bible 1987

¹⁴ Qamkunaqa ayunotayá ruraychik. Qamkunaqa runakunatayá huñuychik. Yupaychasqanchik Tayta Diospa templonmanyá huñumuychik ancianokunata. Yupaychasqanchik Tayta Diospa templonmanyá huñumuychik kay nacionpi llapallan *f**yachaqkunata. Qamkunaqa Tayta Diostayá qayakuychik allinneqta.

Chuya Qellqa 1992

¹⁴ Ayunopaq runakunata huñumuychik, Diospa templonman kay nacionpi kamachikuqkunatawan runakunata huñumuychik, hinaspa Tayta Diosta qayakuychik.

Joel 1:14 Iomraidhean Croise

2~Reyes 10:20

Jehuqa nirqataqmi: Baalpaq hatun huñunakuy punchawta akllaychik, nispa. Hinaptinmi chaynata ruwarqaku.

2~Crónicas 20:13

Judá runakunañataqmi warmintinkama, churintinkama taksa wawakunapas, Tayta Diospa qayllanpi sayarqaku.

Nehemías 8:18

Qanchis punchawmi chay fiestata ruwarqaku, sacerdote Esdrasñataqmi chay fiesta qallariyninmanta tukupaynin punchawkama Diospa kamachikuynin librota leerqa. Pusaq kaq punchawpiñataqmi, costumbrenkuman hina hatun huñunakuyta ruwarqaku.

Ester 4:16

Susa llaqtapi judío runakunatayá ñoqapaq ayunanankupaq huñuramuy, kimsa punchaw kimsa tutam ama mikunkichikchu nitaq tomankichikchu. Ñoqapas serviqniy sipaskunapiwanmi ayunasaq, chaymantañam reypa qayllanman yaykusaq, leyman hina mana yaykuna kachkaptinpas, wañunay otaq kawsanay kaptinpas, nispa.

Jeremías 14:2

Judá nacionmi waqachkan, llaqtankunam llakisqa kachkan; runakunam pampakunapi wischurayachkan, Jerusalenmi nanaywan qaparichkan.

Jeremías 36:9

Judá nacionpi Josiaspa churin rey Joacim pichqa wataña munaychakuchkaptinmi, chay watapa isqon kaq killanpi qayachirqaku, Jerusalén llaqtapi chaynataq Judá nacionpi kaq llaqtakunapi yachaqkunata, Jerusalenman hamuspanku Tayta Diospa qayllanpi ayunanankupaq.

Joel 1:2

¡Kamachikuqkuna kayta uyariychik! ¡Israel runakuna kayta uyariychik! ¿Yaqachum tiempoykichikpi kaykuna pasakurqa otaq ñawpaq taytaykichikkunapa tiemponpipas?

Levítico 23:36

Qanchis punchawmi ñoqa Tayta Diosman kañasqa ofrendakunata ofrecewankichik, pusaq kaq punchawpiñataqmi ñoqallapaqña sapaqchasqa huñunakuyman qayaspa kañasqa ofrendata ofrecewankichik. Chay punchawpiqa fiestay kasqanraykum ama llamkankichikchu.

Jonás 3:5

Hinaptinmi Nínive llaqtapi yachaqkuna, Diospa nisqanta uyariykuspanku, hatunpas taksapas ayunaspanku huchan-kumanta wanakuspa qachqa pachakunawan churakurqaku.

Jonás 3:8

Aswanqa lutokuspa animalkunawan kuska tukuy sonqoykichikmanta Tayta Diosta mañakuychik hinaspa mana allin kawsaynikichikmanta sapakama wanakuychik, wanakuychiktaq mana allinkuna ruwaynikichikmantapas.

Sofonías 2:1

Mana penqakuq runakuna, huñunakuspa yuyaymanaychik,