Jeremías 9:7 - CHUYA QELLQA La Biblia en Quechua de Ayacucho 2012

⁷ Tukuy Atiyniyuq Tayta Diosmi kaynata nin: Ruwasqaymanta mastaqa, ¿imataraqtaq runaykunawan ruwasaq? Qorita ninapi chulluchichkaq hinaraqmi paykunataqa chuyanchasaq.

Quechua Ayacucho Bible 1987

⁷ Llapallan Kamachiq Tayta Diosmi nini: Rurasqaymanta mastaqa ¿imataraqtaq runaykunawan rurasaq? Qorita ninapi chulluchichkaq hinaraqmi paykunataqa chuyanchasaq.

Chuya Qellqa 1992

⁷ Tukuy Atiyniyuq Tayta Diosmi kaynata nin: Ruwasqaymanta mastaqa ¿imataraqtaq runaykunawan ruwasaq? Qorita ninapi chulluchichkaq hinaraqmi paykunataqa chuyanchasaq.

Jeremías 9:7 Iomraidhean Croise

2~Samuel 13:26

Absalon-ñataqmi nirqa: Mana riyta munaptikiqa ruegakuykim wawqey Amnón ñoqaykuwan rinanpaq, nispa. Chaymi rey tapurqa: ¿Imapaqtaq Amnón rinanta munanki? nispa.

2~Crónicas 36:15

Chaymi ñawpaq taytankupa yupaychasqan Tayta Diosqa sapa kutilla paymanta willakuqkunata kacharqa, chaynataqa ruwarqa runan-kunatawan yachanan templota llakipayasqanraykum.

Isaías 1:25

Yapamantam atiyniywan qamkunata ñakarichisqaykichik, qollqeta chulluchichkaq hinam qachaykichikta mayllasqaykichik, chaynatam mana allin ruwaynikichikmanta sapaqchasqaykichik.

Isaías 48:10

Ñoqam qamtaqa chuyancharqayki, ichaqa manam qollqeta chulluchichkaq hinachu, aswanqa ñakariy hornopim chuyancharqayki.

Isaías 59:3

Qamkunaqa runa wañuchiqmi kankichik, millakuypaq mana allinkuna ruwaqmi kankichik, simikichikmantapas llullakuywan mana allinkunallam lloqsimun.

Jeremías 31:20

Ñoqa Tayta Diosmi nini: Efraín llaqtaqa kuyasqay churiymi, payqa ancha kuyasqay churiymi; qaqcharuspaypas paytaqa manam qonqanichu, paymantaqa sonqoypas waqanmi, paymantaqa sinchitam llakikuni.

Jeremías 5:1

Tayta Diosmi kaynata nin: Jerusalenpa callenkunapiyá purimuychik, allinta qawamuspayá maskamuychik; icharaqpas pillatapas allin arreglo ruwaq runata tarimuwaqchik, cheqap rimaq runata tarimuwaqchik, hinaptinqa Jerusalentam pampachasaq.

Jeremías 6:27

Tayta Diosmi kaynata niwarqa: Qamtaqa torreta hinam llaqtaypi churarqayki, runaykunapa imaynam kawsasqankuta qawanaykipaqmi churarqayki.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Malaquías 3:3

Leví ayllutam qorita qollqeta hina Tayta Dios chuyanchanqa. Chaymantañam paykunaqa Tayta Diospa munasqanman hina ofrendata apamunqaku.

1~Pedro 1:7

Qoripa allin kas-qantapas otaq mana allin kasqantapas yachanapaqqa ninapim chulluchinku, chaynam iñiynikichikpas pruebasqa kanqa. Tukuruqlla qorimantapas chay iñiynikichikmi aswanqa valen. Jesucristo rikurimuptinmi chay iñiynikichikqa alabasqa, qapaqchasqa hinaspa hatunchasqa kanqa.

1~Pedro 4:12

Kuyasqay wawqe-panillaykuna, tukuy rikchaq sasachakuykuna hamusuptikichikqa amayá hukmanyaruychikchu yaqa mana allinpas kanman hinaqa.