Jeremías 9:4 - CHUYA QELLQA La Biblia en Quechua de Ayacucho 2012

⁴ amistadnikipipas ama hapipakuychu, wawqekipipas ama confiakuychu, wawqepurapas engañanakunkum, amistadpurapas tunpanakunkum.

Quechua Ayacucho Bible 1987

⁴ Amistadnikichikpipas amañayá confiakuychikchu. Wawqekichikpipas amaña confiakuychikchu. Wawqepurallam engañanakunku. Amistadpurallam cargochanakunku.

Chuya Qellqa 1992

⁴ amistadnikipipas ama hapipakuychu, wawqekipipas ama confiakuychu, wawqepurapas engañanakunkum, amistadpurapas tunpanakunkum.

Jeremías 9:4 Iomraidhean Croise

Génesis 32:28

Hinaptinmi chay runa nirqa: Manañam Jacobñachu sutikiqa kanqa, aswanqa Israelñam, Dioswanpas chaynataq runakunawanpas peleaspa vencerusqaykirayku, nispa.

Proverbios 10:18

Llulla runaqa cheqnikuynintapas pakanmi, mana yachayniyuq runaqa cuento qepim.

Proverbios 25:18

Runamasinpa contranpi llullakunata rimaq runaqa martillo, espada, hinaspa ñawchi puntayuq flecha hinam.

Proverbios 4:16

Paykunaqa manam puñuytapas tarinkuchu ima mana allintapas mana ruwaspankuqa, pitapas urmachinankukamam rikchankupas,

Proverbios 4:17

mikuyninkupas mana allin ruwayllam, upyayninkupas runa wañuchiyllam.

Proverbios 6:16

Soqta huchakunatam Tayta Dios cheqnin, qanchis kaqtañataqmi pasaypaqta millakun:

Proverbios 6:19

llulla rimaq testigota, wawqentinta peleanachiqta.

Isaías 59:13

Mana kasukuspam qepancharqaykiku, iskay uya kaspaykum traicionarqaykiku; contraykipim hatarirqaniku, runamasiykuta ñakarichinaykupaqmi rimarqaniku, engañanaykupaqmi sonqoykupipas tantearqaniku.

Isaías 9:16

Kayna kamachikuqkunam llaqtata pantarachin, kamachisqan runakunañataqmi pantaypi rikurirun.

Jeremías 12:6

Wawqekikunawan aylluykikunapas traicionarusunkim, qepaykipiqa hatunmantaraqmi insultasunki. Kuyakuyllawanña rimapayasuptikipas ama paykunapiqa hapipakuychu.

Jeremías 6:28

Paykunaqa llapallankum mana kasukuq runakuna, llapallankum chinkaypi puriq cuento qepikuna. Bronce hina fierro hina mana sientiqmi kanku, llapallankum mana allin ruwaqkuna.

Jeremías 9:8

Qallunkupas wañuchikuq flecha hinaraqmi engañollata rimanku. Amistadninkutam “hawkayay” qampaq kachun ninku sonqonkupim ichaqa wañuchinankupaq tanteanku.

Ezequiel 22:9

Runaykikunaqa yanqakunamanta tumpaspam runata wañuchinku; paykunaqa idolokunata yupaychanankupaq orqokunapi convido ruwasqankuman rispam, pasaypaq millakuypaq kaqkunata ruwamunku.

Levítico 19:16

Llaqtaykipiqa amam cuento qepiqa kankichu, amataqmi runamasikipa vidantaqa wañuyman churankichu. Ño-qaqa Tayta Diosmi kani.

Malaquías 2:10

¿Manachum huk taytayuqlla kanchik? ¿Manachum ñoqanchiktaqa huk Dioslla unanchawarqanchik? Hinaptinqa, ¿imaynanpimá ñawpaq taytanchikkunawan Diosninchikpa pacto ruwasqanta qepanchakuruspa kikinchikpuraqa traicionanakunchik?

Mateo 10:17

Cuidakuychik, juezkunamanmi apasqa kankichik, sinagogakunapim azotesqa kankichik.

Mateo 10:21

Runakunam wawqenta wañuyman qonqa, taytakunapas churinkutam wañuyman qonqa; churikunañataqmi tayta-mamanpa contranpi hatarispa wañuchinqa.

Lucas 21:16

Qamkunaqa tayta-mamaykichikpa, wawqekichikkunapa, aylluykichikkunapa hinaspa amistadnikichikkunapa traicionasqanmi kankichik. Wakiqnikichiktam wañuchisunkichik.

1~Tesalonicenses 4:6

Chaynaqa, amayá pipas runamasintaqa kamichunchu nitaq engañachunchu, Señorqa tukuy chaykunataqa vengakunqam. Ñam chaykunamantaqa willarqaykikuña.