Jeremías 9:6 - CHUYA QELLQA La Biblia en Quechua de Ayacucho 2012

⁶ Tayta Diosmi kaynata nin: Pantachinakuypa chawpinpim kawsakunku, engañakuq kasqankuraykum paykunaqa mana reqsiwayta munankuchu.

Quechua Ayacucho Bible 1987

⁶ Tayta Diosmi nin: Paykunaqa chaylla-chayllam ñakarichinakunku. Paykunaqa chaylla-chayllam engañanakunku. Paykunaqa manañam reqsiwayta munankuchu.

Chuya Qellqa 1992

⁶ Tayta Diosmi kaynata nin: Pantachinakuypa chawpinpim kawsakunku, engañakuq kasqankuraykum paykunaqa mana reqsiwayta munankuchu.

Jeremías 9:6 Iomraidhean Croise

Proverbios 1:24

Qamkunaqa qayachkaptiypas manam uyarirqankichikchu, makiyta haywarimuchkaptiypas manam kaqpaqpas hapirqankichikchu.

Proverbios 1:29

Yachayta wischupakuspa Tayta Diosta mana kasukusqaykichikraykum,

Isaías 1:25

Yapamantam atiyniywan qamkunata ñakarichisqaykichik, qollqeta chulluchichkaq hinam qachaykichikta mayllasqaykichik, chaynatam mana allin ruwaynikichikmanta sapaqchasqaykichik.

Isaías 1:3

Toropas dueñontaqa reqsinmi, asnopas dueñompa ruwapusqan corraltaqa reqsinmi. Israel llaqtaymi ichaqa mana reqsikuq hinaspa mana uyarikuq rikurirun.

Isaías 4:4

Señorqa castigananpaq sentenciaspanmi Sionpi yachaqkunata qachankunamanta chuyanchanqa, Jerusalentam yawar chaqchusqanmanta mayllanqa.

Jeremías 11:10

Ñawpaq taytankupa mana allin ruwasqankumanmi qokurunku. Paykunaqa nisqaykunata mana kasukuspankum idolokunataña yupaycharqaku. Israel runakunawan Judá nacionpi runakunam, ñawpaq taytankuwan pacto ruwasqayta yanqacharunku.

Jeremías 11:19

Nakanankupaq pusasqanku manso carnero hinam ñoqaqa karqani. Manam yachakurqanichu contraypi kayna rimanakusqankutaqa: Ruruchkaq sachata hinayá kuchurusunchik, kay pachapi kaqkunamantayá chinkarachisunchik, paymanta manaña pipas yuyarinankupaq, nispa.

Jeremías 13:10

Kay mana allin runakunaqa kamachikuyniykunata mana kasukuspam sonqonkupa munasqanman hina kawsachkanku. Idolokunaman qokuruspankum chaykunataña qonqoranpa hatunchachkanku. Chay ismusqa chumpi hinam paykunaqa mana imapaq valeq rikurirunku.

Jeremías 18:18

Chay runakunam ninakurqaku: Hamuychik, Jeremiaspa contranpi tanteanakusun. Yachachiqninchik sacer-dotekunapas, yachayniyuq consejaqninchikkunapas, Tayta Diospa nisqanta willawaqninchik profetakunapas, manam faltanqachu. Tumpaykusunchik wañurachinankupaq, ima rimasqantapas ama kasusunchikchu, nispanku.

Jeremías 20:10

Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Jeremías 5:27

Imaynam jaulakunata urpikunawan huntachinku, chaynam wasinkutapas suwakusqankuwan huntachinku, chaykunawan apuyaruspankum qari tukuqllaña rikurirunku.

Jeremías 8:5

Chaynaqa, Israel runakuna, ¿imanasqataq ñoqamantaqa karunchakurunkichik? Jerusalenpi runakuna, ¿imanasqataq pasaypaqta qepancharuwankichik? Pantaynikichikman hapipakuruspam kutirikamuwayta mana munankichikchu.

Oseas 11:8

¿Efraín llaqtalláy, imaynataq saqeruykiman? ¿Israel llaqtalláy, imaynataq qoykuykiman? ¿Imaynataq Adma llaqtata hinaqa qoykuykiman? ¿Imaynataq Zeboim llaqtata hinaqa saqeruykiman? sonqoymi qamkunamanta llumpayta llakikun, chayraykum munaspaypas mana atinichu.

Oseas 4:6

Mana yachayniyuq kasqanraykum llaqtayqa chinkachisqa karqa. Yachachikuyniyta wischupakusqaykiraykum sacerdote kaynikimantapas qarqorusqayki; Diosnikipa kamachikuyninkunata qonqarusqaykiraykum ñoqapas miraynikikunata qonqarusaq.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

1~Corintios 15:34

Allinta rikchapakuspayá ama huchallikuychikchu, wakiqnikichikqa manaraqmi Diosta reqsinkichikchu, penqakunaykichikpaqmi kaytaqa nikichik.

1~Samuel 2:12

Eliypa churinkunam karqaku mana allin ruwaqkuna. Paykunaqa manam Diosta manchakurqakuchu,