Jeremías 9:22 - CHUYA QELLQA La Biblia en Quechua de Ayacucho 2012

²² Runakunapa ayanmi hatun ispay hina chakrakunapi wischurayachkan, rutuqkunapa qepanpi gavillakuna hinam wischurayachkan, manam pipas hoqariq kanchu. Ñoqa Tayta Diosmi chaynata nini.

Quechua Ayacucho Bible 1987

²² Nimuyá ñoqa Tayta Diospa kayna nisqayta: “Wañuqkunapa ayanmi chakrakunapi wischurayachkan. Chakrakunapim wanu hina wischurayachkan. Rutuqkunapa qepanpi gamillakuna hinaraqmi wischurayachkan.”

Chuya Qellqa 1992

²² Runakunapa ayanmi hatun ispay hina chakrakunapi wischurayachkan, rutuqkunapa qepanpi gavillakuna hinam wischurayachkan, manam pipas hoqariq kanchu. Ñoqa Tayta Diosmi chaynata nini.

Jeremías 9:22 Iomraidhean Croise

2~Reyes 20:13

Ezequiasñataqmi chaykunawan kusikuspan, mana imatapas pakaykuspan palacionpi kaqkunata chaynataq munaychakusqan nacionpi tukuy kapuqninkunatapas paykunaman qawachirqa: Qorita, qollqeta, especeriakunata, miski asnaq aceiteta, armakuna waqaychananta, wasinpi tukuy imakuna waqaychasqantapas.

2~Reyes 20:15

Huktawanmi Isaías tapurqa: ¿Imakunatataq palacioykipi rikurqaku? nispa. Ezequiasñataqmi, nirqa: Palacioypi tukuy imatam qawarqaku, tukuy ima hatallisqaytam mana pakaspay qawachirqani, nispa.

2~Reyes 9:37

Jezabelpa ayanqa wanu hinam Jezreel llaqtapi chakrakunata wanuchanqa, manañam pipas: “Kayqa Jezabelmi” ninqakuñachu, nispa.

Jobwan Sutichasqa Libro 5:13

yachaysapa tukuqkunatam kikinkupa sakri kayllankupi wichirachin, mana allinkuna ruway munasqankutam yanqachan.

Proverbios 18:11

Apuqa tukuy ima kapuqnintam alto perqakunawan cercosqa llaqtata hina qawan.

Proverbios 23:4

Ama apuyayllata maskaychu, aswanqa chaypi yuyarayayta saqey.

Isaías 5:25

Chayraykum Diosqa llaqtanpaq llumpayta piñakurqa, makinwanmi wañuyman qaraykurqa, chay ruwasqanwanqa orqokunapas katkatatarqam, ayakunapas callekunapim chuta-chuta mana pipa hoqarisqan karqa. Chaywanpas Señorpa piñakuyninqa manam taninchu, chayllam kachkan castigananpaq.

Jeremías 16:4

Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Jeremías 25:33

Chay punchawpi Tayta Diospa wañuchisqankunam kay pachapa cantonmanta huknin cantonkama wischurayanqaku, paykunamantaqa manam pipas aya takita takinqakuchu, ayankutapas manam pipas hoqarinqakuchu nitaqmi pampanqakuchu, paykunaqa hatun ispay hinam pampapi wischurayanqaku.

Jeremías 6:21

Chayraykum ñoqa Tayta Dios kaynata nini: Kay llaqta mitkananpaqmi trancata churasaq, tayta-mamanpas wawa-churinkuwan kuskam wichinqaku, vecinonpas, puriqmasinkunapas chaymanmi wichinqaku, hinaspam chaypi wañunqaku.

Jeremías 7:33

Kay runakunapa ayantam alton pawaq animalkunawan purun animalkunaña mikunqaku, manam pipas amachaq kanqachu.

Jeremías 8:2

Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Habacuc 1:11

Kallpasapa wayra hinam pasarunku, paykunaqa kallpankuta diosninkupaq hapispam chaywan huchallikunku.

Sofonías 1:17

Chay punchawpim runakunata ñakarichisaq, Tayta Diospa contranpi huchallikusqankuraykum ñawsa hinaña purinqaku. Yawarninkupas ñutu allpa hinam pampaman tallikunqa, aychankuñataqmi hatun ispay hina montorayanqa.

Deuteronomio 8:17

Yanqañataq sonqoykichikpi niwaqchik: “Kay llapa kapuqninchiktaqa kall-panchikwanmi armakurqanchik”, nispaykichik.